Skip to content
Wednesday, 18 November 2026
Breaking News
Video
Programme

ରଙ୍ଗମାଟିଆ ରଞ୍ଜନ ହତ୍ୟା ମାମଲା: ୬ ଆସାମୀଙ୍କୁ ଆଜୀବନ

ରଙ୍ଗମାଟିଆ ରଞ୍ଜନ ହତ୍ୟା ମାମଲା: ୬ ଆସାମୀଙ୍କୁ ଆଜୀବନ

ରଙ୍ଗମାଟିଆ ରଞ୍ଜନ ହତ୍ୟା ମାମଲା: ୬ ଆସାମୀଙ୍କୁ ଆଜୀବନ

Key Points

  • ଭୁବନେଶ୍ୱର: ୨୦୧୨ ମସିହା ସେପ୍ଟେମ୍ବର ୨୮ ତାରିଖ ରାତି ପ୍ରାୟ ୭ଟା ବେଳେ ମଞ୍ଚେଶ୍ବର ଥାନା ରଙ୍ଗମାଟିଆ ଗାଁ ଦାଣ୍ଡରେ ରଞ୍ଜନ ବେହେରାଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା।
  • ସେହି ଗାଁର ୬ଜଣ ଯୁବକ ରଞ୍ଜନଙ୍କୁ ଘେରିଯାଇ ଖଣ୍ଡା, ଭୁଜାଲିରେ ହାଣିପକାଇବା ସହ ଶାବଳ ଭୁସି ମାରିଦେଇଥିଲେ।
  • ୧୪ବର୍ଷ ପରେ ସେହି ମାମଲାର ରାୟ ପ୍ରକାଶ ପାଇଛି।

 ରଙ୍ଗମାଟିଆ ରଞ୍ଜନ ହତ୍ୟା ମାମଲା: ୬ ଆସାମୀଙ୍କୁ ଆଜୀବନ

 

ଭୁବନେଶ୍ୱର: ୨୦୧୨ ମସିହା ସେପ୍ଟେମ୍ବର ୨୮ ତାରିଖ ରାତି ପ୍ରାୟ ୭ଟା ବେଳେ ମଞ୍ଚେଶ୍ବର ଥାନା ରଙ୍ଗମାଟିଆ ଗାଁ ଦାଣ୍ଡରେ ରଞ୍ଜନ ବେହେରାଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା। ସେହି ଗାଁର ୬ଜଣ ଯୁବକ ରଞ୍ଜନଙ୍କୁ ଘେରିଯାଇ ଖଣ୍ଡା, ଭୁଜାଲିରେ ହାଣିପକାଇବା ସହ ଶାବଳ ଭୁସି ମାରିଦେଇଥିଲେ। ୧୪ବର୍ଷ ପରେ ସେହି ମାମଲାର ରାୟ ପ୍ରକାଶ ପାଇଛି। ଭୁବନେଶ୍ୱର ତୃତୀୟ ଅତିରିକ୍ତ ଜିଲ୍ଲା ଓ ଦୌରା ଜଜ୍ ହିମାଂଶୁ ଶେଖର ମଲ୍ଲିକ ଆଜି ୬ ଆସାମୀଙ୍କୁ ଆଜୀବନ କାରାଦଣ୍ଡାଦେଶ ଦେଇଛନ୍ତି। ଆସାମୀମାନେ ହେଲେ ଦୁଷ୍ମନ୍ତ ବାରିକ ଓରଫ ଲିପୁନା, ବିକଳ ବେହେରା, ଦୀପକ କୁମାର ପରିଡ଼ା, ମଣ୍ଟୁ ବିଷ୍ଣୁ ବେହେରା, ପର୍ଶୁରାମ ବେହେରା ଓରଫ ନନ୍ଦ ଓ ପୂର୍ଣ୍ଣଚନ୍ଦ୍ର ବେହେରା। ଆଜୀବନ କାରବାସ ସହ ସମସ୍ତ ଅଭିଯୁକ୍ତଙ୍କୁ ୨୦ ହଜାର ଟଙ୍କା ଲେଖାଏଁ ଜରିମାନା  କରାଯାଇଛି ଏବଂ ଜରିମାନା ଅନାଦାୟ ହେଲେ ସେମାନଙ୍କୁ ଅଧିକ ୨ ବର୍ଷ କାରାଦଣ୍ଡ ଭୋଗିବାକୁ ପଡ଼ିବ ବୋଲି ରାୟରେ ଉଲ୍ଲେଖ ରହିଛି। ୧୬ଜଣଙ୍କ ସାକ୍ଷ୍ୟ ଓ ସରକାରୀ ଓକିଲ ଶୁଭଶ୍ରୀ ଜେନାଙ୍କ ବଳିଷ୍ଠ ପ୍ରମାଣ ଆଧାରରେ କୋର୍ଟ ଏହି ରାୟ ଶୁଣାଇଛନ୍ତି।ଘଟଣାର ଦୁଇ ଦିନ ପୂର୍ବେ ରଙ୍ଗମାଟିଆ ଗ୍ରାମରେ ଗଣେଶ ଭସାଣି ଉତ୍ସବ ଚାଲିଥିବା ବେଳେ ଆସାମୀମାନେ ଗଣ୍ଡଗୋଳ କରିଥିଲେ। ତେଣୁ ମା’ ବାସୁଳେଇ ୟୁଥ୍ କ୍ଲବ୍‌ର ସଭାପତି ଓ ସମ୍ପାଦକ ରଞ୍ଜନ ବେହେରା ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ। ଥାନାରୁ ମାମଲା ପ୍ରତ୍ୟାହାର କରିବାକୁ ଆସାମୀମାନେ ରଞ୍ଜନଙ୍କୁ ଧମକ ଦେଇଥିଲେ ହେଁ ସେ ଶୁଣି ନଥିଲେ। ତେଣୁ ଆସାମୀମାନେ ପ୍ରତିଶୋଧପରାୟଣ ହୋଇପଡ଼ିଥିଲେ। ରଞ୍ଜନଙ୍କୁ ସବୁଦିନ ପାଇଁ ରାସ୍ତାରୁ ହଟାଇବାକୁ ସେମାନେ ଯୋଜନା କରି ସୁଯୋଗକୁ ଅପେକ୍ଷା କରିଥିଲେ। ୨୮ ତାରିଖ ରାତି ପ୍ରାୟ ୭ଟା ବେଳେ ରଞ୍ଜନ ଏକୁଟିଆ ମେଳଣପଡ଼ିଆ ନିକଟରେ ମାର୍ବଲ ଟ୍ରକ୍‌କୁ ଅପେକ୍ଷା କରିଥିବା ବେଳେ ନିକଟସ୍ଥ ଏକ ଗୁହାଳରେ ଛକି ରହିଥିବା ଆସାମୀମାନେ ତାଙ୍କୁ ଘେରି ଯାଇଥିଲେ। ଖଣ୍ଡା, ଭୁଜାଲିରେ ହାଣିପକାଇଥିଲେ ଏବଂ ମୁଣ୍ଡରେ ଶାବଳ ଭୁସି ଦେଇଥିଲେ। ଅତର୍କିତ ଆକ୍ରମଣ ଯୋଗୁଁ ରଞ୍ଜନ ଖସିବାକୁ ଆଦୌ ସୁଯୋଗ ପାଇନଥିଲେ। ତାଙ୍କ ଚିତ୍କାର ଶୁଣି ଗାଁର କ୍ଷେତ୍ରବାସୀ ବେହେରା, ଲିଙ୍ଗରାଜ ବାରିକ ଓ ପ୍ରଶାନ୍ତ ମହାନ୍ତି ପ୍ରମୁଖ ପାଟି କରି ଧାଇଁ ଆସିବାରୁ ଆକ୍ରମଣକାରୀମାନେ ସେଠାରୁ ପଳାଇଥିଲେ।ଗୁରୁତର ଅବସ୍ଥାରେ ରଞ୍ଜନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥି‌ଲେ ହେଁ ସେହି ରାତିରେ ତାଙ୍କର ମୃତ୍ୟୁ ହୋଇଯାଇଥିଲା। ଏହି ହତ୍ୟାକାଣ୍ଡ ପଛରେ କେବଳ ଗଣେଶ ଭସାଣି ଉତ୍ସବ ମୂଳ କାରଣ ନଥିଲା ବୋଲି ସେତେବେଳେ ଚର୍ଚ୍ଚା ହୋଇଥିଲା। ଏକ ଜମି କିଣାବିକା ମାମଲାକୁ ନେଇ ଆସାମୀମାନେ ରଞ୍ଜନଙ୍କୁ ଟାର୍ଗେଟ୍‌ କରିଥିଲେ। ସୂଚନାଯୋଗ୍ୟ ଯେ ରଞ୍ଜନ ତାଙ୍କ ବାପାମାଆଙ୍କର ଏକମାତ୍ର ପୁଅ ଥିଲେ। ତେଣୁ ଗାଁ ଦାଣ୍ଡରେ ଗାଁ ଯୁବକମାନେ ତାଙ୍କୁ ବୀଭତ୍ସ ଭାବେ ହତ୍ୟା କରିଥିବାରୁ ସେତେବେଳେ ଗାଁରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା।

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments