Skip to content
Saturday, 21 November 2026
Breaking News
Video
Crime

ନିଶାମୁକ୍ତି ଅଭିଯାନ ନେତୃତ୍ୱ ନେଇଥିବା ଯୁବକ ମଦମୃତ୍ୟୁର ଶିକାର

ନିଶାମୁକ୍ତି ଅଭିଯାନ ନେତୃତ୍ୱ ନେଇଥିବା ଯୁବକ ମଦମୃତ୍ୟୁର ଶିକାର

ନିଶାମୁକ୍ତି ଅଭିଯାନ ନେତୃତ୍ୱ ନେଇଥିବା ଯୁବକ ମଦମୃତ୍ୟୁର ଶିକାର

Key Points

  • କାଳିଆପାଣି : ଯାଜପୁରଜିଲ୍ଲା କାଳିଆପାଣି ଥାନା ଇଲାକାରେ ଅବାଧ ଚୋରା ମଦ କାରବାରର ଭୟଙ୍କର ପରିଣତି ଦେଖା ଯାଇଛି।
  • ସବୁ ବସ୍ତି ଓ ଗାଁରେ ମଦମୃତ୍ୟୁର ସୀମା ଲଙ୍ଘିଛି।
  • ଆଜି ଏହାର ଶିକାର ହୋଇଛନ୍ତି ଗ୍ଲୋବାଲ ମଡେଲ ସ୍କୁଲର ପୂର୍ବତନ ଶିକ୍ଷକ କାଳିଆପାଣି ବିର୍ସାନଗର ବସ୍ତିର ଭଗତ ମାଝୀ(୪୬) ଘର ପାଖ ଏକ ଦୋକାନ ସମ୍ମୁଖରେ ବସିଥିଲେ।

 ନିଶାମୁକ୍ତି ଅଭିଯାନ ନେତୃତ୍ୱ ନେଇଥିବା ଯୁବକ ମଦମୃତ୍ୟୁର ଶିକାର

 

କାଳିଆପାଣି : ଯାଜପୁରଜିଲ୍ଲା କାଳିଆପାଣି ଥାନା ଇଲାକାରେ ଅବାଧ ଚୋରା ମଦ କାରବାରର ଭୟଙ୍କର ପରିଣତି ଦେଖା ଯାଇଛି। ସବୁ ବସ୍ତି ଓ ଗାଁରେ ମଦମୃତ୍ୟୁର ସୀମା ଲଙ୍ଘିଛି। ଆଜି ଏହାର ଶିକାର ହୋଇଛନ୍ତି ଗ୍ଲୋବାଲ ମଡେଲ ସ୍କୁଲର ପୂର୍ବତନ ଶିକ୍ଷକ କାଳିଆପାଣି ବିର୍ସାନଗର ବସ୍ତିର ଭଗତ ମାଝୀ(୪୬) ଘର ପାଖ ଏକ ଦୋକାନ ସମ୍ମୁଖରେ ବସିଥିଲେ। ସେଇଠି ଟଳି ପଡ଼ିଥିଲେ। ୧୦ ବର୍ଷ ପୂର୍ଵରୁ ମଦମୁକ୍ତି ଅଭିଯାନର ନେତୃତ୍ୱ ନେଉଥିବା ଭଗତ ଗାଁର ମଦ ମାଫିଆ ଓ ମଦ ବେପାରୀଙ୍କ ଜାଲରେ ଫସି ଯାଇଥିଲେ। ନିଶାଗ୍ରସ୍ତ ପାଇଁ ତାଙ୍କୁ ସ୍କୁଲ ଛାଡ଼ିବାକୁ ପଡ଼ିଥିଲା। ସେ ଶିକ୍ଷକତା ଛାଡ଼ି ଏକ କ୍ରୋମାଇଟ ଖଣିରେ ବୋଝେଇ ଶ୍ରମିକ ଭାବେ କାମ କରୁଥିଲେ। ରୋଗଗ୍ରସ୍ତ ହେବାରୁ ନିଯୁକ୍ତିଦାତା ତାଙ୍କୁ କାର୍ଯ୍ୟରୁ ଛଟେଇ କରିଥିଲେ। ବିଶୃଙ୍ଖଳିତ ଜୀବନ ପାଇଁ ଅବିବାହିତ ଥିଲେ। ଗତ କିଛି ବର୍ଷ ଧରି ରୋଜଗାର ଅଭାବ ଓ ନିଃସଙ୍ଗ ଜୀବନ ପାଇଁ ଅବସାଦଗ୍ରସ୍ତ ରହୁଥିଲେ। ୨ ବର୍ଷ ତଳେ ତାଙ୍କ ସାନଭାଇ ଜଣାଶୁଣା ଫୁଟବଲ ଖେଳାଳି ମେଘରାୟ ମାଝୀ(କିସ୍କୁ)ଙ୍କର କିଡନି ରୋଗ ଜନିତ ମୃତ୍ୟୁ ହୋଇଥିଲା। ଏହାପରେ ଭଗତ କିଡନି ରୋଗରେ ଆକ୍ରାନ୍ତ ବୋଲି ଚିହ୍ନଟ ହୋଇଥିଲେ ହେଁ ଅର୍ଥାଭାବରୁ ଚିକିତ୍ସା ପାଇଁ ଯାଉନଥିଲେ। ସରପଞ୍ଚ ବିକାଶ କୁମାର ପାତ୍ର ଆଜି ବିର୍ସାନଗର ପହଞ୍ଚି ସ୍ବର୍ଗତ ମାଝୀଙ୍କୁ ଶ୍ରଦ୍ଧା ସୁମନ ଅର୍ପଣ କରିଥିଲେ। ଭଗତଙ୍କ ପରି ବସ୍ତିର ଆହୁରି ବହୁ ଯୁବକ ମଦ ନିଶାର କୁପ୍ରଭାବରୁ କିଡନି ରୋଗ ପଡ଼ି ଅକାଳ ବାର୍ଦ୍ଧକ୍ୟର ଶିକାର ହୋଇଥିବା ବସ୍ତିର ପ୍ରଭାବିତ ମହିଳାମାନେ ସରପଞ୍ଚ ଶ୍ରୀ ପାତ୍ରଙ୍କୁ ଅଭିଯୋଗ କରିଥିଲେ। ଅବକାରୀ ବିଭାଗ ଓ ପୁଲିସ ନିଷ୍କ୍ରିୟତାରୁ ଇଲାକାରେ ମଦ ମୃତ୍ୟୁ ବିଭୀଷିକା ଚିନ୍ତା ଜନକ ବୋଲି ସରପଞ୍ଚ ଶ୍ରୀ ପାତ୍ର ମନ୍ତବ୍ୟ ରଖି ଏ କ୍ଷେତ୍ରରେ ଆରକ୍ଷୀ ଅଧୀକ୍ଷକ ଓ ଜିଲ୍ଲାପାଳଙ୍କ ହସ୍ତକ୍ଷେପ ଦାବି କରିଛନ୍ତି।

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments