Skip to content
Monday, 16 November 2026
Breaking News
Video
Programme

କରଞ୍ଜିଆ ବନଖଣ୍ଡରେ ୬୦ ହାତୀ: ଭୟରେ ୧୩୦ ଗାଁ’ର ଲୋକେ, ନିଆଁ ଜାଳି ଖଳା ଜଗୁଛନ୍ତି ଚାଷୀ

କରଞ୍ଜିଆ ବନଖଣ୍ଡରେ ୬୦ ହାତୀ: ଭୟରେ ୧୩୦ ଗାଁ’ର ଲୋକେ, ନିଆଁ ଜାଳି ଖଳା ଜଗୁଛନ୍ତି ଚାଷୀ

କରଞ୍ଜିଆ ବନଖଣ୍ଡରେ ୬୦ ହାତୀ: ଭୟରେ ୧୩୦ ଗାଁ’ର ଲୋକେ, ନିଆଁ ଜାଳି ଖଳା ଜଗୁଛନ୍ତି ଚାଷୀ

Key Points

  • କରଞ୍ଜିଆ ସଦର: କେନ୍ଦୁଝର ବନଖଣ୍ଡରେ ୩ ମାସ ଧରି ଉପଦ୍ରବ କରୁଥିବା ୨୮ ଟିକିଆ ହାତୀପଲ ଆଜି ଭୋର୍‌ରେ ସୀମାନ୍ତ ମୟୂରଭଞ୍ଜଜିଲ୍ଲା କରଞ୍ଜିଆ ବନଖଣ୍ଡରେ ପ୍ରବେଶ କରିଛନ୍ତି।
  • ହାତୀମାନେ କେନ୍ଦୁଝର ବନଖଣ୍ଡ ଉଖୁଣ୍ଡା ସେକ୍ସନ୍‌ ଅନ୍ତର୍ଗତ ଆଦିପୁର ଘାଟ ନିକଟରେ ବୈତରଣୀ ନଦୀ ପାର୍‌ ହୋଇ ଆସିଛନ୍ତି।
  • ବର୍ତ୍ତମାନ ସେମାନେ ରରୁଆଁ ସେକ୍ସନ୍‌ର ପାର୍ବତୀପୁର ଆମ୍ବ ବଗିଚାରେ ରହିଥିବା ଜଣାପଡ଼ିଛି।

କରଞ୍ଜିଆ ବନଖଣ୍ଡରେ ୬୦ ହାତୀ: ଭୟରେ ୧୩୦ ଗାଁ’ର ଲୋକେ, ନିଆଁ ଜାଳି ଖଳା ଜଗୁଛନ୍ତି ଚାଷୀ

 

କରଞ୍ଜିଆ ସଦର: କେନ୍ଦୁଝର ବନଖଣ୍ଡରେ ୩ ମାସ ଧରି ଉପଦ୍ରବ କରୁଥିବା ୨୮ ଟିକିଆ ହାତୀପଲ ଆଜି ଭୋର୍‌ରେ ସୀମାନ୍ତ ମୟୂରଭଞ୍ଜଜିଲ୍ଲା କରଞ୍ଜିଆ ବନଖଣ୍ଡରେ ପ୍ରବେଶ କରିଛନ୍ତି। ହାତୀମାନେ କେନ୍ଦୁଝର ବନଖଣ୍ଡ ଉଖୁଣ୍ଡା ସେକ୍ସନ୍‌ ଅନ୍ତର୍ଗତ ଆଦିପୁର ଘାଟ ନିକଟରେ ବୈତରଣୀ ନଦୀ ପାର୍‌ ହୋଇ ଆସିଛନ୍ତି। ବର୍ତ୍ତମାନ ସେମାନେ ରରୁଆଁ ସେକ୍ସନ୍‌ର ପାର୍ବତୀପୁର ଆମ୍ବ ବଗିଚାରେ ରହିଥିବା ଜଣାପଡ଼ିଛି।କରଞ୍ଜିଆ ବନଖଣ୍ଡରେ ପୂର୍ବରୁ ହାତୀମାନେ ଥିବା ବେଳେ ଆଜି ଆସିଥିବା ୨୮ଟି ହାତୀଙ୍କୁ ମିଶାଇ ସଂଖ୍ୟା ୬୦ରେ ପହଞ୍ଚିଛି। ଏଠାରେ ଏବେ ୧୩ଟି ଦନ୍ତା, ୨୬ଟି ମାଈ, ୨୦ଟି ଛୁଆ ଓ ଗୋଟିଏ ମାଖନା ହାତୀ ରହିଛନ୍ତି। କରଞ୍ଜିଆରେ ୪୨ଟି, ଦୁଧିଆଣିରେ ୧୩ଟି, ଠାକୁରମୁଣ୍ଡାରେ ୨ଟି ଓ ସାତକୋଶିଆରେ ୩ଟି ହାତୀ ରହିଥିବା ଜଣାପଡ଼ିଛି। ଏତେ ସଂଖ୍ୟକ ହାତୀ ବିଚରଣ କରୁଥିବାରୁ କରଞ୍ଜିଆ ବନଖଣ୍ଡ ଅଧୀନ ପ୍ରାୟ ୧୩୦ଟି ଗାଁ’ର ଲୋକେ ଭୟଭୀତ ହୋଇ ପଡ଼ିଛନ୍ତି। ବିଶେଷକରି ନୂଆକରି ଆସିଥିବା ଝାଡ଼ଖଣ୍ଡୀ ହାତୀପଲ ସଂପୃକ୍ତ ଅଞ୍ଚଳରେ ବ୍ୟାପକ ଫସଲ ଓ ସମ୍ପତ୍ତି ନଷ୍ଟ କରୁଥିବାରୁ ଚାଷୀମାନଙ୍କ ଚିନ୍ତା ବଢ଼ିଛି। କାରଣ ବର୍ତ୍ତମାନ ଧାନ କଟା ଆରମ୍ଭ ହୋଇଯାଇଛି।ହାତୀଙ୍କ ଦାଉରୁ ଧାନ ଫସଲ ରକ୍ଷା କରିବା ପାଇଁ ଚାଷୀମାନେ ରାତିରେ ଖଳା ନିକଟରେ ନିଆଁ ଜାଳି ପହରା ଦେଉଛନ୍ତି। ଅନ୍ୟପଟେ ବନ ବିଭାଗର କର୍ମଚାରୀମାନେ ହାତୀଙ୍କ ଗତିବିଧି ଉପରେ ନଜର ରଖିଥିଲେ ମଧ୍ୟ ସେମାନଙ୍କୁ ରୋକିବା ସମ୍ଭବ ହେଉନାହିଁ। କରଞ୍ଜିଆ ବନଖଣ୍ଡ ଅଧିକାରୀ ଅଜୟ କୁମାର ସାହୁଙ୍କ ନିର୍ଦ୍ଦେଶରେ ବନ କର୍ମଚାରୀମାନେ ଡାକବାଜି ଯନ୍ତ୍ର ଦ୍ବାରା ହାତୀଙ୍କ ଚଳପ୍ରଚଳ ବାବଦରେ ଗ୍ରାମବାସୀଙ୍କୁ ସୂଚନା ଦେଉଛନ୍ତି। ହାତୀମାନଙ୍କୁ ଉତ୍ତେଜିତ ନ କରିବା ଏବଂ ସତର୍କ ରହିବା ପାଇଁ ସଚେତନ କରାଯାଉଛି।

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments