ନୂଆସାହି କେନାଲ ବ୍ରିଜ ଦବିଗଲା: ସରିକି ସରି ଗଭୀର ଫାଟ, ଅଠାନ୍ତରରୁ ବନମାଳୀପୁର ରାସ୍ତା ବିପଦସଂକୁଳ
ବାଲିପାଟଣା: ଅଠାନ୍ତରରୁ ବନମାଳୀପୁର ରାସ୍ତା ବିପଦସଂକୁଳ ହୋଇପଡ଼ିଛି। ନିମାପଡ଼ା ବ୍ରାଞ୍ଚ କେନାଲ ନୂଆସାହି ନିକଟରେ ଥିବା ବ୍ରିଜରେ ଗଭୀର ଫାଟ ସୃଷ୍ଟି ହୋଇଛି। ବ୍ରିଜ ଛାତ ଓ ବାଡ଼ାରୁ ସିମେଣ୍ଟ କଂକ୍ରିଟ ଛାଡ଼ି ଯାଇ ଖାଲଖମା ହୋଇଥିଲା। ଆଜି ରାତି ପ୍ରାୟ ସାଢେ ୧୦ଟା ବେଳେ ସେହି ବାଟରେ ଯାଉଥିବା କିଛି ବ୍ୟକ୍ତି ବ୍ରିଜ ଦବି ଯାଇଥିବା ଦେଖିଥିଲେ। ପୋଲ ଆରମ୍ଭ ଓ ଶେଷମୁଣ୍ଡ ସହ ମଝିଭାଗ ମଧ୍ୟ ଫାଟି ଯାଇଥିବା ପ୍ରତ୍ୟକ୍ଷ୍ୟଦର୍ଶୀ କହିଛନ୍ତି।ବନମାଳୀପୁର ବ୍ୟବସାୟିକ ପେଣ୍ଠସ୍ଥଳୀ ହୋଇଥିବାରୂ ଏହି ରାସ୍ତାରେ ବହୁ ଭାରିଯାନ ଯିବାଆସିବା କରିଥାଏ। ପୂର୍ତ୍ତ ବିଭାଗ ତରଫରୁ କିଛି ଦିନ ପୂର୍ବରୁ ଏହି ରାସ୍ତା ନବୀକରଣ ହୋଇଛି। ହେଲେ ବ୍ରିଜ ନିର୍ମାଣ ହୋଇପାରିନାହିଁ। ବ୍ରିଜ ଦବି ଫାଟ ସୃଷ୍ଟି ହୋଇଥିବାରୁ ଲୋକଙ୍କୁ ଭିତରେ ଭୟ ସୃଷ୍ଟି ହୋଇଛି। କେନାଲରେ ଭରା ପାଣି ରହିଛି। ପୋଲ ଭାଙ୍ଗିପଡ଼ିଲେ ବଡ଼ ଅଘଟଣର ଆଶଂକା ରହିଛି।









Comments