Skip to content
Wednesday, 18 November 2026
Breaking News
Video
Programme

ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର ନେଇ ଅନିଶ୍ଚିତତା

ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର ନେଇ ଅନିଶ୍ଚିତତା

ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର ନେଇ ଅନିଶ୍ଚିତତା

Key Points

  • ଜଳେଶ୍ୱର : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ଗତ ୧୬ ତାରିଖ ଦିନ ପୂର୍ବମେଦିନୀପୁର ଜିଲ୍ଲା ନନ୍ଦକୁମାରସ୍ଥିତ ମନ୍ଦାରମଣି ନିକଟ ଦାଦନପତ୍ରବାରଠାରେ ଏକ ଗଭୀର ସାମୁଦ୍ରିକ ବନ୍ଦର ପ୍ରତିଷ୍ଠା ହେବ ବୋଲି ଘୋଷଣା…
  • ଏହି ଘୋଷଣା ପରେ ଦାଦନପତ୍ରବାରଠାରୁ ମାତ୍ର ୫୦ କିମି ଭୌଗୋଳିକ ଦୂରତାରେ ଥିବା ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ୍‌ସ୍ଥିତ ଚୌମୁଖଠାରେ ପ୍ରସ୍ତାବିତ ସୁବର୍ଣ୍ଣରେଖା ବନ୍ଦରର ଭାଗ୍ୟ କ’ଣ ହେବ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି।
  • ସୂଚନା ଅନୁସାରେ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶ୍ରୀ ଅଧିକାରୀ ନନ୍ଦକୁମାର ଗସ୍ତ ସମୟରେ ଏହି ଗୁରୁତ୍ବପୂର୍ଣ୍ଣ ଘୋଷଣା କରିଛନ୍ତି।

  ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର ନେଇ ଅନିଶ୍ଚିତତା

 

ଜଳେଶ୍ୱର : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ଗତ ୧୬ ତାରିଖ ଦିନ ପୂର୍ବମେଦିନୀପୁର ଜିଲ୍ଲା ନନ୍ଦକୁମାରସ୍ଥିତ ମନ୍ଦାରମଣି ନିକଟ ଦାଦନପତ୍ରବାରଠାରେ ଏକ ଗଭୀର ସାମୁଦ୍ରିକ ବନ୍ଦର ପ୍ରତିଷ୍ଠା ହେବ ବୋଲି ଘୋଷଣା କରିଛନ୍ତି। ଏହି ଘୋଷଣା ପରେ ଦାଦନପତ୍ରବାରଠାରୁ ମାତ୍ର ୫୦ କିମି ଭୌଗୋଳିକ ଦୂରତାରେ ଥିବା ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ୍‌ସ୍ଥିତ ଚୌମୁଖଠାରେ ପ୍ରସ୍ତାବିତ ସୁବର୍ଣ୍ଣରେଖା ବନ୍ଦରର ଭାଗ୍ୟ କ’ଣ ହେବ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି।ସୂଚନା ଅନୁସାରେ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶ୍ରୀ ଅଧିକାରୀ ନନ୍ଦକୁମାର ଗସ୍ତ ସମୟରେ ଏହି ଗୁରୁତ୍ବପୂର୍ଣ୍ଣ ଘୋଷଣା କରିଛନ୍ତି। ପୂର୍ବ ସରକାର ଅମଳରେ ତାଜପୁରଠାରେ ଏକ ସାମୁଦ୍ରିକ ବନ୍ଦର ପାଇଁ ଘୋଷଣା ହୋଇଥିଲା। କିନ୍ତୁ ତାଜପୁରରେ ଜମି ଅଭାବରୁ ଏଠାରୁ ୧୦ କିମି ଦୂର ମନ୍ଦାରମଣି ନିକଟ ଦାଦନପତ୍ରବାରରେ ୧୭୦୦ ଏକର ସରକାରୀ ଜମି ରହିଥିବା ସ୍ଥାନରେ ବନ୍ଦର ପ୍ରତିଷ୍ଠା ନେଇ ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଛି। ଆଦାନୀ ପୋର୍ଟସ ଆଣ୍ଡ ସ୍ପେସାଲ ଇକୋନୋମିକ ଜୋନ୍‌ (ଏପିଏସ୍‌ଇଜେଡ୍) ପରିଚାଳନା ନିର୍ଦ୍ଦେଶକ କରଣ ଆଦାନୀ ଓ ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରୀ ସର୍ବାନନ୍ଦ ସୋନୋୱାଲଙ୍କ ସହ ମଧ୍ୟ ଏସମ୍ପର୍କରେ ଆଲୋଚନା ହୋଇଛି। ପଶ୍ଚିମବଙ୍ଗ ସରକାରଙ୍କ ନିବେଶ ପ୍ରୋତ୍ସାହନ ନୀତି -୨୦୨୬ ଆଧାରରେ ଏହି ବନ୍ଦର ପ୍ରତିଷ୍ଠା ହେବାକୁ ଯାଉଥିବା ବେଳେ ଖୁବ୍‌ଶୀଘ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାର ଭିତ୍ତିପ୍ରସ୍ତର ସ୍ଥାପନ କରିବେ ବୋଲି ଜଣାପଡ଼ିଛି।ଅନ୍ୟପକ୍ଷରେ, ୨୦୧୯ରେ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ବାରା ଚୌମୁଖ ଠାରେ ସୁବର୍ଣ୍ଣରେଖା ବନ୍ଦର ପ୍ରତିଷ୍ଠା ପାଇଁ ଯେଉଁ ଭିତ୍ତିପ୍ରସ୍ତର ସ୍ଥାପନ ହୋଇଥିଲା ତାହାର ଭବିଷ୍ୟତକୁ ନେଇ ସାଧାରଣରେ ପ୍ରଶ୍ନ ଉଠିଛି। ୨୦୦୬ରେ ସୁବର୍ଣ୍ଣରେଖା ବନ୍ଦର ପ୍ରତିଷ୍ଠା ପାଇଁ ଘୋଷଣା ହୋଇଥିଲା। ବନ୍ଦର ପ୍ରତିଷ୍ଠା ହେଲେ ବାଲେଶ୍ୱର ଜିଲ୍ଲାର ୧୨ ହଜାର ଲୋକଙ୍କ ପାଇଁ ପରୋକ୍ଷ ଓ ପ୍ରତ୍ୟକ୍ଷ ନିଯୁକ୍ତି ସୁଯୋଗ ସୃଷ୍ଟି ହେବ। ଓଡ଼ିଶା ସମେତ ପଶ୍ଚିମବଙ୍ଗ, ଝାଡ଼ଖଣ୍ଡ, ବିହାର ଆଦି ରାଜ୍ୟକୁ ଆମଦାନି ଓ ରପ୍ତାନିର ବାଟ ଖୋଲି ବାଲେଶ୍ୱର ସମଗ୍ର ଦେଶରେ ଏକ ପ୍ରମୁଖ ବାଣିଜ୍ୟ କେନ୍ଦ୍ର ହେବ ବୋଲି ଘୋଷଣା କରାଯାଇଥିଲା। କିନ୍ତୁ ୨୦ ବର୍ଷ ତଳେ ହୋଇଥିବା ଏହି ଘୋଷଣା କେବଳ ଜମି ଅଧିଗ୍ରହଣରେ ସୀମିତ ରହିଛି।ଗୁରୁତ୍ବପୂର୍ଣ୍ଣ ବିଷୟ ହେଉଛି, ପ୍ରସ୍ତାବିତ ସୁବର୍ଣ୍ଣରେଖା ବନ୍ଦର ଓ ଦାଦନପତ୍ରବାର ମଧ୍ୟରେ ମାତ୍ର ୫୦ କିମି ଦୂରତା ରହିଛି। ତେଣୁ ଏତେକମ୍ ଦୂରତାରେ ଦୁଇଟି ବନ୍ଦର ପ୍ରତିଷ୍ଠା ହେଲେ କାର୍ଯ୍ୟକ୍ଷମତା ଓ ପରିବେଶ ଉପରେ ପ୍ରଭାବ ପଡ଼ିବ ବୋଲି ପରିବେଶବିତ୍ ତଥା ସ୍ତମ୍ଭକାର ସୁଦର୍ଶନ ଦାସ ପ୍ରକାଶ କରିଛନ୍ତି। ଦୁଇଟି ବନ୍ଦର ମଧ୍ୟରେ ସର୍ବନିମ୍ନ କେତେ ଦୂରତା ରହିବ ସେନେଇ କୌଣସି ଆଇନଗତ ବାଧା ଯଦିବା ନାହିଁ, ଆର୍ଥିକ ଓ ବ୍ୟବସାୟିକ  ଦୃଷ୍ଟିରୁ ଦୁଇଟି ବନ୍ଦର ଅତି ପାଖାପାଖି ରହିଲେ ବାଣିଜ୍ୟିକ କ୍ଷେତ୍ର ପ୍ରଭାବିତ ହେବ ବୋଲି ଆଶଙ୍କା କରାଯାଉଛି। ଓଡ଼ିଶା ଓ ପଶ୍ଚିମବଙ୍ଗର ଖଣିଜ ପଦାର୍ଥ ଓ ଶିଳ୍ପ ସାମଗ୍ରୀ ପରିବହନ ପାଇଁ ଉଭୟ ବନ୍ଦର ମଧ୍ୟରେ ପ୍ରତିଯୋଗିତା ସୃଷ୍ଟି ହୋଇପାରେ। ଯଦି ପର୍ଯ୍ୟାପ୍ତ ପରିମାଣର କାର୍ଗୋ (ମାଲ) ଉପଲବ୍ଧ ନ ହୁଏ, ତେବେ ଗୋଟିଏ ବନ୍ଦର ଅନ୍ୟଟିର ବ୍ୟବସାୟକୁ ପ୍ରଭାବିତ କରିବାର ଆଶଙ୍କା ରହିଛି। ଏହାବ୍ୟତୀତ ପରିବେଶ ଓ ମତ୍ସ୍ୟଜୀବୀଙ୍କ ଜୀବନଜୀବିକା ଉପରେ ପ୍ରଭାବ ପଡ଼ିବ ବୋଲି ଶ୍ରୀ ଦାସ ଅଭିଯୋଗ କରିଛନ୍ତି।

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments