ଗାଡକଣରେ ଗଣେଶ ପୂଜା ଉପଲକ୍ଷେ ମୈତ୍ରୀ ମେଳା କେଦାରନାଥ ମନ୍ଦିରରେ ଝଲସିବେ ଶ୍ରୀଗଣେଶ

ଗାଡକଣରେ ଗଣେଶ ପୂଜା ଉପଲକ୍ଷେ ମୈତ୍ରୀ ମେଳା
କେଦାରନାଥ ମନ୍ଦିରରେ ଝଲସିବେ ଶ୍ରୀଗଣେଶ

ଭୁବନେଶ୍ୱର,୯ା୯ ଗଣେଶ ପୂଜା ପାଇଁ ଭୁବନେଶ୍ୱରରେ ବିଭିନ୍ନ ଗଣେଶ ପୂଜା
କମିଟି ଓ କ୍ଲବ ତରଫରୁ ଜୋରଦାର ପ୍ରସ୍ତୁତି ଚାଲିଛି । ରାଜଧନୀର ବିଭିନ୍ନ
ସ୍ଥାନରେ ଭଳିକି ଭଳି ତୋରଣ ଓ ମୂର୍ତ୍ତି ନିର୍ମାଣ କାର୍ଯ୍ୟ ପ୍ରାୟ ଶେଷ
ପର୍ଯ୍ୟାୟରେ ପହଞ୍ଚିଛି । ଏହି ଦୌଡରେ ପଛରେ ପଡିନାହିଁ ମହାଦେବ ୟୁଥ କ୍ଲବ । ସହର
ଭିତରେ ଗ୍ରାମର ଭାଇଚାରକୁ ବଜାୟ ରଖିବା ପାଇଁ ଚଳିତବର୍ଷ କ୍ଲବ ପକ୍ଷରୁ
ଗାଡକଣ ଖେଳ ପଡିଆ ଠାରେ ମହାଆଡମ୍ବରରେ ଗଣେଶ ପୂଜା ପାଳନ ହେବା
ସହିତ ଆୟୋଜିତ ହୋଇଛି ମୈତ୍ରୀ ମେଳା । ଏହି ମେଳାରେ ପ୍ରାୟ ୫୦ ରୁ
ଉର୍ଦ୍ଧ୍ୱ ଷ୍ଟଲ ଓ ଦୋଳି ପଡିବ । ମୀନାବଜାରରୁ ଲୋକମାନେ କିଣାକିଣି କରିବା
ସହ ଦୋଳିର ମଜା ନେଇ ପରିବେ । ପୁଜାକୁ ଆକର୍ଷଣୀୟ କରିବା ପାଇଁ ୫୦
ଫୁଟ ଉଚ୍ଚତା ବିଶିଷ୍ଟ କେଦାରନାଥ ମନ୍ଦିର ନିର୍ମାଣ କରାଯାଉଛି । ଏହାକୁ
ବିଶିଷ୍ଟ ଚିତ୍ରଶିଳ୍ପୀ ଡ. ପ୍ରଣବ କୁମାର ସାହୁ ଓ ବି. କେ. ଆର୍ଟ କଲେଜର
ଛାତ୍ରଛାତ୍ରୀମାନେ ନିର୍ମାଣ କରୁଛନ୍ତି । କାଠ ବଟମ୍‌, ପ୍ଲାଇ, ପ୍ଲାଷ୍ଟର
ପ୍ୟାରିସ. ଫୋମ୍ ସାହାଯ୍ୟରେ ନିର୍ମାଣ ହେଉଥିବା ଏହି ସୁକ୍ଷ୍ମ କାରୁକାର୍ଯ୍ୟ ପୂର୍ଣ୍ଣ
ମନ୍ଦିର ସମସ୍ତଙ୍କୁ ଆକର୍ଷିତ କରିବ । ମନ୍ଦିର ଭିତରେ ୧୨ ଫୁଟର ଗଣେଶ ମୂର୍ତ୍ତି
କାର୍ଯ୍ୟ ପ୍ରାୟ ସରି ଆସିଲାଣି । ବିଦ୍ୟୁତ ସାଜସଜା ଓ ସୁରକ୍ଷା ବ୍ୟବସ୍ଥାକୁ
ବିଶେଷ ଗୁରୁତ୍ୱ ଦିଆଯାଇଛି । ପଡିଆ ସାରା ରଙ୍ଗ ବେରଙ୍ଗର ଆଲୋକ
ମାଳା ସଜାଯିବା ସହ ପ୍ରବେଶ ପଥରେ ଦୁଇଟି ଏଲଇଡି ଗେଟ୍ ରହିବ । ସୁରକ୍ଷା
ପାଇଁ ି ସିସିଟିଭି କ୍ୟାମେରା ଲଗାଯିବା ସହ ମଣ୍ଡପରେ ଅଗ୍ନି ନିର୍ବାପକ ଯନ୍ତ୍ର
ରଖାଯିବ । ଶୃଙ୍ଖଳିତ ଦର୍ଶନ ପାଇଁ ୫୦ ରୁ ଉର୍ଦ୍ଧ୍ୱ ଯୁବକ ନିୟୋଜିତ ରହିବେ ।
ଦର୍ଶକଙ୍କ ମନୋରଞ୍ଜନ ପାଇଁ ଚଳିତ ବର୍ଷ ୭ ଦିନ ସାଂସ୍କୃତିକ କାର୍ଯ୍ୟକ୍ରମ ରହିଛି ।
୧୪ ତାରିଖ ପୂଜା ଦିନ ଦିନ ଭଜନ ସନ୍ଧ୍ୟା, ୧୫ ଏବଂ ୧୭ ତାରଖରେ ମେଲୋଡି, ୧୬
ଏବଂ ୧୮ ତାରିଖରେ ଡ୍ୟାନ୍ସ ନାଇଟ୍‌, ୧୯ ତାରିଖରେ ବ୍ୟାଣ୍ଡ୍ ପାର୍ଟି
ନାଇଟ୍ ଓ ୨୦ ତାରିଖରେ ଭସାଣି ଉତ୍ସବ ଅନୁଷ୍ଠିତ ହେବ । ପାରମ୍ପରିକ ବାଦ୍ୟରେ
ଭସାଣି କରାଯାଇ ଗ୍ରାମ ପରିକ୍ରମା ପରେ କୁଆଖାଇ ନଦୀରେ ବିସର୍ଜନ
କରାଯିବ ବୋଲି କ୍ଲବର କର୍ମକର୍ତ୍ତା ପିକେନ ଜେନା, ସିପୁନ ପାତ୍ର, ଜଗଦୀଶ
ପାତ୍ର ଓ ଆଲୋକ ସାହୁ କହିଛନ୍ତି । ଗ୍ରାମବାସୀମାନେ ପୂର୍ଣ୍ଣମାତ୍ରାରେ
ସହଯୋଗ କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।