ସରକାରୀ ଅର୍ଥ ଆତ୍ମସାତ: ସହକାରୀ କୃଷି ନିର୍ଦ୍ଦେଶକଙ୍କ ସମେତ ୨ ଜଣଙ୍କୁ ଉଠାଇ ନେଲା ଭିଜିଲାନ୍ସ
ବାଲେଶ୍ଵର: ସରକାରୀ ଅର୍ଥ ଆତ୍ମସାତ ଅଭିଯୋଗରେ ସକାଳୁ ସକାଳୁ ୨ ଜଣଙ୍କୁ ବାଲେଶ୍ଵର ଭିଜିଲାନ୍ସପୁଲିସ ଉଠାଇ ନେଇଛି। ସେମାନେ ହେଉଛନ୍ତି ସରୋଜ କୁମାର୍ ଗିରି ଆସିଷ୍ଟାଣ୍ଟ ଏଗ୍ରିକଲଚର ଡାଇରେକ୍ଟର ଓ ତୁଷାରକାନ୍ତ ବେହେରା।ଶ୍ରୀ ବେହେରା ଶକ୍ତି ଶିକ୍ଷା ଏନ୍ ଜି ଓର ବାରିପଦାର ନିର୍ଦ୍ଦେଶକ। ଶ୍ରୀ ଗିରି ବାଲେଶ୍ଵରରେ କାର୍ଯ୍ୟରତ ଥିଲେ। ଏବେ ଯାଜପୁରରେ କାର୍ଯ୍ୟରତ ଅଛନ୍ତି। ଏଠାରେ ଥିବା ବେଳେ ଚାଷୀମାନଙ୍କର ବିଭିନ୍ନ ପ୍ରଶିକ୍ଷଣ ପାଇଁ ଆସିଥିବା ୨୫ ଲକ୍ଷ ଟଙ୍କାକୁ ଚାଷୀଙ୍କ ପାଇଁ ଖର୍ଚ୍ଚ ନ କରି ଏନଜିଓ ମାଧ୍ୟମରେ ହଡ଼ପ କରାଇଥିବା ଜଣା ପଡ଼ିଛି। ଦୁଇଜଣଙ୍କୁ ଭିଜିଲାନ୍ସ ଉଠାଇ ଆଣି ପଚରାଉଚରା କରୁଥିବା ଜଣାପଡିଛି। ଏନେଇ ପରବର୍ତ୍ତୀ କାର୍ଯ୍ୟାନୁଷ୍ଠାନକୁ ଅପେକ୍ଷା କରାଯାଇଛି।









Comments