ପୁରୀର ହୋଟେଲ୍ରେ ଭୟଙ୍କର ବିସ୍ଫୋରଣ, ୩ଜଣ ଆହତ
ପୁରୀ: ପୁରୀର ବଡ଼ଦାଣ୍ଡ ନିକଟରେ ଥିବା ଟିପି ହୋଟେଲ୍ରେ ଶୁକ୍ରବାର ଅପରାହ୍ନରେ ଏକ ଭୟାବହ ବିସ୍ଫୋରଣ ଘଟିଛି। ହୋଟେଲ ଭିତରେ ଥିବା ଗ୍ୟାସ ଟାଙ୍କି ଫାଟିଯିବାରୁ ଏହି ବିସ୍ଫୋରଣ ଘଟିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏହି ଦୁର୍ଘଟଣାରେ ତିନିରୁ ଚାରିଜଣ କର୍ମଚାରୀ ଆହତ ହୋଇଥିବା ସୂଚନା ମିଳିଛି। ପ୍ରତ୍ୟେକ୍ଷଦର୍ଶୀଙ୍କ କହିବାନୁସାରେ, ଟିପି ହୋଟେଲ୍ର ଭିତରେ ହଠାତ ଭୟାବହ ଶବ୍ଦ ହୋଇଥିଲା। ଏହି ବିସ୍ଫୋରଣ ଏତେ ଶକ୍ତିଶାଳୀ ଥିଲା କି ହୋଟେଲ କୋଠରିର କାଚ, ପ୍ଲାଏ ଓ ସିମେଣ୍ଟ ଇତ୍ୟାଦି ହୋଟେଲରୁ ୧୦୦ ଫୁଟ ପର୍ଯ୍ୟନ୍ତ ବଡଦାଣ୍ଡକୁ ଖଣ୍ଡ ଖଣ୍ଡ ହୋଇ ଛିଟିକି ଆସିଥିଲା। ଏହି ଦୁର୍ଘଟଣା ସମ୍ପର୍କରେ ଖବର ପାଇ ଅଗ୍ନିଶମବାହିନୀର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ଆୟତ୍ତ କରିଛନ୍ତି। ରିପୋର୍ଟ ଲେଖାଯିବା ବେଳକୁ ଘଟଣାସ୍ଥଳରେ ଲୋକଙ୍କର ଭିଡ଼ ଦେଖାଯାଇଛି। ତେବେ ଏହି ବିସ୍ଫୋରଣ କେମିତି ଘଟିଲା ତାହା ଜଣାପଡ଼ି ନାହିଁ। ଗୁରୁତର ହୋଇଥିବା ସୁକାନ୍ତ ପ୍ରଧାନ କହିଛନ୍ତି, ଦୀର୍ଘଦିନ ହେବ ଟିପି ହୋଟେଲରେ ସିକ୍ୟୁରିଟି ଭାବେ କାର୍ଯ୍ୟ କରିଆସୁଛି। କିଛି ଭୁଜିବା ପୁର୍ବରୁ ଗ୍ୟାସଟି ବିସ୍ପୋରଣ ହୋଇଥିଲା, ଯାହାଫଳରେ ହୋଟେଲ ସମ୍ମୁଖ କାଛଟି ଚୁରମାର ହୋଇଯାଇଥିଲା ମୁଁ ସମ୍ପୁର୍ଣ୍ଣ ଛିଟିକି ହୋଇ ପଡ଼ିଥିଲି। ମୁଣ୍ତ, ଅଣ୍ଟା ଓ ଦୁଇ ହାତରେ ଗଭୀର ଅଘାତ ଲାଗିଛି। ପୁରୀ ଏସ୍ପି ପ୍ରତିକ ସିଂ କହିଛନ୍ତି ବଡ଼ଦାଣ୍ତରେ ଥିବା ଟିପି ହୋଟେଲ ଭିତରେ ରେଷ୍ଟୁରାଣ୍ଟ ଖୋଲିବା ପାଇଁ କାର୍ଯ୍ୟ କରାଯାଉଥିଲା। ଗ୍ରାଉଣ୍ତ ପ୍ଲୋରରେ ରେଷ୍ଟୁରାଣ୍ଟ କାର୍ଯ୍ୟ କରାଯିବା ସମୟରେ ଏହି ବିସ୍ଫୋରଣ ଘଟିଥିଲା। ଭିତର ଜିନିଷ ବାହାର କାଚ ସମ୍ପୂର୍ଣ୍ଣ ଭାଙ୍ଗିଯାଇଛି। ଭିତର ଜିନିଷ ଗୁଡ଼ିକ ସବୁ ବାହାରକୁ କଡ଼ାଯାଇଛି। ଘଟଣାର ତଦନ୍ତ କରାଯାଉଛି।
Comments