ଜୟ ଜଗନ୍ନାଥ ପରିବାର ପକ୍ଷରୁ ମହାପ୍ରସାଦ ବଣ୍ଟନ : OmmTv
ଜଗନ୍ନାଥ ସଂସ୍କୃତି ଓ ପରମ୍ପରାକୁ ଉଜ୍ଜୀବିତ ରଖିବା ସହିତ ଲୋକଙ୍କ ପାଖରେ ପହଁଚାଇବାର ସଂକଳ୍ପ ନେଇ ଗଢି ଉଠିଥିବା ସ୍ୱେଚ୍ଛାସେବୀ ଅନୁଷ୍ଠାନ ଜୟ ଜଗନ୍ନାଥ
BIDYADHAR BARIK MADHU
ଜୟ ଜଗନ୍ନାଥ ପରିବାର ପକ୍ଷରୁ ମହାପ୍ରସାଦ ବଣ୍ଟନ : OmmTv
ଭୁବନେଶ୍ୱର, ; ଜଗନ୍ନାଥ ସଂସ୍କୃତି ଓ ପରମ୍ପରାକୁ ଉଜ୍ଜୀବିତ ରଖିବା ସହିତ
ଲୋକଙ୍କ ପାଖରେ ପହଁଚାଇବାର ସଂକଳ୍ପ ନେଇ ଗଢି ଉଠିଥିବା ସ୍ୱେଚ୍ଛାସେବୀ
ଅନୁଷ୍ଠାନ ଜୟ ଜଗନ୍ନାଥ ପରିବାର ପକ୍ଷରୁ ପବିତ୍ର ଦୁର୍ଗାପୂଜା ଉପଲକ୍ଷେ ଅଷ୍ଟମୀ
ଓ ନବମୀ ଦିନ ଚନ୍ଦ୍ରଶେଖରପୁର ସ୍ଥିତ ହାଉସିଂ ବୋର୍ଡ କଲୋନୀ ଠାରେ ଅନୁଷ୍ଠିତ
ଦୁର୍ଗାପୂଜା ମଣ୍ଡପରେ ମହାପ୍ରସାଦ ବଣ୍ଟନ କରାଯାଇଛି । ଅନୁଷ୍ଠାନର ପ୍ରତିଷ୍ଠାତା
ଭଗବାନ ଦାଶଙ୍କ ନେତୃତ୍ୱରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ
ସମରେନ୍ଦ୍ର ସାହୁ ଯୋଗଦେଇ ସାରା ପୃଥରବୀର ଆରାଧ୍ୟ ଦେବତା, ଓଡିଶା ବାସୀଙ୍କ
ହୃଦୟର ଠାକୁର ପ୍ରଭୂ ଜଗନ୍ନାଥଙ୍କ ପ୍ରସାଦ ବଣ୍ଟନ କରାଯ୍ଧବ ଥିବାରୁ ପରିବାରର
ସମସ୍ତଙ୍କୁ କୃତଜ୍ଞତା ଜଣାଇଥିଲେ । ପରିବାର ପ୍ରତିଷ୍ଠାତା ଶ୍ରୀଯୁକ୍ତ ଦାଶ ତାଙ୍କ
ଅଭିଭାଷଣରେ କହିଥିଲେ କରୋନା ମହାମାରୀ ସମୟରେ ଏହି ପରିବାର ତିଆରି
ହୋଇଛି । ଜଣେ ବରିଷ୍ଠ ନାଗରିକ କରୋନା ପିଡିତ ହୋଇ ଘରେ ଯନ୍ତ୍ରଣାରେ
ଛଟପଟ ହେଉଥିବା ସମୟରେ ଆହା ପଦେ କହିବାକୁ କେହି ଅସି ନଥିଲେ । ଆମ
ପରିବାରର ସଦସ୍ୟ ମାନେ କରୋନାକୁ ଖାତିରି ନକରି ତାଙ୍କୁ ଡାକ୍ତର ଖାନାରେ
ପହଞ୍ଚାଇବା ସହିତ ସେବା ଯୋଗାଇ ଦେଇଥିଲେ । ଏହି ଭଳି ଅନ୍ୟାନ୍ୟ ଅସୁବିଧାରେ
ଲୋକଙ୍କ ପାଖରେ ପରିବାରର ସଦସ୍ୟ ମାନେ ପହଞ୍ଚି ସେବା ଯୋଗାଇ ଆସୁଛନ୍ତି । ଖାଲି
ସେତିକି ନୁହେଁ ପରିବାର ପକ୍ଷରୁ ବୃକ୍ଷ ରୋପଣ, ଜଳସେବା, ରକ୍ତଦାନ ଭଳି ଜନହିତକର
କାର୍ଯ୍ୟ ଜାରି ରହିଛି । ପୂଜା ପର୍ବାଣୀରେ ଜଗନ୍ନାଥ ସଂସ୍କୃତି ଉପରେ
ଆଧାରିତ କାର୍ଯ୍ୟକ୍ରମ କରାଯାଉଛି । ଆଗାମୀ ଦିନରେ ଏହାକୁ ଆହୁରି
ତ୍ୱରାନିତ୍ୱ କରାଯିବ ବୋଲି କହିଥିଲେ । ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ
ମଧ୍ୟରେ ସାରଦା ପ୍ରସାଦ ମହାନ୍ତି, ଆଶିଷ ପରିଜା, ମାନସ କୁମାର ମହାନ୍ତି, ଅକ୍ଷୟ
ନାୟକ, ଦୁଷ୍ମନ୍ତ ପାଣିଗ୍ରାହୀ, ମନୋରଞ୍ଜନ ଦାସ ପ୍ରମୁଖ ଉପସ୍ଥିତ ଥିଲେ ।
