ଉଲୁଣ୍ଡାରେ ଗଞ୍ଜେଇ ଚୋରା ଚାଲାଣ ଗାଡ଼ି ଜବତ, ୬ ଅଭିଯୁକ୍ତ ଗିରଫ

ଉଲୁଣ୍ଡାରେ ଗଞ୍ଜେଇ ଚୋରା ଚାଲାଣ ଗାଡ଼ି ଜବତ, ୬ ଅଭିଯୁକ୍ତ ଗିରଫ

ଉଲୁଣ୍ଡା:  ସୋନପୁର-ସମ୍ୱଲପୁର ମୁଖ୍ୟ ରାସ୍ତାର ପିପିଲିକାନି ଛକ ନିକଟରେ ପୁଲିସ୍ ଟିମ୍ ଚଢଉ କରି କାର ଶହ ବିପୁଳ ମାତ୍ରରେ ଗଞ୍ଜେଇ ଜବତ କରିଛି l ଗଞ୍ଜେଇ ଚୋରାଚାଲାଣ ଘଟଣାରେ ସମ୍ପୃକ୍ତ ୬ ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରିଛି l ଗିରଫ ଅଭିଯୁକ୍ତମାନେ ଝାଡ଼ଖଣ୍ଡର ସୁମିତ୍ କୁମାର୍, ଲଳିତ କୁମାର୍ ଙ୍କ ସମେତ ଅନ୍ୟ ଚାରି ଜଣ ସହଯୋଗୀ  lସୂଚନା ଅନୁସାରେ ସୋନପୁର ପଟରୁ ସମ୍ବଲପୁରପଟକୁ ଏକ କାର କ୍ରେଟା ଯୋଗେ ଗଞ୍ଜେଇ ଚୋରା ଚାଲାଣ ହେଉଥିବା ସୁବର୍ଣ୍ଣପୁର  ଏସପି ନାରାୟଣ ନାଏକ ଖବର ପାଇ ଉଲୁଣ୍ଡ ପୁଲିସକୁ ଖବର ଦେଇଥିଲା l  ଉଲୁଣ୍ଡା ଥାନା ସମ୍ମୁଖରେ  ଯାନବାହାନ ଯାଞ୍ଚ୍ କଡାକଡି କରା ଯାଇ ଥିଲା l ପୁଲିସକୁ ଦେଖି କାର ପୁଣି ଫେରି ଆସି ସୋନପୁର ପଟକୁ ଫେରାର ମାରୁଥିଲା l ଆଇଆଇସି ସୁଶାନ୍ତ ପଧାନଙ୍କ ନେତୃତ୍ୱରେ ପୁଲିସ ଟିମ୍ କାରର ପିଛା କରି କ୍ଷେତିପଡ଼ା ଛକ ନିକଟରେ କାରକୁ ଅଟକାଇଥିଲେ l ଯାଞ୍ଚ ପରେ କାର ଭିତରେ ଗଞେଇ ଥିବା ଜଣାପଡ଼ିଥିଲା lସେଠାରୁ ପୁଲିସ୍ ଗଞ୍ଜେଇ ଜବତ ସହ ଦୁଇ ଅଭିଯୁକ୍ତକୁ ଗିରଫ କରିଥିବା ବେଳେ ଗଞ୍ଜେଇ ଯୋଗାଇ ଥିବା ଜଣକୁ  ଏବଂ ଅନ୍ୟ ତିନି ଜଣ ସହଯୋଗୀଙ୍କୁ  ଗିରଫ କରିଥିଲେl ମାଜିଷ୍ଟ୍ରେଟ୍ ନିରଂଜନ ଧଳଙ୍କ ଉପସ୍ଥିତିର ଗଞ୍ଜେଇ ଓଜନ କଲାପରେ ୧ କ୍ଵିଣ୍ଟାଲ ୭୫ କେଜି ଥିବା ଜଣାପଡ଼ିଥିଲା l