Skip to content
Saturday, 21 November 2026
Breaking News
Video
Programme

ଟ୍ରାଫିକ୍‌ ଜଗିବେ ୪୦ କିନ୍ନର: ୱାର୍ଡେନ ଭାବେ ନିଯୁକ୍ତି ପାଇବେ

ଟ୍ରାଫିକ୍‌ ଜଗିବେ ୪୦ କିନ୍ନର: ୱାର୍ଡେନ ଭାବେ ନିଯୁକ୍ତି ପାଇବେ

ଟ୍ରାଫିକ୍‌ ଜଗିବେ ୪୦ କିନ୍ନର: ୱାର୍ଡେନ ଭାବେ ନିଯୁକ୍ତି ପାଇବେ

Key Points

  • ଭୁବନେଶ୍ୱର: କିନ୍ନରମାନଙ୍କୁ ସମାଜର ମୁଖ୍ୟସ୍ରୋତରେ ସାମିଲ୍‌ ସହ ସ୍ବାବଲମ୍ବୀ କରିବାକୁ ଅଣ୍ଟା ଭିଡ଼ିଛି ବିଏମ୍‌ସି।
  • କିନ୍ନରମାନଙ୍କୁ ଟ୍ରାଫିକ୍‌ ୱାର୍ଡେନ୍‌ ଭାବେ ନିଯୁକ୍ତି ଦେବାକୁ ଯାଉଛି।
  • ଅନ୍ୟମାନଙ୍କ ଭଳି ଏମାନେ ଭୁବନେଶ୍ବରର ବିଭିନ୍ନ ଟ୍ରାଫିକ୍‌ ପୋଷ୍ଟରେ ଜଗିବେ ଓ ଭିଡ଼ ନିୟନ୍ତ୍ରଣ କରିବେ।

 ଟ୍ରାଫିକ୍‌ ଜଗିବେ ୪୦ କିନ୍ନର: ୱାର୍ଡେନ ଭାବେ ନିଯୁକ୍ତି ପାଇବେ

 

ଭୁବନେଶ୍ୱର: କିନ୍ନରମାନଙ୍କୁ ସମାଜର ମୁଖ୍ୟସ୍ରୋତରେ ସାମିଲ୍‌ ସହ ସ୍ବାବଲମ୍ବୀ କରିବାକୁ ଅଣ୍ଟା ଭିଡ଼ିଛି ବିଏମ୍‌ସି। କିନ୍ନରମାନଙ୍କୁ ଟ୍ରାଫିକ୍‌ ୱାର୍ଡେନ୍‌ ଭାବେ ନିଯୁକ୍ତି ଦେବାକୁ ଯାଉଛି। ଅନ୍ୟମାନଙ୍କ ଭଳି ଏମାନେ ଭୁବନେଶ୍ବରର ବିଭିନ୍ନ ଟ୍ରାଫିକ୍‌ ପୋଷ୍ଟରେ ଜଗିବେ ଓ ଭିଡ଼ ନିୟନ୍ତ୍ରଣ କରିବେ। ଏନେଇ ବିଏମ୍‌ସି ମୁଖ୍ୟାଳୟରେ କମିସନର ଚଞ୍ଚଳ ରାଣାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଚ୍ଚସ୍ତରୀୟ ବୈଠକରେ ଟ୍ରାଫିକ୍‌ ଆଡିସନାଲ୍‌ ଡିସିପି, ବିଏମ୍‌ସିର ଅତିରିକ୍ତ କମିସନର, ଡେପୁଟି କମିସନର(ପାର୍କିଂ), ଡେପୁଟି କମିସନର(ୱେଲ୍‌ଫେୟାର), ଡେପୁଟି କମିସନର(ଏଷ୍ଟାବ୍ଲିସମେଣ୍ଟ), ଏସ୍‌ଏସ୍‌ଇପିଡି ବିଭାଗ ଅଧୀନ ଟ୍ରାନ୍ସଜେଣ୍ଡର ୱେଲ୍‌ଫେୟାର ବୋର୍ଡ ସଦସ୍ୟ, ନଗର ଉନ୍ନୟନ ବିଭାଗ ଟ୍ରାନ୍ସଜେଣ୍ଡର ସେଲ୍‌ର କନ୍‌ସଲ୍‌ଟାଣ୍ଟମାନେ ଉପସ୍ଥିତ ଥିଲେ। ନିଯୁକ୍ତି ପୂର୍ବ ଓ ପରର ସୁବିଧା ଅସୁବିଧା ସହ ବ୍ୟବସ୍ଥା ସଂପର୍କରେ ବୈଠକରେ ବିସ୍ତୃତ ଆଲୋଚନା କରାଯାଇଛି।ପ୍ରଥମ ପର୍ଯ୍ୟାୟରେ ବଛା ବଛା ୪୦ଜଣ କିନ୍ନରଙ୍କୁ ବିଭିନ୍ନ ଟ୍ରାଫିକ୍‌ ପୋଷ୍ଟରେ ୱାର୍ଡେନ୍‌ ଭାବେ ନିଯୁକ୍ତି ଦିଆଯିବ। କାର୍ଯ୍ୟ ଦେଖି ଅଧିକ କିନ୍ନରଙ୍କୁ ନିଯୁକ୍ତି ଦିଆଯିବ। କୁଶଳୀ ଶ୍ରମିକ ଭାବେ ଦୈନିକ ୫୭୮ ଟଙ୍କା ହିସାବରେ ମାସିକ ଏମାନେ ୧୫,୦୨୮ ଟଙ୍କା ଦରମା ପାଇବେ। ୱାର୍ଡେନ୍‌ ନିଯୁକ୍ତି ପାଇଥିବା କିନ୍ନରଙ୍କ ପାଇଁ ମାଗଣା ରହିବା ବ୍ୟବସ୍ଥା କରାଯିବ। ଏଥିପାଇଁ ପୁରୀ ବାଇପାସ୍‌ ରୋଡ୍‌ ମେହେରପଲ୍ଲୀଠାରେ ଟ୍ରାନ୍ସଜେଣ୍ଡର ହଷ୍ଟେଲ୍‌ କରାଯାଇଛି। ୪ ମହଲା (ଜି+୩) ବିଶିଷ୍ଟ ଏହି ହଷ୍ଟେଲ୍‌ର ପ୍ରଥମ ତିନି ମହଲାରେ ରହିବା ବ୍ୟବସ୍ଥା ଓ ତଳ ମହଲାରେ ଖାଇବା ପାଇଁ ବଡ଼ ଡାଇନିଂ ହଲ୍‌ କରାଯାଇଛି। ପ୍ରତି କକ୍ଷ ପାଇଁ ସ୍ବତନ୍ତ୍ର ଶୌଚାଳୟ ରହିଛି। ଟିଜି ହଷ୍ଟେଲ୍‌ରୁ ଡ୍ୟୁଟିକୁ ଯା’ଆସ ପାଇଁ ସ୍ବତନ୍ତ୍ର ଗାଡ଼ିର ବ୍ୟବସ୍ଥା ବି ବିଏମ୍‌ସି କରିବ। ନିଯୁକ୍ତି ପୂର୍ବରୁ କିନ୍ନରମାନେ ମାସେ କମିସନରେଟ୍‌ ପୁଲିସ ଅଧୀନରେ ପ୍ରଶିକ୍ଷଣ ନେବେ। ବିଏମ୍‌ସି ଜରିଆରେ କିନ୍ନରଙ୍କୁ ୱାର୍ଡେନ୍‌ ନିଯୁକ୍ତି ଦିଆଯିବ। ଗୃହ ବିଭାଗ ନିଯୁକ୍ତ କିନ୍ନରଙ୍କ ଦରମା ମହାନଗର ନିଗମକୁ ଦେବ ଓ ମହାନଗର ନିଗମ କର୍ତ୍ତୃପକ୍ଷ ଏହି ଦରମା ‌କିନ୍ନରଙ୍କୁ ଦେବେ।ଆଜିର ବୈଠକରେ ଟ୍ରାନ୍ସଜେଣ୍ଡର ୱେଲ୍‌ଫେୟାର ବୋର୍ଡର ମେଘନା ସାହୁ, ମୀରା ପରିଡ଼ା ପ୍ରମୁଖ ଅଧିକ କିନ୍ନରଙ୍କୁ ୱାର୍ଡେନ୍‌ ନିଯୁକ୍ତି ଦେବାକୁ ମତ ଦେଇଥିଲେ। ୪୦ଜଣଙ୍କ କାର୍ଯ୍ୟ ଦେଖି ଅଧିକ ନିଯୁକ୍ତି ବିଷୟରେ ବିଚାର କରାଯିବ ବୋଲି କମିସନର୍‌ କହିଛନ୍ତି। ଏହି ୪୦ଜଣଙ୍କ ତାଲିକା ଦେବାକୁ ଟ୍ରାନ୍ସଜେଣ୍ଡର ୱେଲ୍‌ଫେୟାର ବୋର୍ଡ ସଦସ୍ୟଙ୍କୁ କୁହାଯାଇଛି। ଟ୍ରାଫିକ୍‌ ଅତିରିକ୍ତ ଡିସିପି ୱାର୍ଡେନ୍‌ ଭାବେ କାମ କରିବାକୁ କ’ଣ ସବୁ ସର୍ତ୍ତାବଳି ରହିଛି, ସେ ସଂପର୍କରେ ଅବଗତ କରାଇଥିଲେ। ବୈଠକରେ ଟ୍ରାନ୍ସଜେଣ୍ଡର ୱେଲ୍‌ଫେୟାର ବୋର୍ଡ ପୂର୍ବତନ ସଭାପତି ପ୍ରତାପ କୁମାର ସାହୁ ଏଭଳି ପଦକ୍ଷେପ ପାଇଁ ବିଏମ୍‌ସି କମିସନର ଓ କମିସନରେଟ୍‌ ପୁଲିସ ଡିସିପିଙ୍କୁ କୃତଜ୍ଞତା ଜଣାଇବା ସହ କେବଳ ମାଗଣା ରହିବା ନୁହେଁ, ମାଗଣା ଖାଇବା ବ୍ୟବସ୍ଥା କରିବାକୁ ନିବେଦନ କରିଥିଲେ। ଅନ୍ୟ କ୍ଷେତ୍ରରେ କିନ୍ନରଙ୍କୁ ନିଯୁକ୍ତିର ଯେଉଁ ପ୍ରତିଶ୍ରୁତି ମିଳିଥିଲା, ତାକୁ କାର୍ଯ୍ୟକାରୀ କରିବାକୁ ମତ ଦେଇଥିଲେ। ଭିକ୍ଷାବୃତ୍ତି ଭଳି ପ୍ରଥାକୁ ବନ୍ଦ କରି କିନ୍ନରଙ୍କୁ ସ୍ବାବଲମ୍ବୀ କରିବାର ଏଭଳି ପଦକ୍ଷେପର ପ୍ରମୁଖ ଲକ୍ଷ୍ୟ ବୋଲି ଡେପୁଟି କମିସନର୍‌ ପ୍ରିୟଙ୍କା ମଲ୍ଲିକ କହିଛନ୍ତି।

 

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments