ବାଦାମପାହାଡ଼-ଟାଟାନଗର ମେମୁ ଟ୍ରେନରୁ ଧୂଆଁ
ରାଇରଙ୍ଗପୁର : ଆଜି (ଗୁରୁବାର) ଭୋରରେ ବାଦାମପାହାଡ଼-ଟାଟାନଗର ମେମୁ ଟ୍ରେନ୍ (ନଂ ୨୩୮୩୩୬)ର ଏକ ବଗିରୁ ଧୂଆଁ ବାହାରିଥିଲା। ତେବେ ଟ୍ରେନ୍ ଚାଳକଙ୍କ ଉପସ୍ଥିତ ବୁଦ୍ଧିଯୋଗୁଁ ଏକ ବଡ଼ଧରଣର ଅଘଟଣରୁ ରକ୍ଷା ମିଳିଥିବା କୁହାଯାଉଛି। ସୂଚନା ଅନୁଯାୟୀ ଭୋର ୪ଟାରେ ଟାଟାନଗରରୁ ବାହାରିଥିବା ଟ୍ରେନଟି ଫେରୁଥିବା ବେଳେ ମୟୂରଭଞ୍ଜଜିଲ୍ଲା ବହଳଦା ରୋଡ୍ ପରବର୍ତ୍ତୀ ଶିଧିରସାଇ ହଲ୍ଟ ନିକଟରେ ଟ୍ରେନର ଏକ ବଗିର ଚକାରୁ ଧୂଆଁ ବାହାରିବା ଆରମ୍ଭ ହୋଇଥିଲା। ଲୋକ ପାଇଲଟ୍ ଏହା ଦେଖି ତୁରନ୍ତ ଟ୍ରେନ୍କୁ ଅଟକାଇଥିଲେ। ଯାତ୍ରୀମାନେ ଭୟଭୀତ ହୋଇ ତଳକୁ ଓହ୍ଲାଇ ପଡିଥିଲେ।ପ୍ରାଥମିକ ତଦନ୍ତରୁ ବ୍ରେକ୍ ବାଇଣ୍ଡିଂ / ବ୍ରେକ୍ ଜାମ୍ ହୋଇ ଏହି ଧୂଆଁ ବାହାରି ନିଆଁ ଲାଗିଥିବା ଜଣାପଡିଛି। ଦୀର୍ଘ ସମୟ ଧରି ଟ୍ରେନଟି ସେଠାରେ ଅଟକି ରହିବା ପରେ ଯାନ୍ତ୍ରିକ ତ୍ରୁଟି ସହାୟତାରେ ମରାମତି କରାଯାଇ ପୁଣି ଗନ୍ତବ୍ୟସ୍ଥଳକୁ ଯାତ୍ରା କରିଥିଲା।









Comments