ଘର ପୋଡ଼ିଗଲା, ୪ ଦଗ୍ଧ

Nov 9, 2026 - 20:47

0 9

ଘର ପୋଡ଼ିଗଲା, ୪ ଦଗ୍ଧ

ଚଣ୍ଡିଖୋଲ: ଯାଜପୁରଜିଲ୍ଲା ବାଲିଚନ୍ଦ୍ରପୁର ଥାନା ନଳିପୁର ଗ୍ରାମରେ ଆକସ୍ମିକ ଅଗ୍ନିକାଣ୍ଡ ଘଟି ଘର ପୋଡ଼ିଯିବା ସହ ପରିବାରର ୪ ଜଣଙ୍କ ମୃତ୍ୟୁ ଘଟିଛି। ସୂଚନା ମୁତାବକ ନଳିପୁର ଗ୍ରାମର ସେକ ନିଜାମଉଦ୍ଦିନଙ୍କ ଆଜବେଷ୍ଟସ ଘରେ ଆଜି ରାତି ୮ଟା ସମୟରେ କୌଣସି କାରଣରୁ ଅଗ୍ନିକାଣ୍ଡ ଘଟିଥିଲା। କିଛି ସମୟ ଭିତରେ ନିଜାମଉଦ୍ଦିନଙ୍କ ଘରଟି ସମ୍ପୂର୍ଣ୍ଣ ପୋଡ଼ିଯାଇଥିଲା। ଘର ଭିତରେ ଥିବା ତାଙ୍କ ବଡ଼ବୋହୂ ତବ୍‌ସୁନି (୪୨), ଶାଶୂଘରୁ ଆସିଥିବା ଝିଅ ଗୁଲଫସା ବିବି (୨୭), ୧୦ ବର୍ଷର ନାତୁଣୀ ଓ ୮ ମାସର ଶିଶୁପୁତ୍ର ଜୀବନ୍ତଦଗ୍ଧ ହୋଇଯାଇଥିଲେ। ଘଟଣାସ୍ଥଳରେ ହିଁ ସମସ୍ତଙ୍କର ମୃତ୍ୟୁ ଘଟିଥିଲା। ପରିବାରର ଅନ୍ୟ ଜଣେ ସଦସ୍ୟ ୨୨ ବର୍ଷୀୟ ଯୁବକଙ୍କୁ ଗୁରୁତର ଅବସ୍ଥାରେ ବଡ଼ଚଣା ଡାକ୍ତରଖାନାରେ ଭର୍ତ୍ତି କରାଯାଇଛି। ଖବର ପାଇ ଚଣ୍ଡିଖୋଲ ଦମକଳ ବାହିନୀ ଓ ବାଲିଚନ୍ଦ୍ରପୁର ଥାନା ପୁଲିସ ଘଟଣାସ୍ଥଳରେ ପହଞ୍ଚିଛନ୍ତି।