କିସ୍ ବଲାଙ୍ଗୀର ଓ କଳାହାଣ୍ଡି ଶାଖା ପରିଦର୍ଶନ କଲେ ଅଚ୍ୟୁତ ସାମନ୍ତ : Ommtv
କିସ୍ ଭୁବନେଶ୍ୱରର ନୂଆ ଶାଖା କିସ୍-ବଲାଙ୍ଗୀର ଓ କିସ୍-ଭବାନୀପାଟଣାକୁ କିଟ୍ ଓ କିସ୍ ପ୍ରତିଷ୍ଠାତା ଅଚ୍ୟୁତ ସାମନ୍ତ ପରିଦର୍ଶନ କରିଛନ୍ତି। କେବଳ ଛାତ୍ରୀଙ୍କ ପାଇଁ ଉଭୟ ବଲାଙ୍ଗୀର ଓ ଭବାନୀପାଟଣା
BIDYADHAR BARIK MADHU
0
28166
କିସ୍ ବଲାଙ୍ଗୀର ଓ କଳାହାଣ୍ଡି ଶାଖା ପରିଦର୍ଶନ କଲେ ଅଚ୍ୟୁତ ସାମନ୍ତ : Ommtv
କିସ୍ ଭୁବନେଶ୍ୱରର ନୂଆ ଶାଖା କିସ୍-ବଲାଙ୍ଗୀର ଓ କିସ୍-ଭବାନୀପାଟଣାକୁ କିଟ୍ ଓ କିସ୍ ପ୍ରତିଷ୍ଠାତା ଅଚ୍ୟୁତ ସାମନ୍ତ ପରିଦର୍ଶନ କରିଛନ୍ତି। କେବଳ ଛାତ୍ରୀଙ୍କ ପାଇଁ ଉଭୟ ବଲାଙ୍ଗୀର ଓ ଭବାନୀପାଟଣା କ୍ୟାମ୍ପସ୍ ଉଦ୍ଦୀଷ୍ଟ ହୋଇଥିବା ବେଳେ ଏଠାରେ ଚଳିତ ଶିକ୍ଷାବର୍ଷ ଆରମ୍ଭରୁ ଛାତ୍ରୀମାନେ ନାମ ଲେଖାଇଛନ୍ତି। ଶିକ୍ଷାଦାନ ଆରମ୍ଭ ହେବା ପରେ ପ୍ରତିଷ୍ଠାତା ଶ୍ରୀ ସାମନ୍ତ ଏହି ଦୁଇ କ୍ୟାମ୍ପସର ପରିଦର୍ଶନରେ ଯାଇଥିଲେ। ଶ୍ରୀ ସାମନ୍ତଙ୍କୁ ପାଖରେ ପାଇ ଛାତ୍ରୀମାନେ ବେଶ ଖୁସି ଓ ଉତ୍ସାହିତ ହୋଇପଡ଼ିଥିଲେ। ଶ୍ରୀ ସାମନ୍ତ ଉଭୟ କ୍ୟାମ୍ପସ୍ ବୁଲି ଦେଖିବା ସହ ଛାତ୍ରୀମାନଙ୍କ ବିଷୟରେ ପଚାରି ବୁଝିଥିଲେ। ଶ୍ରୀ ସାମନ୍ତ ଛାତ୍ରୀଙ୍କ ହଷ୍ଟେଲ ବୁଲି ଦେଖିବା ସହ ସେମାନଙ୍କୁ ଖାଦ୍ୟ ମଧ୍ୟ ପରଷିଥିଲେ। ଛାତ୍ରୀଙ୍କ ସହ ଆଲୋଚନା ସମୟରେ ସେମାନଙ୍କୁ ଠିକ୍ ସମୟରେ ଖାଦ୍ୟ, ସ୍ୱାସ୍ଥ୍ୟ, କ୍ରୀଡ଼ା ଓ ଶିକ୍ଷାଦାନ କରାଯାଉଥିବା ଛାତ୍ରୀମାନେ ପ୍ରକାଶ କରିଥିଲେ। ଶ୍ରୀ ସାମନ୍ତ ମଧ୍ୟ ଛାତ୍ରୀମାନଙ୍କର ଉପଯୁକ୍ତ ଯତ୍ନ ନେବା ପାଇଁ ଉଭୟ କ୍ୟାମ୍ପସରେ କାର୍ଯ୍ୟରତ ଶିକ୍ଷକ ଶିକ୍ଷୟିତ୍ରୀଙ୍କୁ ବୁଝାଇଥିଲେ । ସୂଚନା ଯୋଗ୍ୟ ବଲାଙ୍ଗୀର କ୍ୟାମ୍ପସରେ କେବଳ ବଲାଙ୍ଗୀର ଜିଲ୍ଲାର ଗରିବ ଜନଜାତି ଛାତ୍ରୀମାନେ ପଢ଼ୁଥିବା ବେଳେ ଭବାନୀପାଟଣାରେ କେବଳ କଳାହାଣ୍ଡି ଜିଲ୍ଲାର ଗରିବ ଜନଜାତି ଛାତ୍ରୀମାନେ ପଢ଼ୁଛନ୍ତି । ପ୍ରଥମ ପର୍ଯ୍ୟାୟରେ ଉଭୟ କ୍ୟାମ୍ପସ୍ରେ ୧୨ଶହ ଛାତ୍ରୀ ପଢ଼ୁଛନ୍ତି । ସେଠାରୁ ଦଶମ ପରୀକ୍ଷା ଉତ୍ତୀର୍ଣ୍ଣ ହେବା ପରେ ସେମାନେ କିସ୍ ଭୁବନେଶ୍ୱରରେ ଉଚ୍ଚଶିକ୍ଷା ଲାଭ କରିବେ । ଶ୍ରୀ ସାମନ୍ତ ବଲାଙ୍ଗୀର ଓ ଭବାନୀପାଟଣା କିସ୍ କ୍ୟାମ୍ପସ୍ ପରିଦର୍ଶନ କରିବା ଅବସରରେ ଉଭୟ ଜିଲ୍ଲାର ପୁରାତନ କିସ୍ ଛାତ୍ରଛାତ୍ରୀମାନେ ଆସି ଶ୍ରୀ ସାମନ୍ତଙ୍କୁ ସାକ୍ଷାତ କରିଥିଲେ । ସେମାନେ କିସ୍ରୁ ଶିକ୍ଷା ଲାଭ କରି ବିଭିନ୍ନ କ୍ଷେତ୍ରରେ ଉଚ୍ଚ ପଦପଦବୀରେ ଅଧିଷ୍ଠିତ ହୋଇଥିବା ଜାଣି ଶ୍ରୀ ସାମନ୍ତ ଖୁସି ବ୍ୟକ୍ତ କରିଥିଲେ।
