Skip to content
Tuesday, 17 November 2026
Breaking News
Video
Programme

 ତ୍ରୁଟିପୂର୍ଣ୍ଣ ଜାତୀୟ ରାଜପଥ ନିର୍ମାଣ ଯୋଗୁଁ ଦୈନିକ ୨ରୁ ୩ଟି ଦୁର୍ଘଟଣା, ଆଉ ଜଣେ ଚାଳକଙ୍କ ଜୀବନ ଗଲା

 ତ୍ରୁଟିପୂର୍ଣ୍ଣ ଜାତୀୟ ରାଜପଥ ନିର୍ମାଣ ଯୋଗୁଁ ଦୈନିକ ୨ରୁ ୩ଟି ଦୁର୍ଘଟଣା, ଆଉ ଜଣେ ଚାଳକଙ୍କ ଜୀବନ ଗଲା

 ତ୍ରୁଟିପୂର୍ଣ୍ଣ ଜାତୀୟ ରାଜପଥ ନିର୍ମାଣ ଯୋଗୁଁ ଦୈନିକ ୨ରୁ ୩ଟି ଦୁର୍ଘଟଣା, ଆଉ ଜଣେ ଚାଳକଙ୍କ ଜୀବନ ଗଲା

Key Points

  • କୋଇଡା: ମୃତ୍ୟୁର ଘାଟି ପାଲଟିଛି କେବଲାଙ୍ଗ ଥାନା ଅନ୍ତର୍ଗତ ଚୁନା ଘାଟି।
  • ତ୍ରୁଟିପୂର୍ଣ୍ଣ ଜାତୀୟ ରାଜପଥ ନିର୍ମାଣ ଓ ବାରମ୍ବାର ବ୍ରେକ୍ ଫେଲ୍ ଯୋଗୁଁ ଏଠାର ପ୍ରତିଦିନ ୨ରୁ ୩ଟି ଦୁର୍ଘଟଣା ଘଟୁଥିବା ଅଭିଯୋଗ ହେଉଛି।
  • ଏହି ଦୁର୍ଘଟଣା ଧାରାରେ ଆଉ ଜଣେ ଯୁବ ଚାଳକଙ୍କ ଜୀବନ ଯାଇଛି।

 ତ୍ରୁଟିପୂର୍ଣ୍ଣ ଜାତୀୟ ରାଜପଥ ନିର୍ମାଣ ଯୋଗୁଁ ଦୈନିକ ୨ରୁ ୩ଟି ଦୁର୍ଘଟଣା, ଆଉ ଜଣେ ଚାଳକଙ୍କ ଜୀବନ ଗଲା

 

କୋଇଡା: ମୃତ୍ୟୁର ଘାଟି ପାଲଟିଛି କେବଲାଙ୍ଗ ଥାନା ଅନ୍ତର୍ଗତ ଚୁନା ଘାଟି। ତ୍ରୁଟିପୂର୍ଣ୍ଣ ଜାତୀୟ ରାଜପଥ ନିର୍ମାଣ ଓ ବାରମ୍ବାର ବ୍ରେକ୍ ଫେଲ୍ ଯୋଗୁଁ ଏଠାର ପ୍ରତିଦିନ ୨ରୁ ୩ଟି ଦୁର୍ଘଟଣା ଘଟୁଥିବା ଅଭିଯୋଗ ହେଉଛି। ଏହି ଦୁର୍ଘଟଣା ଧାରାରେ ଆଉ ଜଣେ ଯୁବ ଚାଳକଙ୍କ ଜୀବନ ଯାଇଛି।ଗତକାଲି ଚୁନା ଘାଟି ଜାତୀୟ ରାଜପଥରେ ଏକ ଟ୍ରଲର୍ ଦୁର୍ଘଟଣାଗ୍ରସ୍ତ ହୋଇ ରାସ୍ତା ଉପରେ ଦୁଇଫାଳ ହୋଇ ପଡ଼ିଥିଲା। ପୁଲିସ ଓ ଜାତୀୟ ରାଜପଥ କର୍ତ୍ତୃପକ୍ଷଙ୍କ ଉପସ୍ଥିତିରେ ଏହାକୁ ଉଠାଇବା ପାଇଁ କ୍ରେନ୍ ନିୟୋଜିତ ହୋଇଥିଲା। ଏହି ସମୟରେ କୋଇଡା ପଟୁ ଆସୁଥିବା ମାଲବାହୀ ଟ୍ରଲର୍ (ନଂ- ସିଜି ୦୭ ଡିଡି ୩୧୭୦)ର ବ୍ରେକ୍ ଫେଲ୍ ହୋଇଯିବାରୁ ଏହା ସିଧାସଳଖ କ୍ରେନ୍‌କୁ ଧକ୍କା ଦେଇ ବ୍ୟାରିକେଡ୍ ଭାଙ୍ଗି ଓଲଟି ପଡ଼ିଥିଲା। ଫଳରେ ବିହାରର ଚେୟାର ଥାନା ଅଞ୍ଚଳର ୨୦ ବର୍ଷୀୟ ଚାଳକ ରଞ୍ଜିତ କୁମାର (ରାଜ)ଙ୍କ ଘଟଣାସ୍ଥଳରେ ହିଁ ଶୋଚନୀୟ ମୃତ୍ୟୁ ହୋଇଥିଲା। କେବଲାଙ୍ଗ ପୁଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ବହୁ କଷ୍ଟରେ ଗ୍ୟାସ୍ କଟର୍ ସାହାଯ୍ୟରେ ଟ୍ରଲର୍ ଭିତରୁ ଚାଳକଙ୍କ ମୃତଦେହ ଉଦ୍ଧାର କରି ପରିବାରକୁ ସୂଚନା ଦେଇଥିଲା।ଚୁନା ଘାଟିରେ ବାରମ୍ବାର ଏଭଳି ବ୍ରେକ୍ ଫେଲ୍ ଓ ଦୁର୍ଘଟଣା ଘଟୁଥିବାରୁ ଭାରୀଯାନ ଚାଳକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ଦୁର୍ଘଟଣାରେ ଧନଜୀବନ ହାନି ହେଉଥିଲେ ମଧ୍ୟ ଏହାର ସ୍ଥାୟୀ ସମାଧାନ ହେଉନଥିବାରୁ ଜାତୀୟ ରାଜପଥ ନିର୍ମାଣର ତ୍ରୁଟି ଓ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠିଛି। ଆଉ କେତେ ଜୀବନ ଗଲେ ପ୍ରଶାସନ ଓ ଜାତୀୟ ରାଜପଥ କର୍ତ୍ତୃପକ୍ଷଙ୍କ ଚେତା ପଶିବ, ତାହା ଏବେ ବଡ଼ ପ୍ରଶ୍ନ।

 

 

 

 

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments