Skip to content
Friday, 20 November 2026
Breaking News
Video
Crime

 ଚାକିଡ଼ି ବୃଦ୍ଧା ହତ୍ୟା ମାମଲାର ଖୋଲିଲା ରହସ୍ୟ: ଡାହାଣୀ ସନ୍ଦେହରେ ମାରି ଫିଙ୍ଗିଦେଇଥିଲେ, ୪ ଗିରଫ

 ଚାକିଡ଼ି ବୃଦ୍ଧା ହତ୍ୟା ମାମଲାର ଖୋଲିଲା ରହସ୍ୟ: ଡାହାଣୀ ସନ୍ଦେହରେ ମାରି ଫିଙ୍ଗିଦେଇଥିଲେ, ୪ ଗିରଫ

 ଚାକିଡ଼ି ବୃଦ୍ଧା ହତ୍ୟା ମାମଲାର ଖୋଲିଲା ରହସ୍ୟ: ଡାହାଣୀ ସନ୍ଦେହରେ ମାରି ଫିଙ୍ଗିଦେଇଥିଲେ, ୪ ଗିରଫ

Key Points

  • ବାଙ୍ଗିରିପୋଷି: ଗତକାଲି(ବୁଧବାର) ବାଙ୍ଗିରିପୋଷି ଥାନା ଅଧୀନ ଚାକିଡ଼ି ଗାଁର ଏକ ନାଳ ନିକଟରୁ ରାନୀ ଫୂର୍ତ୍ତି (୬୫)ଙ୍କ ମୃତଦେହ ଉଦ୍ଧାର ହୋଇଥିଲା।
  • ଏହା ଏକ ଯୋଜନାବଦ୍ଧ ହତ୍ୟା ବୋଲି ରାନୀଙ୍କ ପୁଅ ଅଭିଯୋଗ କରିଥିଲେ।
  • ତଦନ୍ତରେ ଏହି ଘଟଣାର ରହସ୍ୟ ଉନ୍ମୋଚିତ ହୋଇଛି।

 ଚାକିଡ଼ି ବୃଦ୍ଧା ହତ୍ୟା ମାମଲାର ଖୋଲିଲା ରହସ୍ୟ: ଡାହାଣୀ ସନ୍ଦେହରେ ମାରି ଫିଙ୍ଗିଦେଇଥିଲେ, ୪ ଗିରଫ

 

ବାଙ୍ଗିରିପୋଷି: ଗତକାଲି(ବୁଧବାର) ବାଙ୍ଗିରିପୋଷି ଥାନା ଅଧୀନ ଚାକିଡ଼ି ଗାଁର ଏକ ନାଳ ନିକଟରୁ ରାନୀ ଫୂର୍ତ୍ତି (୬୫)ଙ୍କ ମୃତଦେହ ଉଦ୍ଧାର ହୋଇଥିଲା। ଏହା ଏକ ଯୋଜନାବଦ୍ଧ ହତ୍ୟା ବୋଲି ରାନୀଙ୍କ ପୁଅ ଅଭିଯୋଗ କରିଥିଲେ। ତଦନ୍ତରେ ଏହି ଘଟଣାର ରହସ୍ୟ ଉନ୍ମୋଚିତ ହୋଇଛି। ଡାହାଣୀ ସନ୍ଦେହରେ ରାନୀଙ୍କୁ ହତ୍ୟା କରାଯାଇଥିବା ଅନୁସନ୍ଧାନରେ ଜଣାପଡ଼ିଛି। ଏହି ମାମଲାରେ ପୁଲିସ ଚାକିଡ଼ି ଗାଁର ୪ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ମୃତ ରାନୀଙ୍କ ପୁଅ ଲୁବିନ ଗତକାଲି ପୂର୍ବାହ୍‌ଣରେ ବାଙ୍ଗିରିପୋଷି ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଭିତ୍ତିରେ ପୁଲିସ ବିଏନ୍‌ଏସ୍‌ର ଧାରା ୧୦୩(୧)ରେ ନଂ୨୯୨/୨୦୨୬ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ବୃଦ୍ଧାଙ୍କ ନିକଟରୁ ମିଳିଥିବା ଏକ ଚୁନିକୁ ଆଧାର କରି ତଦନ୍ତ ଆଗକୁ ବଢ଼ିଥିଲା। ଶେଷରେ ପୁଲିସ ଚାକିଡ଼ି ଗାଁର ରାମ ମାରାଣ୍ଡି, ଗୁରୁଭା ପୂର୍ତ୍ତି ଓରଫ ଟଳ, ରାଧି ପୁର୍ତ୍ତି (ମହିଳା) ଓ ଦିସାରୀ ଦେଓଗାମ (ମହିଳା)ଙ୍କୁ ଗିରଫ କରିଛି। 
ପଚରାଉଚରାରେ ସେମାନେ ନିଜର ଅପରାଧ ସ୍ବୀକାର କରିବା ସହ ଡାହାଣୀ ସନ୍ଦେହରେ ହତ୍ୟା କରିଥିବା କହିଛନ୍ତି। ପୁଲିସ ଠାରୁ ମିଳିଥିବା ସୂଚନାରେ, ରାମଙ୍କ ୧୦ ବର୍ଷର ପୁଆ ଅନିପା ଚଳିତ ବର୍ଷ ଜୁନ୍‌ ମାସରେ ମୃତ୍ୟୁ ଘଟିଥିଲା। ଅଗଷ୍ଟ ମାସରେ ରାଧିଙ୍କ ୧୪ବର୍ଷର ପୁଅ ରାହୁଳର ମୃତ୍ୟୁ ହୋଇଥିଲା। ଅନ୍ୟତମ ଅଭିଯୁକ୍ତ ଦିସାରୀଙ୍କ ପୁଅର ଦେହ ମଧ୍ୟ ଅସୁସ୍ଥ ରହୁଥିଲା। ଏହି ସମସ୍ତ ମୃତ୍ୟୁ ଓ ରୋଗ ନିମନ୍ତେ ସେମାନେ ରାନୀକୁ ସନ୍ଦେହ କରିଥିଲେ। ରାନୀ ଡାହାଣୀ ହୋଇ ସେମାନଙ୍କୁ ହତ୍ୟା କରିଛନ୍ତି ବୋଲି ଆଶଙ୍କା କରି ରାନୀକୁ ମାରିଦେବାକୁ ଯୋଜନା କରିଥିଲେ। ରବିବାର (୧୫ ତାରିଖ) ଚକଡ଼ା ଗାଁରେ ବାନ୍ଦଣା ପର୍ବ ଥିଲା।  ଗାଁ ଲୋକେ ସମୂହ ଭାବେ ପର୍ବ ପାଳିଥିଲେ।  ପରଦିଦ ( ସୋମବାର) ରାତିରେ ରାନୀ ହାଣ୍ଡିଆ ପିଇ ନିଶାଗ୍ରସ୍ତ ଅବସ୍ଥାରେ ଗାଁର ବୁଦ୍ଧିଆ ସିଂ ଘରେ ଶୋଇଥିଲା। ଏହି ସୁଯୋଗରେ ୪ଜଣ ଘରେ ପଶି ଏକ ଓଢ଼ଣୀ (ଚୁନି) ସହାୟତାରେ ତଣ୍ଟିଚିପି ହତ୍ୟା କରିଥିଲେ । ପରେ ମୃତଦେହକୁ ଗାଁ ପାଖ ନାଳରେ ଫିଙ୍ଗି ଦେଇ ଚାଲିଆସିଥିଲେ। 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments