ଘରୋଇ ପଡ଼ିଆରେ ସମଲେଶ୍ୱରୀ ସ୍ପୋର୍ଟିଂର ଦ୍ଵିତୀୟ ପରାଜୟ, ଜିତିଲା ରାଜସ୍ଥାନ ୟୁନାଇଟେଡ୍
ରାଉରକେଲା : ରାଉରକେଲାସ୍ଥ ବିର୍ସା ମୁଣ୍ଡା ଆଥଲେଟିକ ଷ୍ଟାଡିଅମଠାରେ ଖେଳାଯାଇଥିବା ଇଣ୍ଡିଆନ ଫୁଟବଲ ଲିଗ୍ର ଦ୍ୱିତୀୟ ମ୍ୟାଚ୍ରେ ଘରୋଇ ଦଳ ସମଲେଶ୍ୱରୀ ସ୍ପୋର୍ଟିଂକୁ o-୨ ଗୋଲ୍ରେ ପରାଜୟର ସାମ୍ନା କରିବାକୁ ପଡ଼ିଛି। ଏହି ମୁକାବିଲାରେ ରାଜସ୍ଥାନ ୟୁନାଇଟେଡ୍ ଫୁଟବଲ୍ କ୍ଲବ୍ ଦମ୍ଦାର ବିଜୟ ହାସଲ କରିଛି। ମ୍ୟାଚ୍ର ପ୍ରଥମାର୍ଦ୍ଧ ଗୋଲ୍ଶୂନ୍ୟ ଭାବେ ଶେଷ ହୋଇଥିବା ବେଳେ ଦ୍ୱିତୀୟାର୍ଦ୍ଧର ୫୧ତମ ମିନିଟ୍ରେ ରାଜସ୍ଥାନ ଖାତା ଖୋଲିଥିଲା। ରାଜସ୍ଥାନ ଅଧିନାୟକ ପି. ଖ୍ରୀଷ୍ଟୋଫର କାମେଇଙ୍କ ଏକ ଚମତ୍କାର ପାସ୍କୁ ଗ୍ରହଣ କରି ଥୋମୋୟୋ ଏଲ୍. ସିମରେ ଦଳ ପାଇଁ ପ୍ରଥମ ଗୋଲ୍ ସ୍କୋର କରିଥିଲେ। ଏହି ଗୋଲ୍ ଖାଇବା ପରେ ସମଲେଶ୍ୱରୀ ସ୍ପୋର୍ଟିଂ ମ୍ୟାଚ୍କୁ ପ୍ରତ୍ୟାବର୍ତ୍ତନ କରିବା ପାଇଁ ନିଜର ସର୍ବସ୍ୱ ଲଗାଇ ଦେଇଥିଲା ଏବଂ ଅତ୍ୟନ୍ତ ଆକର୍ଷଣୀୟ ଖେଳ ପ୍ରଦର୍ଶନ କରିଥିଲା। ତେବେ ଘରୋଇ ଦଳର ସମସ୍ତ ପ୍ରୟାସ ସତ୍ତ୍ୱେ ମ୍ୟାଚ୍ର ଶେଷ ଭାଗରେ ଅର୍ଥାତ୍ ୮୭ତମ ମିନିଟ୍ରେ ବ୍ରିଜେଶ ଗିରି ଆଉ ଏକ ଗୋଲ ଦେଇଥିଲେ। ଏହି ଗୋଲ୍ ଯୋଗୁ ରାଜସ୍ଥାନ ୨-୦ରେ ଅଗ୍ରଣୀ ହାସଲ କରିବା ସହ ମ୍ୟାଚ୍କୁ ନିଜ ନାଁରେ କରିନେଇଥିଲା। ରାଜାସ୍ଥାନର ବ୍ରିଜେଶ ଗିରି ମ୍ୟାଚର ଶ୍ରେଷ୍ଠ ଖେଳାଳି ବିବେଚିତ ହୋଇଛନ୍ତି।









Comments