ରାସାୟନିକ ସାର ଓ କୀଟନାଶକ ପ୍ରୟୋଗରେ ସନ୍ତୁଳନ ଜରୁରି: କେନ୍ଦ୍ର କୃଷି ମନ୍ତ୍ରୀ  

ରାସାୟନିକ ସାର ଓ କୀଟନାଶକ ପ୍ରୟୋଗରେ ସନ୍ତୁଳନ ଜରୁରି: କେନ୍ଦ୍ର କୃଷି ମନ୍ତ୍ରୀ

ବାଲିଅନ୍ତା: ‘ଆଧୁନିକ ପ୍ରଣାଳୀରେ ଚାଷ କରିବା ଅପରିହାର୍ଯ୍ୟ। ଅଧିକ ଅମଳ କରିବା ପାଇଁ ଜମିରେ ରାସାୟନିକ ସାର ଓ କୀଟନାଶକ ବ୍ୟବହାର ଆବଶ୍ୟକ। ମାତ୍ର ରାସାୟନିକ ସାର ଓ କୀଟନାଶକ ପ୍ରୟୋଗରେ ସନ୍ତୁଳନ ଜରୁରି। ଅସନ୍ତୁଳିତ ସାର ପ୍ରୟୋଗ ମାଟି ମାଆର ସ୍ବାସ୍ଥ୍ୟ ଖରାପ କରିବ ଏବଂ ଆମ ଉତ୍ତରପିଢ଼ିଙ୍କ ପାଇଁ ଉର୍ବର ମାଟି ସ୍ବପ୍ନ ପାଲଟିଯିବ। ଏଭଳି ଭୟଙ୍କର ଭବିଷ୍ୟତକୁ ମୁକାବିଲା କରିବା ଲାଗି ମୃତ୍ତିକା ପରୀକ୍ଷା କରି ଚାଷୀ ଜମିରେ ସନ୍ତୁଳନ ରକ୍ଷା କରି ରାସାୟନିକ ସାର ଓ କୀଟନାଶକ ବ୍ୟବହାର କରିବାକୁ ହେବ। ଏମିତି ହେଲେ ଆଜିର ମଣିଷ ନିରୋଗ ଓ ସୁସ୍ଥ ରହିବା ସହ ଆଗାମୀ ପିଢ଼ି ମଧ୍ୟ ସୁରକ୍ଷିତ ରହିବ।’ ସିଫା ପକ୍ଷରୁ ଆୟୋଜିତ ଏକ କୃଷି କାର୍ଯ୍ୟକ୍ରମରେ କେନ୍ଦ୍ର କୃଷି ମନ୍ତ୍ରୀ ଶିବରାଜ ସିଂ ଚୌହାନ ଏହା କହିଛନ୍ତି। ସିଫା, ଖୋର୍ଦ୍ଧା କୃଷିବିଜ୍ଞାନ କେନ୍ଦ୍ର ଓ କୃଷି ଏବଂ କୃଷକ ସଶକ୍ତୀକରଣ ବିଭାଗର ମିଳିତ ଆନୂକୁଲ୍ୟରେ ବାଲିଅନ୍ତା ବ୍ଲକ୍‌ ହୀରାପୁର ଚଉଷଠୀ ଯୋଗିନୀ ପୀଠ ପରିସରରେ ଆୟୋଜିତ ‘କ୍ଷେତ ବଞ୍ଚାଅ’ କାର୍ଯ୍ୟକ୍ରମ ଅବସରରେ ଆୟୋଜିତ କୃଷକ ସମାବେଶରେ ମୁଖ୍ୟଅତିଥି ଭାବେ ଯୋଗଦେଇ କେନ୍ଦ୍ରମନ୍ତ୍ରୀ ଶ୍ରୀ ଚୌହାନ କହିଲେ ଯେ ଗୋବର, ଗୋମୂତ୍ର ଓ ନିମ୍ବ ପତ୍ର ଆଦି ମିଶ୍ରିତ ଜୈବିକ ସାର ପ୍ରୟୋଗ କରି ଅଧିକ ଅମଳ କରାଯାଇପାରୁଛି। ସମ୍ପ୍ରତି ଜୈବିକ ସାର ଉପରେ ଅଧିକ ଧ୍ୟାନ ଦେବାର ସମୟ ଆସିଛି ବୋଲି ସେ କୃଷକମାନଙ୍କୁ ପରାମର୍ଶ ଦେଇଥିଲେ। ଏହି କାର୍ଯ୍ୟକ୍ରମରେ ଖୋର୍ଦ୍ଧା ଜିଲ୍ଲାପାଳ ଅମ୍ରିତ ୠତୁରାଜ, ସିଫା ନିର୍ଦ୍ଦେଶକ ଡ. ପ୍ରମୋଦ କୁମାର ସାହୁଙ୍କ ସମେତ କୃଷି ବିଭାଗ, ମୃତ୍ତିକା ସଂରକ୍ଷଣ ବିଭାଗର ପଦସ୍ଥ ଅଧିକାରୀମାନେ ଉପସ୍ଥିତ ଥିଲେ। ଏହି ଅବସରରେ କେନ୍ଦ୍ର ମନ୍ତ୍ରୀ ଶ୍ରୀ ଚୌହାନ ଚଉଷଠୀ ଯୋଗିନୀ ପୀଠରେ ମହାମାୟଙ୍କୁ ପୂଜାର୍ଚ୍ଚନା କରିଥିଲେ। ଜୟଦେବ ବିଧାୟକ ନବ କିଶୋର ମଲ୍ଲିକ, ରାଜ୍ୟ କୃଷକ ମୋର୍ଚ୍ଚା ସଭାପତି ଶୁଭ୍ରାଂଶୁ ମୋହନ ପାଢ଼ୀ, ସାଂସଦ ପ୍ରତିନିଧି ଚୌଧୁରୀ ଦ୍ୱାରିକାନାଥ ଦାଶ ପ୍ରମୁଖ ପୀଠ ପରିସରରେ ଚାରାରୋପଣ କରିଥିଲେ। ଶେଷରେ କେନ୍ଦ୍ର କୃଷି ମନ୍ତ୍ରୀ ଶ୍ରୀ ଚୌହାନଙ୍କ ସମେତ ସମସ୍ତ ଅତିଥିମାନେ ଜୈବିକ ପ୍ରଣାଳୀରେ ଚାଷ କରିଥିବା ସାହାବାଜ ଗ୍ରାମର ନେତ୍ରାନନ୍ଦ ଭୋଇ ଓ ଦୀନବନ୍ଧୁ ଭୋଇଙ୍କ