Skip to content
Saturday, 21 November 2026
Breaking News
Video
Programme

 ସିଜରିଆନ୍ ପ୍ରାଥମିକତା: ଅସ୍ତ୍ରୋପଚାର ମାଧ୍ୟମରେ ଜନ୍ମ ନେଇଛନ୍ତି ୨୫.୨୧ ପ୍ରତିଶତ

 ସିଜରିଆନ୍ ପ୍ରାଥମିକତା: ଅସ୍ତ୍ରୋପଚାର ମାଧ୍ୟମରେ ଜନ୍ମ ନେଇଛନ୍ତି ୨୫.୨୧ ପ୍ରତିଶତ

 ସିଜରିଆନ୍ ପ୍ରାଥମିକତା: ଅସ୍ତ୍ରୋପଚାର ମାଧ୍ୟମରେ ଜନ୍ମ ନେଇଛନ୍ତି ୨୫.୨୧ ପ୍ରତିଶତ

Key Points

  • ରାଉରକେଲା : ଆଧୁନିକ ଚିକିତ୍ସା ପଦ୍ଧତିର ବିକାଶ ସାଙ୍ଗକୁ ସୁନ୍ଦରଗଡ଼ ଜିଲ୍ଲାରେ ପ୍ରସବ ପ୍ରକ୍ରିୟାରେ ଏକ ବଡ଼ଧରଣର ପରିବର୍ତ୍ତନ ଦେଖିବାକୁ ମିଳିଛି।
  • ସାଧାରଣ ପ୍ରସବ ପରିବର୍ତ୍ତେ ସିଜରିଆନ୍ ବା ଅସ୍ତ୍ରୋପଚାର ମାଧ୍ୟମରେ ସନ୍ତାନ ଜନ୍ମ କରିବାକୁ ଲୋକଙ୍କ ମଧ୍ୟରେ ଆଗ୍ରହ ବଢ଼ୁଛି।
  • ଗତ ୪ ବର୍ଷ, ଅର୍ଥାତ୍ ୨୦୨୨-୨୩ ଆର୍ଥିକ ବର୍ଷରୁ ୨୦୨୫-୨୬ ପର୍ଯ୍ୟନ୍ତ, ସରକାରୀ ପରିସଂଖ୍ୟାନକୁ ତର୍ଜମାକଲେ ଏହା ସ୍ପଷ୍ଟ ହୁଏ।

  ସିଜରିଆନ୍ ପ୍ରାଥମିକତା: ଅସ୍ତ୍ରୋପଚାର ମାଧ୍ୟମରେ ଜନ୍ମ ନେଇଛନ୍ତି ୨୫.୨୧ ପ୍ରତିଶତ

 

ରାଉରକେଲା : ଆଧୁନିକ ଚିକିତ୍ସା ପଦ୍ଧତିର ବିକାଶ ସାଙ୍ଗକୁ ସୁନ୍ଦରଗଡ଼ ଜିଲ୍ଲାରେ ପ୍ରସବ ପ୍ରକ୍ରିୟାରେ ଏକ ବଡ଼ଧରଣର ପରିବର୍ତ୍ତନ ଦେଖିବାକୁ ମିଳିଛି। ସାଧାରଣ ପ୍ରସବ ପରିବର୍ତ୍ତେ ସିଜରିଆନ୍ ବା ଅସ୍ତ୍ରୋପଚାର ମାଧ୍ୟମରେ ସନ୍ତାନ ଜନ୍ମ କରିବାକୁ ଲୋକଙ୍କ ମଧ୍ୟରେ ଆଗ୍ରହ ବଢ଼ୁଛି। ଗତ ୪ ବର୍ଷ, ଅର୍ଥାତ୍ ୨୦୨୨-୨୩ ଆର୍ଥିକ ବର୍ଷରୁ ୨୦୨୫-୨୬ ପର୍ଯ୍ୟନ୍ତ, ସରକାରୀ ପରିସଂଖ୍ୟାନକୁ ତର୍ଜମାକଲେ ଏହା ସ୍ପଷ୍ଟ ହୁଏ। ଗତ ୪ ବର୍ଷରେ ଜିଲ୍ଲାର ବିଭିନ୍ନ ସ୍ୱାସ୍ଥ୍ୟାନୁଷ୍ଠାନରେ ୧ ଲକ୍ଷ ୪୩ ହଜାର ୪୩୭ ଜଣ ଶିଶୁ ଜନ୍ମଗ୍ରହଣ କରିଛନ୍ତି। ଏଥିମଧ୍ୟରୁ ୧,୦୭,୨୯୦ ଜଣ ଶିଶୁ ସାଧାରଣ ଆନୁଷ୍ଠାନିକ ପ୍ରସବ ମାଧ୍ୟମରେ ଜନ୍ମ ନେଇଥିବା ବେଳେ ଅବଶିଷ୍ଟ ୩୬ ହଜାର ୧୪୭ ଜଣ ଶିଶୁ ସିଜରିଆନ୍ ପ୍ରକ୍ରିୟାରେ ଜନ୍ମ ହୋଇଛନ୍ତି। ଅର୍ଥାତ୍ ଜିଲ୍ଲାର ମୋଟ ପ୍ରସବର ଏକ ବଡ଼ ଅଂଶ ଅସ୍ତ୍ରୋପଚାର ମାଧ୍ୟମରେ ହେଉଥିବା ଜଣାପଡ଼ିଛି।ଜିଲ୍ଲାର ସରକାରୀ ଓ ଘରୋଇ ସ୍ୱାସ୍ଥ୍ୟାନୁଷ୍ଠାନଗୁଡ଼ିକର ତଥ୍ୟକୁ ପୃଥକ ଭାବେ ବିଶ୍ଳେଷଣ କଲେ ଉଭୟ କ୍ଷେତ୍ର ମଧ୍ୟରେ ଥିବା ବଡ଼ ପାର୍ଥକ୍ୟ ସାମ୍ନାକୁ ଆସିଛି। ଗତ ୪ ବର୍ଷ ମଧ୍ୟରେ ସରକାରୀ ଡାକ୍ତରଖାନା ଓ ସ୍ୱାସ୍ଥ୍ୟକେନ୍ଦ୍ରଗୁଡ଼ିକରେ ମୋଟ ୧,୦୭,୨୦୬ ଜଣ ଶିଶୁ ଜନ୍ମଗ୍ରହଣ କରିଛନ୍ତି। ସେଥିମଧ୍ୟରୁ ୮୬,୮୯୪ ଜଣଙ୍କର ସାଧାରଣ ପ୍ରସବ ହୋଇଥିବା ବେଳେ ୨୦,୩୧୨ ଜଣ ଶିଶୁଙ୍କର ସିଜରିଆନ୍ ପ୍ରସବ ହୋଇଛି। ସରକାରୀ ସ୍ୱାସ୍ଥ୍ୟାନୁଷ୍ଠାନରେ ଡାକ୍ତରମାନେ ଯଥାସମ୍ଭବ ସାଧାରଣ ପ୍ରସବ କରାଇବାକୁ ପ୍ରାଥମିକତା ଦେଉଥିବାରୁ ଏଠାରେ ସିଜରିଆନ୍ ହାର ଅପେକ୍ଷାକୃତ ନିୟନ୍ତ୍ରଣରେ ରହିଛି। ତେବେ ଘରୋଇ ଡାକ୍ତରଖାନାଗୁଡ଼ିକର ଚିତ୍ର ସମ୍ପୂର୍ଣ୍ଣ ଭିନ୍ନ ଓ ବେଶ୍ ଉଦ୍‌ବେଗଜନକ। ଗତ ୪ ବର୍ଷରେ ଜିଲ୍ଲାର ଘରୋଇ ନର୍ସିଂହୋମ୍ ଓ ହସ୍ପିଟାଲଗୁଡ଼ିକରେ ମୋଟ ୩୬,୨୩୧ ଜଣ ଶିଶୁ ଜନ୍ମ ନେଇଛନ୍ତି। ଆଶ୍ଚର୍ଯ୍ୟର ବିଷୟ ଯେ, ଏହି ସଂଖ୍ୟା ମଧ୍ୟରୁ ୨୦,୩୯୬ ଜଣଙ୍କର ସାଧାରଣ ପ୍ରସବ ହୋଇଥିବାବେଳେ ୧୫,୮୩୫ ଜଣ ଶିଶୁ ସିଜରିଆନ୍ ମାଧ୍ୟମରେ ଜନ୍ମଗ୍ରହଣ କରିଛନ୍ତି। ଅର୍ଥାତ୍ ଘରୋଇ ଡାକ୍ତରଖାନାରେ ମୋଟ ପ୍ରସବର ପ୍ରାୟ ଅଧା ଅସ୍ତ୍ରୋପଚାର ଦ୍ୱାରା କରାଯାଉଛି। ପ୍ରସବ ଯନ୍ତ୍ରଣାରୁ ମୁକ୍ତି ପାଇବା ପାଇଁ ପରିବାର ଲୋକଙ୍କ ଜିଦ୍ ହେଉ କିମ୍ବା ଶୁଭ ମୁହୂର୍ତ୍ତରେ ସନ୍ତାନ ଜନ୍ମ କରିବାର ମୋହ, ଅନାବଶ୍ୟକ ସିଜରିଆନ୍ ପ୍ରସବ ଉଭୟ ମା’ ଓ ଶିଶୁଙ୍କ ସ୍ୱାସ୍ଥ୍ୟ ଉପରେ ଦୀର୍ଘକାଳୀନ ପ୍ରଭାବ ପକାଇବାର ଆଶଙ୍କା ସର୍ବାଧିକ। ତେଣୁ ସାଧାରଣ ପ୍ରସବ ନେଇ ବ୍ୟାପକ ଜନସଚେତନତା ସୃଷ୍ଟି କରିବା ସହ ଘରୋଇ ହସ୍ପିଟାଲଗୁଡ଼ିକ ଉପରେ ସ୍ୱାସ୍ଥ୍ୟ ବିଭାଗର କଡ଼ା ନଜର ରଖିବା ଜରୁରୀ ବୋଲି ବୁଦ୍ଧିଜୀବୀ ମତବ୍ୟକ୍ତ କରିଛନ୍ତି।

 

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments