Skip to content
Tuesday, 17 November 2026
Breaking News
Video
Programme

ବିଦ୍ୟୁତ୍ କାଟ ହେବାରୁ ମୋବାଇଲ ଲାଇଟରେ ରୋଗୀଙ୍କ ଜିକିତ୍ସା କଲେ ଡାକ୍ତର

ବିଦ୍ୟୁତ୍ କାଟ ହେବାରୁ ମୋବାଇଲ ଲାଇଟରେ ରୋଗୀଙ୍କ ଜିକିତ୍ସା କଲେ ଡାକ୍ତର

ବିଦ୍ୟୁତ୍ କାଟ ହେବାରୁ ମୋବାଇଲ ଲାଇଟରେ ରୋଗୀଙ୍କ ଜିକିତ୍ସା କଲେ ଡାକ୍ତର

Key Points

  • ସୋର: ବିଦ୍ୟୁତ୍ଟ ହେବାରୁ ସୋର ଡାକ୍ତରଖାନାରେ ମୋବାଇଲ ଲାଇଟରେ ରୋଗୀସେବା କରାଯାଇଥିବା ଭଳି ଚିତ୍ର ଦେଖିବାକୁ ମିଳିଛି।
  • ଡାକ୍ତରଖାନାରେ କାର୍ଯ୍ୟରତ କର୍ମଚାରୀଙ୍କ ଦାୟିତ୍ୱହୀନତା ପାଇଁ ବିଭିନ୍ନ ସମୟରେ ରୋଗୀମାନେ ନାହିଁନଥିବା ଅସୁବିଧାକୁ ସମ୍ମୁଖିନ ହେଉଛନ୍ତି।
  • ସୋର ଡାକ୍ତରଖାନାକୁ ପ୍ରତିଦିନ ସୋର, ବାହାନଗା, ସିମୁଳିଆ, ଖଇରା ଓ ଔପଦା ସମେତ ଭଦ୍ରକଜିଲ୍ଲା ବାସୁଦେବପୁରକୁ ମିଶାଇ ୬ ଟି ବ୍ଲକର ହଜାରେରୁ ଅଧିକ ରୋଗୀ ନିଜର ସମସ୍ୟା ନେଇ ଆସିଥାନ୍ତି।

   ବିଦ୍ୟୁତ୍ କାଟ ହେବାରୁ ମୋବାଇଲ ଲାଇଟରେ ରୋଗୀଙ୍କ ଜିକିତ୍ସା କଲେ ଡାକ୍ତର

 

ସୋର: ବିଦ୍ୟୁତ୍ଟ ହେବାରୁ ସୋର ଡାକ୍ତରଖାନାରେ ମୋବାଇଲ ଲାଇଟରେ ରୋଗୀସେବା କରାଯାଇଥିବା ଭଳି ଚିତ୍ର ଦେଖିବାକୁ ମିଳିଛି। ଡାକ୍ତରଖାନାରେ କାର୍ଯ୍ୟରତ କର୍ମଚାରୀଙ୍କ ଦାୟିତ୍ୱହୀନତା ପାଇଁ ବିଭିନ୍ନ ସମୟରେ ରୋଗୀମାନେ ନାହିଁନଥିବା ଅସୁବିଧାକୁ ସମ୍ମୁଖିନ ହେଉଛନ୍ତି।ସୋର ଡାକ୍ତରଖାନାକୁ ପ୍ରତିଦିନ ସୋର, ବାହାନଗା, ସିମୁଳିଆ, ଖଇରା ଓ ଔପଦା ସମେତ ଭଦ୍ରକଜିଲ୍ଲା ବାସୁଦେବପୁରକୁ ମିଶାଇ  ୬ ଟି ବ୍ଲକର ହଜାରେରୁ ଅଧିକ ରୋଗୀ ନିଜର ସମସ୍ୟା ନେଇ ଆସିଥାନ୍ତି। ମାତ୍ର ଡାକ୍ତରଖାନାର ଅବ୍ୟବସ୍ଥା ପାଇଁ ରୋଗ ଯନ୍ତ୍ରଣା ଠାରୁ ଅବ୍ୟବସ୍ଥାର ଯନ୍ତ୍ରଣା ଅଧିକ ମନେ ହୁଏ। ଡାକ୍ତର ଓ କର୍ମଚାରୀଙ୍କ ଘୋର ଅଭାବ ସମେତ ଡାକ୍ତରଖାନାର କାମ କରୁଥିବା କିଛି କର୍ମଚାରୀଙ୍କ ଅବହେଳା ରୋଗୀଙ୍କୁ ହନ୍ତସନ୍ତ କରାଏ। ସୋର ପରି ଏକ ଗୁରୁତ୍ୱପୂର୍ଣ୍ଣ ଡାକ୍ତରଖାନାରେ ରୋଗୀମାନଙ୍କୁ ମୋବାଇଲ ଲାଇଟ ଜଳାଇ ଇନଜେକସନ ଦେବା ଓ ରୋଗୀ ସେବା କରିବାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଗତକାଲି ସକାଳ ୮ ଟାରୁ ସଂଧ୍ୟା ୬.୩୦ ମିନିଟ ପର୍ଯ୍ୟନ୍ତ ବିଦ୍ୟୁତ ବିଭାଗ ପକ୍ଷରୁ ବିଦ୍ୟୁତ କାଟ କରାଯାଇଥିଲା। ଦିନରେ ରୋଗୀମାନଙ୍କ ସେବା ସୂର୍ଯ୍ୟାଲୋକରେ ହୋଇଥିବା ବେଳେ ସଂଧ୍ୟା ହେବା କ୍ଷଣି ଡାକ୍ତରଖାନାର ନର୍ସ ରୁମ ଓ ଇନଜେକସନ ରୁମରେ ଅନ୍ଧାର ହୋଇଥିଲା। ଫଳରେ ଆସୁଥିବା ରୋଗୀମାନଙ୍କୁ ରୋଗୀଙ୍କ ସଂମ୍ପର୍କୀୟ ଓ କାର୍ଯ୍ୟରତ ନର୍ସ ମୋବାଇଲ ଲାଇଟରେ ଇନଜେକସନ ଦେବା ସହିତ ସେବା  ଯୋଗାଇ ଥିଲେ। ଦୀର୍ଘ ୩ଘଣ୍ଟାରୁ ଅଧିକ ସମୟ ଧରି ଏହିପରି ଭାବେ  ଅନ୍ଧାରରେ ରୋଗୀ ସେବା ଯୋଗାଇବା ପରେ ଲାଇନ ଆସିବାରୁ ପରିସ୍ଥିତି ସ୍ୱଭାବିକ ହୋଇଥିଲା।ଯାହା ଜଣାପଡିଛି ଏହି ଦୁଇଟି ରୁମରେ ଡିଜି ସଂଯୋଗ ନଥିବା ବେଳେ ଇନଭର୍ଟର ଲୋଡ ନନେବାରୁ ଏପରି ପରିସ୍ଥିତି ଉପୁଜିଥିଲା। ଦୀର୍ଘ ଦିନ ଧରି ଏହି ଅବ୍ୟବସ୍ଥା ଲାଗିରହିିଥିଲେ ମଧ୍ୟ କେଉଁ କାରଣରୁ ଇନଜେକସନ ଭଳି ଏକ ଗୁରୁତ୍ୱପୁର୍ଣ୍ଣ ରୁମରେ ଡିଜି ସଂଯୋଗ କରାଯାଇନାହିଁ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଏନେଇ ଡାକ୍ତରଖାନାର ଦାୟିତ୍ୱରେ ଥିବା ଅଧିକ୍ଷକ ଡା. ସୌମ୍ୟସମ୍ବିତ ବେହେରାଙ୍କୁ ପଚାରିବାରୁ ମୁଁ ଏବାବଦରେ ଜାଣିନଥିଲି। ଏବେ ମୁଁ ଘରେ ଅଛି। ଘଟଣା ବାବଦରେ ବୁଝି ସମାଧାନ କରିବି ବୋଲି କହିଥିଲେ।

 

 

 

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments