ତୁଳସୀ ଗଣନାଟ୍ୟର ଅପେରାବେଳେ ଦର୍ଶକଙ୍କର ଚାଲିଗଲା ଜୀବନ
କେନ୍ଦୁଝର: ମଞ୍ଚ ଉପରେ ଚାଲିଥିଲା ଅଭିନୟ, ଦମଦାର ସଂଳାପରେ ଥରୁଥିଲା ପେଣ୍ଡାଲ, ଆଉ ଏହାରି ଭିତରେ ଚାଲିଗଲା ଦର୍ଶକଙ୍କ ଜୀବନ | କେନ୍ଦୁଝରଜିଲ୍ଲା କାଳିପଡିଆଠାରେ ଅପେରା ଦେଖୁଥିବା ସମୟରେ ଚେୟାରରେ ବସିଥିବାବେଳେ ଟଳିପଡିଲେ ଦର୍ଶକ | ମୃତକ ତୁରୁମୁଙ୍ଗା ଅଞ୍ଚଳର ସର୍ବେଶ୍ୱର ସାହୁ ହୋଇଥିବାବେଳେ ଶଳା ଓ ଭିଣୋଇ ମିଶି ଅପେରା ଦେଖୁଥିବା ସମୟରେ ଚେୟାରରେ ବସିଥିବାବେଳେ ସର୍ବେଶ୍ୱର ଟଳି ପଡିଥିଲେ | ଗୁରୁତର ଅବସ୍ଥାରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆ ଯାଇଥିବାବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ | ମୃତ୍ୟୁର କାରଣ ଜଣାପଡିନଥିବାବେଳେ ହୃଦଘାତରେ ତାଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଉଛି |କେନ୍ଦୁଝର ସହର କାଳୀପୂଜା ମୀନାବଜାରରେ ତୁଳସୀ ଗଣନାଟ୍ୟ ପକ୍ଷରୁ ଅପେରା ପ୍ରଦର୍ଶନ ହେଉଥିବାବେଳେ ରାତି ପ୍ରାୟ ୨ ଘଟିକା ସମୟରେ ଅଘଟଣ ଘଟିଥିଲା। ଘଟଣା ପରେ ଅପେରାର ସାଉଣ୍ଡ କମେଇବାକୁ ପୋଲିସ ନିର୍ଦ୍ଦେଶ ଦେଇଥିବା ବେଳେ ପୂର୍ବରୁ ସାଉଣ୍ଡ ନିୟମ ଅନୁଯାୟୀ କମ ଥିଲେ ହୁଏତ ଏ ଅଘଟଣ ଘଟିନଥାନ୍ତା ବୋଲି ପରିବାର ଲୋକ ଅଭିଯୋଗ କରିଛନ୍ତି। ଏହାସହ ମୃତକଙ୍କ ୨ଟି ଛୋଟ ଛୁଆ ଥିବାରୁ ତାଙ୍କର ପରିବାରକୁ ସରକାରଙ୍କ ପକ୍ଷରୁ ସହାୟତା ପାଇଁ ପରିବାର ଲୋକ ନିବେଦନ କରିଛନ୍ତି |









Comments