Skip to content
Sunday, 22 November 2026
Breaking News
Video
Crime

ଦୁଇ ଦିନ ପରେ ମିଳିଲା ନିଖୋଜଙ୍କ ମୃତଦେହ

ଦୁଇ ଦିନ ପରେ ମିଳିଲା ନିଖୋଜଙ୍କ ମୃତଦେହ

ଦୁଇ ଦିନ ପରେ ମିଳିଲା ନିଖୋଜଙ୍କ ମୃତଦେହ

Key Points

  • ଗୁଡାରି: ଗତ ୧୮ ତାରିଖ ଅପରାହ୍ନରୁ ନିଖୋଜ ଥିବା ଗୁଡାରି ବ୍ଲକ ଅନ୍ତର୍ଗତ ଏମ୍‌.କେ.
  • ରାଇ ଗ୍ରାମପଞ୍ଚାୟତର ମେରିଆପାଙ୍ଗା ଗ୍ରାମର ଯୁବକ ସନ୍ତୋଷ ପାଲକାଙ୍କ ମୃତଦେହ ଆଜି ଉଦ୍ଧାର କରାଯାଇଛି।
  • ପଦ୍ମପୁର ବ୍ଲକର ବିଚିକୋଟ ଗ୍ରାମ ନିକଟସ୍ଥ ବଂଶଧାରା ନଦୀରୁ ତାଙ୍କ ମୃତଦେହ ଠାବ ହୋଇଛି।

  ଦୁଇ ଦିନ ପରେ ମିଳିଲା ନିଖୋଜଙ୍କ ମୃତଦେହ

 

ଗୁଡାରି: ଗତ ୧୮ ତାରିଖ ଅପରାହ୍ନରୁ ନିଖୋଜ ଥିବା ଗୁଡାରି ବ୍ଲକ ଅନ୍ତର୍ଗତ ଏମ୍‌.କେ. ରାଇ ଗ୍ରାମପଞ୍ଚାୟତର ମେରିଆପାଙ୍ଗା ଗ୍ରାମର ଯୁବକ ସନ୍ତୋଷ ପାଲକାଙ୍କ ମୃତଦେହ ଆଜି ଉଦ୍ଧାର କରାଯାଇଛି। ପଦ୍ମପୁର ବ୍ଲକର ବିଚିକୋଟ ଗ୍ରାମ ନିକଟସ୍ଥ ବଂଶଧାରା ନଦୀରୁ ତାଙ୍କ ମୃତଦେହ ଠାବ ହୋଇଛି। ସୂଚନା ଅନୁଯାୟୀ, ଗତ ବୁଧବାର ଅପରାହ୍ନରେ ସନ୍ତୋଷ ମେରିଆପାଙ୍ଗା ଗ୍ରାମ ନିକଟସ୍ଥ ସାନ ନଦୀକୁ ସ୍ନାନ କରିବାକୁ ଯାଇଥିବାବେଳେ ଅସାବଧାନତାବଶତଃ ପ୍ରଖର ସ୍ରୋତରେ ଭାସି ଯାଇଥିଲେ। ଏହାପରଠାରୁ ଗୁଡାରି ଅଗ୍ନିଶମ ବାହିନୀ, ପରିବାର ବର୍ଗ ଓ ଗ୍ରାମବାସୀ ବିଭିନ୍ନ ସ୍ଥାନରେ ଖୋଜାଖୋଜି ଜାରି ରଖିଥିଲେ। ଦୀର୍ଘ ସମୟର ତଲାସୀ ପରେ ଶୁକ୍ରବାର ପୂର୍ବାହ୍ନରେ ବଂଶଧାରା ନଦୀରୁ ଗ୍ରାମବାସୀ ତାଙ୍କ ମୃତଦେହକୁ ଠାବ କରିଥିଲେ। ଖବର ପାଇ ଗୁଡାରି ଥାନା ଅଧିକାରୀ ବିଶ୍ୱବନ୍ଦିନୀ ବାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ପୁଲିସ ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ଗୁଣୁପୁର ଉପଖଣ୍ଡ ଚିକିତ୍ସାଳୟକୁ ପଠାଇବାର ବ୍ୟବସ୍ଥା କରିଛି। ସନ୍ତୋଷଙ୍କ ଅକାଳ ବିୟୋଗରେ ସମଗ୍ର ମେରିଆପାଙ୍ଗା ଗ୍ରାମରେ ଶୋକର ଛାୟା ଖେଳିଯାଇଛି |

 

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments