ହତ୍ୟାକାଣ୍ଡର ୪ ମାସ ପରେ ମିଳିଲା ମୃତକଙ୍କ କଙ୍କାଳ ଓ ହାଡ଼, ବନ୍ଧା ହେଲା ଅଭିଯୁକ୍ତ ସାଙ୍ଗ

 ହତ୍ୟାକାଣ୍ଡର ୪ ମାସ ପରେ ମିଳିଲା ମୃତକଙ୍କ କଙ୍କାଳ ଓ ହାଡ଼, ବନ୍ଧା ହେଲା ଅଭିଯୁକ୍ତ ସାଙ୍ଗ

ସମ୍ବଲପୁର : ହତ୍ୟାକାଣ୍ଡର ୪ ମାସପରେ ମିଳିଲା ମୃତଦେହ। ମୃତକ ଜଣକ ହେଲେ ରାଜେଶ ଗୁପ୍ତା (୩୫)। ତାଙ୍କ ଘର ଆର ଏମ ସି ଭୁଆଁପଡା ଅଂଚଳରେ। ସୂଚନା ଅନୁସାରେ ରାକ୍ଷୀପୂର୍ଣ୍ଣିମା ଦିନ ଅଭିଯୁକ୍ତ ଭଗବାନ ତାଣ୍ଡି ଓ ମୃତକ ରାଜେଶ ସାଙ୍ଗ ହେଇ ମଦ ପିଉଥିଲେ।ନିଶା ସେବନ କରିବା ସମୟରେ କୌଣସି କାରଣକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା। ପରେ ରାଗରେ ଏକ ପଥର ଓ ଛୁରୀ ସାହାଯ୍ୟରେ ଭଗବାନ ରାଜେଶଙ୍କୁ ହତ୍ୟା କରି ନିକଟରେ ଥିବା ଏକ ନାଳରେ ଫିଙ୍ଗି ଦେଇଥିଲା। ଏହାପରେ ଅଭିଯୁକ୍ତ ୪ ମାସ ଧରି ଫେରାର ଥିଲା।ଆଜି ସକାଳେ ପୁଲିସ୍ ସୁରାକ୍ ପାଇ ଅଭିଯୁକ୍ତକୁ ଧରିଥିଲା ଏବଂ ଘଟଣାସ୍ଥଳକୁ ନେଇ ସିନ୍ ରିକ୍ରିଏଟ୍ କରିବା ସହ ସବୁ କଥା ଓଗାଳିଛି। ଏଣେ ଘଟଣାସ୍ଥଳରୁ ମୃତକର ହାଡ଼ ଓ କଙ୍କାଳ ଜବତ କରିଛି। ଅଭିଯୁକ୍ତ ଭଗବାନ ତାଣ୍ଡି ବି ହତ୍ୟା କରିବାର ସ୍ବୀକାର କରିଛି। ଅଭିଯୁକ୍ତକୁ ବରେଇପାଲି ଥାନା ପୁଲିସ ଗିରଫ କରିଛି। ଆଜି ତାକୁ କୋର୍ଟଚାଲାଣ କରାଯିବ ବୋଲି ଜଣାଯାଇଛି।