ନିଉ ଭୁବନେଶ୍ବର ପ୍ରେସ୍ କ୍ଲବ୍ ପକ୍ଷରୁ ମାଗଣା ଚକ୍ଷୁ ପରୀକ୍ଷା ଶିବିର : Ommtv
New Bhubaneswar Press Club
BIDYADHAR BARIK MADHU
0
13614
ନିଉ ଭୁବନେଶ୍ବର ପ୍ରେସ୍ କ୍ଲବ୍ ପକ୍ଷରୁ ମାଗଣା ଚକ୍ଷୁ ପରୀକ୍ଷା ଶିବିର : Ommtv
: ପଟିଆସ୍ଥିତ ଡ଼ଲଫିନ୍ ମଣ୍ଡପରେ ଆଜି ନିଉ ଭୁବନେଶ୍ବର ପ୍ରେସ୍ କ୍ଲବ୍ ପକ୍ଷରୁ ଅନୁଷ୍ଠିତ ହୋଇଯାଇଛି ମାଗଣା ଚକ୍ଷୁ ପରୀକ୍ଷା ଶିବିର। ଏହି ଶିବିରରେ ସ୍ଥାନୀୟ ଗ୍ରାମାଞ୍ଚଳ ଓ ସହରାଞ୍ଚଳ ପିଲା, ଯୁବକ, ଯୁବତୀ, ମହିଳା ଓ ବରିଷ୍ଠ ନାଗରିକମାନେ ଯୋଗଦେଇ ନିଜର ଆଖି ପରୀକ୍ଷା କରିଥିଲେ। ଶିବିରକୁ ଉତ୍ତର ଭୁବନେଶ୍ବର ବିଧାୟକ ଶୁସାନ୍ତ ରାଉତ, ମେୟର ସୁଲୋଚନା ଦାସ ଓ ଡ଼େପୁଟି ମେୟର ମଞ୍ଜୁଲତା କହଁର, ବିଜେଡ଼ି ମହିଳା ନେତ୍ରୀ ଜୋସ୍ନାମୟୀ ପରିଡ଼ା ଅତିଥିଭାବେ ଯୋଗଦେଇ ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ସ୍ଥାନୀୟ କର୍ପୋରେଟର ମିହିର ରାଉତ, ପ୍ରିତିନନ୍ଦା ରାଉତ, ଅଜିତ୍ ବେହେରା, ସମାଜ ମଙ୍ଗଳ ବୋର୍ଡ଼ ସଭ୍ୟା ବାସନ୍ତି ସିଂ, ଯୁବନେତା ମନୋଜ ସାହୁ ଉପସ୍ଥିତଥିଲେ। ଅନୁଷ୍ଠାନ ପକ୍ଷରୁ ସଭାପତି ସ୍ମରଜିତ୍ ଆର୍ଯ୍ୟଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମକୁ କନଭେନର ସୁକାନ୍ତ ରାଉତ ପରିଚାଳନା କରିଥିଲେ। ଅନୁଷ୍ଠାନର ସମ୍ପାଦକ ବିଦ୍ୟାଧର ବାରିକ ସମସ୍ତ ଅତିଥିମାନଙ୍କୁ ସମ୍ମାନିତ କରିବା ସହ ଉପସ୍ଥିତ ଗଣମାଧ୍ୟମ ପ୍ରତିନିଧିମାନଙ୍କୁ ଆଖି ପରୀକ୍ଷା କରିବା ପାଇଁ ପରାମର୍ଶ ଦେଇଥିଲେ। କେୟାର ନେତ୍ରମ ସହଯୋଗରେ ଅନୁଷ୍ଠିତ ଶିବିରରେ ଆଖି ପରୀକ୍ଷା ସହିତ ମୋତିଆବିନ୍ଦୁ ଅସ୍ତ୍ରୋପଚାର ପାଇଁ ପରାମର୍ଶ ଓ ସୁଲଭ ମୁଲ୍ୟରେ ଚଷମା ପ୍ରଦାନ କରାଯାଇଥିଲା।
