Skip to content
Monday, 16 November 2026
Breaking News
Video
Programme

ସେବାରେ ବ୍ରତୀ ଥିବା ଲୋକେ ଆମ ସୁପରହିରୋ’

ସେବାରେ ବ୍ରତୀ ଥିବା ଲୋକେ ଆମ ସୁପରହିରୋ’

ସେବାରେ ବ୍ରତୀ ଥିବା ଲୋକେ ଆମ ସୁପରହିରୋ’

Key Points

  • `ସେବାରେ ବ୍ରତୀ ଥିବା ଲୋକେ ଆମ ସୁପରହିରୋ’
  • ଅର୍ଗସ୍ `ପ୍ରାଇଡ୍ ଅଫ୍ ଓଡ଼ିଶା - 2’ରେ ରାଜ୍ୟପାଳଙ୍କ ସମ୍ବୋଧନ
  • ମାନବିକତାର ପରିଚୟ ଦେଇ ସମାଜର ସେବା ପାଇଁ ସମସ୍ତେ ଆଗେଇ ଆସିବା ଦରକାର

`ସେବାରେ ବ୍ରତୀ ଥିବା ଲୋକେ ଆମ ସୁପରହିରୋ’

ଅର୍ଗସ୍ `ପ୍ରାଇଡ୍ ଅଫ୍ ଓଡ଼ିଶା - 2’ରେ ରାଜ୍ୟପାଳଙ୍କ ସମ୍ବୋଧନ 
ମାନବିକତାର ପରିଚୟ ଦେଇ ସମାଜର ସେବା ପାଇଁ ସମସ୍ତେ ଆଗେଇ ଆସିବା ଦରକାର
ଜଳବାୟୁ ପରିବର୍ତ୍ତନ ଓ ଗ୍ଲୋବାଲ୍ ୱାର୍ମିଂର ସମାଧାନ ପାଇଁ ସାମୁହିକ ପ୍ରୟାସ ଜରୁରୀ
ହଜିଯାଉଥିବା ପ୍ରତିଭାଙ୍କୁ ସାମ୍ନାକୁ ଆଣିଥିବାରୁ `ଅର୍ଗସ୍‌'କୁ ଧନ୍ୟବାଦ
ସମାଜର ବିଭିନ୍ନ କ୍ଷେତ୍ରରେ ଅନନ୍ୟ ଯୋଗଦାନ କରିଥିବା 12 ଜଣ ବିଶିଷ୍ଟ ବ୍ୟକ୍ତି ବିଶେଷ ସମ୍ମାନିତ

ଭୁବନେଶ୍ବର, 14.02 - ସମାଜରେ ଅନେକ ଲୋକ ସେବାକୁ ବ୍ରତ ଭାବେ ଗ୍ରହଣ କରିଛନ୍ତି । `ସେବା ହିଁ ପରମଧର୍ମ' ବାର୍ତ୍ତାରେ ଉଦ୍‌ବୁଦ୍ଧ ହୋଇ ସେମାନେ କାର୍ଯ୍ୟ କରୁଛନ୍ତି । ସେବାରେ ବ୍ରତୀ ଥିବା ଲୋକମାନେ ଆମ ପାଇଁ ସୁପରହିରୋ, ସେମାନେ ସମାଜ ପାଇଁ ରୋଲ୍ ମଡେଲ୍ । ସେଭଳି ଉତ୍ତମ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରିବାର ସମୟ ଆସିଛି । ରାଜ୍ୟର ଲୋକପ୍ରିୟ ନ୍ୟୁଜ୍ ଚ୍ୟାନେଲ୍ ଅର୍ଗସ୍ ନ୍ୟୁଜ୍ ପକ୍ଷରୁ ଭୁବନେଶ୍ବରର ହୋଟେଲ ସ୍ବସ୍ତି ପ୍ରିମିୟମରେ ଅୟୋଜିତ `ପ୍ରାଇଡ୍ ଅଫ୍ ଓଡ଼ିଶା - 2’ କାର୍ଯ୍ୟକ୍ରମକୁ ସମ୍ବୋଧନ କରି ଆଜି ଏହା କହିଛନ୍ତି ଓଡ଼ିଶାର ମାନ୍ୟବର ରାଜ୍ୟପାଳ ଡକ୍ଟର ହରିବାବୁ କମ୍ଭମପାଟି । ସମାଜ ଗଠନ ଦିଗରେ ଭିନ୍ନ ଏକ ବଡ ପଦକ୍ଷେପ ଗ୍ରହଣ  କରିଥିବାରୁ ସେ ଅର୍ଗସକୁ ଧନ୍ୟବାଦ ଦେଇଛନ୍ତି । 
ଅର୍ଗସ୍ ପକ୍ଷରୁ ଆୟୋଜିତ ଏହି ଅନନ୍ୟ କାର୍ଯ୍ୟକ୍ରମ ଯାହାର ନାଁ `ସରଳ ମଣିଷର ବିରଳ କାହାଣୀ ସମ୍ମାନ ଉତ୍ସବ’ରେ ସମାଜର ବିଭିନ୍ନ କ୍ଷେତ୍ରରେ ଅନନ୍ୟ ଯୋଗଦାନ କରିଥିବା 12 ଜଣ ବିଶିଷ୍ଟ ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯାଇଛି । ଶିଶୁ ସୁରକ୍ଷା ପାଇଁ ଶ୍ରୀ ଶ୍ୟାମସୁନ୍ଦର ଜାଲ ଓ ଶ୍ରୀମତୀ କସ୍ତୁରୀ ଜାଲ, ପରିବେଶ ସୁରକ୍ଷା ପାଇଁ ଶ୍ରୀ ସୁଧୀର ରାଉତ, ଦିବ୍ୟାଙ୍ଗଙ୍କ ସଶକ୍ତିକରଣ ପାଇଁ ଡକ୍ଟର ଭଗବାନ ପରିଡ଼ା, ବିହନ ସଂରକ୍ଷଣ - ଡକ୍ଟର ରାଇମତି ଘିଉରୀଆ, ପରିବେଶ ଓ ବେଳାଭୂମି ସୁରକ୍ଷା ପାଇଁ ଶ୍ରୀ ବିଚିତ୍ରାନନ୍ଦ ବିଶ୍ବାଳ, ଦୃଷ୍ଟିହୀନଙ୍କ ସଶକ୍ତିକରଣ ପାଇଁ ଶ୍ରୀ ତ୍ରିଲୋଚନ ବେଉରା, ମହିଳାଙ୍କୁ ନ୍ୟାୟ ପାଇଁ ଶ୍ରୀମତୀ ପ୍ରମୋଦିନୀ ରାଉଳ, ପରୋପକାର ପାଇଁ ଶ୍ରୀ ପଙ୍କଜ କୁମାର ତରାଇ ଓ ଶ୍ରୀ ବିଭୂତି ରାଏ, ସବୁଜ ଭିତ୍ତିଭୂମି ପାଇଁ ଶ୍ରୀ କ୍ଷିରୋଦ କୁମାର ଜେନା, ଉତ୍ତମ ଶିକ୍ଷା ପାଇଁ ଶ୍ରୀମତୀ ଭାନୁପ୍ରିୟା ରାଓ, ମହିଳା ସ୍ବାସ୍ଥ୍ୟ କ୍ଷେତ୍ର ପାଇଁ କାମ କରିବା ପାଇଁ ଶ୍ରୀ ହୃଦାନନ୍ଦ ପୃଷ୍ଟିଙ୍କୁ ଉତ୍ତରୀୟ ଓ ମାନପତ୍ର ଦେଇ ସମ୍ମାନିତ କରିଥିଲେ ମାନ୍ୟବର ରାଜ୍ୟପାଳ ଡକ୍ଟର ହରିବାବୁ କମ୍ଭମପାଟି । ଏହି ସମୟରେ ମଞ୍ଚ ଉପରେ ଉପସ୍ଥିତ ଥିଲେ ଅର୍ଗସ୍ ନ୍ୟୁଜର ସିଇଓ ଶ୍ରୀ ପ୍ରକାଶ ସାହୁ ଓ ଅର୍ଗସ୍ ନ୍ୟୁଜର ଏକଜିକ୍ୟୁଟିଭ୍ ଏଡିଟର ଦୁର୍ଗାଶିଷ । 
ଏହି ଅବସରରେ ରାଜ୍ୟପାଳ କହିଲେ, ନିଜ ଜୀବନକୁ ସମର୍ପିତ କରି ଅନ୍ୟମାନଙ୍କୁ ସାହାଯ୍ୟ କରୁଥିବା ବ୍ୟକ୍ତି ଆମ ପାଇଁ ପ୍ରେରଣା । ଏଥିସହ ଗଣମାଧ୍ୟମ ହିସାବରେ ଖବର ପ୍ରସାରଣ ସହ ସମାଜରେ ଏକ ବଡ଼ ବିଚାରଧାରକୁ ପ୍ରତିଷ୍ଠା କରିବା, ପରିବର୍ତ୍ତନର ଚିନ୍ତାଧାରା ପ୍ରକାଶ ଓ ସମାଜ ଗଠନ ଦିଗରେ ଭିନ୍ନ ଏକ ବଡ଼ ପଦକ୍ଷେପ ଗ୍ରହଣ  କରିଥିବାରୁ ଅର୍ଗସକୁ ଧନ୍ୟବାଦ୍ ଦେଇଥିଲେ ରାଜ୍ୟପାଳ । ସେ ଆହୁରି କହିଲେ ସମସ୍ତଙ୍କ ଜୀବନ ଶୈଳୀ ବଦଳୁଛି । ତା’ ଭିତରେ ସମସ୍ତଙ୍କୁ ସମାଜର ଦାୟିତ୍ଵ ନେବା ଦରକାର । ଜଳବାୟୁ ପରିବର୍ତ୍ତନ ଓ ଗ୍ଲୋବାଲ୍ ୱାର୍ମିଂ ଭଳି ସମସ୍ୟା ଏବେ ସମୟର ସବୁଠାରୁ ବଡ଼ ଚ୍ୟାଲେଞ୍ଜ ।  ଏ ଦିଗରେ ସରକାର ପଦକ୍ଷେପ ନେଉଛନ୍ତି, ହେଲେ ସଧାରଣ ନାଗରିକଙ୍କର ବି ଏ ସମସ୍ୟାର ସମାଧାନ ଦିଗରେ କାମ କରିବା ଦାୟିତ୍ଵ ରହିଛି । ମହିଳାଙ୍କ ହିତ ଦିଗରେ ସରକାରଙ୍କ ପକ୍ଷରୁ ଅନେକ ପଦକ୍ଷେପ ନିଆଯାଉଛି । ଦେଶ ତଥା ରାଜ୍ୟ ବିଜ୍ଞାନ ଓ ପ୍ରଯୁକ୍ତି ବିଦ୍ୟାରେ ଆଗକୁ ବଢୁଛି ବୋଲି କହିଛନ୍ତି ରାଜ୍ୟପାଳ ।

Click Here To See More

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments