Skip to content
Sunday, 22 November 2026
Breaking News
Video
Crime

ଇଚ୍ଛାମୃତ୍ୟୁ ଚେତାବନୀ ଦେଇଥିବା ଗାଁରୁ ଅଭାବନୀୟ ଚିତ୍ର: ରାସ୍ତା ନାହିଁ, ପହଞ୍ଚି ପାରିଲାନି ଆମ୍ବୁଲାନ୍ସ

ଇଚ୍ଛାମୃତ୍ୟୁ ଚେତାବନୀ ଦେଇଥିବା ଗାଁରୁ ଅଭାବନୀୟ ଚିତ୍ର: ରାସ୍ତା ନାହିଁ, ପହଞ୍ଚି ପାରିଲାନି ଆମ୍ବୁଲାନ୍ସ

ଇଚ୍ଛାମୃତ୍ୟୁ ଚେତାବନୀ ଦେଇଥିବା ଗାଁରୁ ଅଭାବନୀୟ ଚିତ୍ର: ରାସ୍ତା ନାହିଁ, ପହଞ୍ଚି ପାରିଲାନି ଆମ୍ବୁଲାନ୍ସ

Key Points

  • ରାୟଗଡ଼ା: ଗାଁକୁ ରାସ୍ତା କିମ୍ବା ନଦୀ ଉପରେ ପୋଲ ନାହିଁ।
  • ଜରୁରୀ ସମୟରେ ଆମ୍ବୁଲାନ୍ସ ପହଞ୍ଚିପାରୁନି।
  • ରାସ୍ତା ପାଇଁ ନିତିଦିନ ଦୁର୍ବିଷହ ଜୀବନ ଜିଇଁବା ବଦଳରେ ଇଚ୍ଛାମୃତ୍ୟୁ ଆବେଦନ କରିବେ ବୋଲି ଚେତାବନୀ ଦେଇଥିଲେ।

ଇଚ୍ଛାମୃତ୍ୟୁ ଚେତାବନୀ ଦେଇଥିବା ଗାଁରୁ ଅଭାବନୀୟ ଚିତ୍ର: ରାସ୍ତା ନାହିଁ, ପହଞ୍ଚି ପାରିଲାନି ଆମ୍ବୁଲାନ୍ସ

 

ରାୟଗଡ଼ା: ଗାଁକୁ ରାସ୍ତା କିମ୍ବା ନଦୀ ଉପରେ ପୋଲ ନାହିଁ। ଜରୁରୀ ସମୟରେ ଆମ୍ବୁଲାନ୍ସ ପହଞ୍ଚିପାରୁନି। ରାସ୍ତା ପାଇଁ ନିତିଦିନ ଦୁର୍ବିଷହ ଜୀବନ ଜିଇଁବା ବଦଳରେ ଇଚ୍ଛାମୃତ୍ୟୁ ଆବେଦନ କରିବେ ବୋଲି ଚେତାବନୀ ଦେଇଥିଲେ। ଏବେ ସେହି ଗାଁରୁ ପୁଣି ଆସିଛି ଅଭାବନୀୟ ଚିତ୍ର। ଜଣେ ଗୁରୁତର ରୋଗୀଙ୍କୁ ଖଟିଆରେ ବିପଜ୍ଜନକ ଭାବେ ନାଗାବଳୀ ନଦୀ ପାର କରାଇଛନ୍ତି ଗ୍ରାମବାସୀ। ରାୟଗଡ଼ା ବ୍ଲକ୍‌ ପୂଜାରୀବମ୍ବୁ ଗାଁର ଏହି ଘଟଣା ଗ୍ରାମାଞ୍ଚଳରେ ଗମନାଗମନ ବ୍ୟବସ୍ଥାର ବାସ୍ତବ ଚିତ୍ରକୁ ପଦାରେ ପକାଇଛି।ପୂଜାରୀବମ୍ବୁ ଗ୍ରାମର ଯୁବକ ଚାଣ୍ଟି ପିଡ଼ିକା ପକ୍ଷାଘାତ ରୋଗରେ ପୀଡ଼ିତ ଥିଲେ। ଶୁକ୍ରବାର ସକାଳେ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ଗ୍ରାମବାସୀ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ। କିନ୍ତୁ ଗାଁକୁ ରାସ୍ତା ନଥିବାରୁ ବେହେରାଗୁଡ଼ା ଗାଁ ନିକଟ ନଦୀକୂଳରେ ଅଟକି ରହିଥିଲା ଆମ୍ବୁଲାନ୍ସ। ଫଳରେ ଗ୍ରାମବାସୀ ଖଟିଆରେ ଚାଣ୍ଟିଙ୍କୁ ବୋହି ନାଗାବଳୀ ନଦୀ ପାର କରାଇଥିଲେ। ଏହାପରେ ତାଙ୍କୁ ଆମ୍ବୁଲାନ୍ସ ଯୋଗେ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ବିଡ଼ମ୍ବନା ହେଲା, ରାୟଗଡ଼ା ଜିଲ୍ଲା ମୁଖ୍ୟାଳୟଠାରୁ ମାତ୍ର ୬ କିଲୋମିଟର ଦୂରରେ ରହିଛି ଏହି ଗାଁ।ପ୍ରାୟ ୩୦୦ ଲୋକ ବସବାସ କରୁଥିବା ପୂଜାରୀବମ୍ବୁକୁ ଆଜି ପର୍ଯ୍ୟନ୍ତ ପକ୍କା ରାସ୍ତା ନିର୍ମାଣ ହୋଇ ପାରିନାହିଁ। ବର୍ଷ ବର୍ଷ ଧରି ନାଗାବଳୀ ନଦୀ ଉପରେ ପୋଲଟିଏ ମଧ୍ୟ ହୋଇପାରିଲା ନାହିଁ। ଫଳରେ ଜରୁରୀ ସ୍ୱାସ୍ଥ୍ୟସେବାଠାରୁ ଆରମ୍ଭ କରି ଦୈନନ୍ଦିନ ଯାତାୟାତ ପର୍ଯ୍ୟନ୍ତ ସବୁ କ୍ଷେତ୍ରରେ ଗ୍ରାମବାସୀଙ୍କୁ ଦୁର୍ଦ୍ଦଶା ଭୋଗିବାକୁ ପଡ଼ୁଛି। ବାରମ୍ବାର ଦାବି ସତ୍ତ୍ୱେ ପ୍ରଶାସନ କୌଣସି ପଦକ୍ଷେପ ନ ନେବାରୁ ନିରାଶ ଗ୍ରାମବାସୀ ଶେଷରେ ଇଚ୍ଛାମୃତ୍ୟୁ ପାଇଁ ଆବେଦନ କରିଥିଲେ। ଏହାପରେ ଗତ ୧୭ ତାରିଖରେ ରାୟଗଡ଼ା ବିଡିଓ ସୁଜିତ କୁମାର ମିଶ୍ରଙ୍କ ସମେତ ଅନ୍ୟ ଅଧିକାରୀମାନେ ଗାଁରେ ପହଞ୍ଚିଥିଲେ। ରାସ୍ତା ନିର୍ମାଣ ପାଇଁ ପ୍ରଶାସନ ପ୍ରତିଶ୍ରୁତି ଦେଇଥିଲେ ମଧ୍ୟ ତାହାର ତୁରନ୍ତ କାର୍ଯ୍ୟକାରିତା ଦାବି କରିଛନ୍ତି ଗ୍ରାମବାସୀ।

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments