ସରସ୍ୱତୀ ଶିଶୁ ବିଦ୍ୟା ମନ୍ଦିରର ତ୍ରିଂଶତମ ବାର୍ଷିକ ଉତ୍ସବ : Ommtv

ସରସ୍ୱତୀ ଶିଶୁ ବିଦ୍ୟା ମନ୍ଦିରର ତ୍ରିଂଶତମ ବାର୍ଷିକ ଉତ୍ସବ : Ommtv
ଭୁବନେଶ୍ୱର,୨୬ା୧୨: ନୀଳାଦ୍ରି ବିହାର ସରସ୍ୱତୀ ଶିଶୁ ବିଦ୍ୟା ମନ୍ଦିରର
ତ୍ରିଂଶତମ ବାର୍ଷିକ ଉତ୍ସବ ବିଦ୍ୟାଳୟ ପରିସରରେ ମହାସମାରୋହରେ ଅନୁଷ୍ଠିତ
ହୋଇଯାଇଛି । ପରିଚାଳନା ସମିତିର ଉପସଭାପତି ପଙ୍କଜ କୁମାର କରଙ୍କ
ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ନାଲକୋର
ଜେନେରାଲ ମ୍ୟାନେଜର ତଥା ବିଶିଷ୍ଟ କବି ଅରୁଣ କୁମାର ସାହୁ ଯୋଗଦେଇ
ମାତୃଭାଷା ଉପରେ ଗୁରୁତ୍ୱ ପ୍ରଦାନ କରିବା ସହିତ ସରସ୍ୱତୀ ଶିଶୁ ମନ୍ଦିରର
ସଂସ୍କାର ମୂଳକ ଶିକ୍ଷା ପାଇଁ ଛାତ୍ରଛାତ୍ରୀମାନେ ସଂସ୍କାରିତ ବୋଲି ମତବ୍ୟକ୍ତ
କରିଥିଲେ । ମୁଖ୍ୟବକ୍ତା ଭାବେ ରଷ୍ଟ୍ରୀୟ ସ୍ୱୟଂ ସେବକ ସଂଘର ଓଡିଶା ପୂର୍ବପ୍ରାନ୍ତ ସହ
ପ୍ରାନ୍ତ କାର୍ଯ୍ୟବାହ ରବିନାରାୟଣ ପଣ୍ଡା ଶିଶୁ ମନ୍ଦିରର ଦେଶ ନିର୍ମାଣରେ ଭୂମିକା
ଓ ଭାରତୀୟ ସଂସ୍କୃତିର ମହତ୍ୱ ସମ୍ବଦ୍ଧରେ ଆଲୋକପାତ କରିଥିଲେ । ସମ୍ମାନିତ ଅତିଥି
ଭାବେ ସମ୍ପାଦକ ସତ୍ୟବ୍ରତ ପୃଷ୍ଟି ଯୋଗଦାନ କରିଥିଲେ । ବିଦ୍ୟାଳୟର ସହ ପ୍ରଧାନ
ଆଚାର୍ଯ୍ୟ କେଦାର ନାଥ ସେଠୀ ଅତିଥି ପରିଚୟ ପ୍ରଦାନ କରିଥିଲା ବେଳେ ପ୍ରଧାନ
ଆଚାର୍ଯ୍ୟ ନେତ୍ରାନନ୍ଦ ଜେନା ବାର୍ଷିକ ବିବରଣୀ ପାଠ କରିଥିଲେ ।
ଉଚ୍ଚମାଧ୍ୟମିକ ବିଭାଗ ଜ୍ଞାନ ମନ୍ଦିରର ଅଧ୍ୟକ୍ଷ ପ୍ରଦୀପ କୁମାର ସାହୁ ଧନ୍ୟବାଦ ଅର୍ପଣ
କରିଥିଲେ । ଏହି ଅବସରରେ ବିଦ୍ୟାଳୟର ବାର୍ଷିକ ପତ୍ରିକା ଉପାଶନା
ଉନ୍ମୋଚିତ ହୋଇଥିଲା । କୃତୀ ଛାତ୍ରଛାତ୍ରୀ ମାନଙ୍କୁ ଅତିଥିମାନଙ୍କ ଦ୍ୱାରା
ପୁରସ୍କାର ବିତରଣ କରାଯାଇଥିଲା । ପରିଶେଷରେ ଛାତ୍ରଛାତ୍ରୀମାନେ ରଙ୍ଗାରଙ୍ଗ
ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।