Skip to content
Saturday, 21 November 2026
Breaking News
Video
Programme

  ‘ଦ୍ୱାରିକା ସିଟି’ର ଦୁଇ ନିର୍ଦ୍ଦେଶକ ଗିରଫ: ଜମିକୁ ରାସ୍ତା ଦେବାକୁ କହି ଲକ୍ଷାଧିକ ଟଙ୍କା ଚଳୁ

  ‘ଦ୍ୱାରିକା ସିଟି’ର ଦୁଇ ନିର୍ଦ୍ଦେଶକ ଗିରଫ: ଜମିକୁ ରାସ୍ତା ଦେବାକୁ କହି ଲକ୍ଷାଧିକ ଟଙ୍କା ଚଳୁ

  ‘ଦ୍ୱାରିକା ସିଟି’ର ଦୁଇ ନିର୍ଦ୍ଦେଶକ ଗିରଫ: ଜମିକୁ ରାସ୍ତା ଦେବାକୁ କହି ଲକ୍ଷାଧିକ ଟଙ୍କା ଚଳୁ

Key Points

  • ଭୁବନେଶ୍ବର: ପ୍ଲଟିଂ ସ୍କିମ୍‌ରେ ଲୋକଙ୍କ ଜମିକୁ ରାସ୍ତା ଯୋଗାଇ ଦେବାକୁ କହି ଲକ୍ଷାଧିକ ଟଙ୍କା ଠକେଇ କରିବା ଅଭିଯୋଗରେ ନୂଆପଲ୍ଲୀ ଥାନା ପୁଲିସ ରିଅଲ୍ ଇଷ୍ଟେଟ୍ ସଂସ୍ଥା ଦ୍ବାରିକା କ୍ରିଏସନ୍‌ର ୨ଜଣ ପରିଚାଳନା ନିର୍ଦ୍ଦେଶକଙ୍କୁ…
  • ସେମାନେ ହେଲେ, ମଞ୍ଚେଶ୍ବର ଭୋଟପଡ଼ାର ଦିବ୍ୟରଂଜନ ରାଉତ ଓ ଶୈଳଶ୍ରୀବିହାରର ରାଜୀବ କୁମାର ଦାଶ।
  • ପୁଲିସ ଉଭୟଙ୍କଠାରୁ ଜମି ବିକ୍ରୟର ଦଳିଲ ଓ ଚୁକ୍ତିପତ୍ର ଜବତ କରିଛି।

  ‘ଦ୍ୱାରିକା ସିଟି’ର ଦୁଇ ନିର୍ଦ୍ଦେଶକ ଗିରଫ: ଜମିକୁ ରାସ୍ତା ଦେବାକୁ କହି ଲକ୍ଷାଧିକ ଟଙ୍କା ଚଳୁ

 

ଭୁବନେଶ୍ବର: ପ୍ଲଟିଂ ସ୍କିମ୍‌ରେ ଲୋକଙ୍କ ଜମିକୁ ରାସ୍ତା ଯୋଗାଇ ଦେବାକୁ କହି ଲକ୍ଷାଧିକ ଟଙ୍କା ଠକେଇ କରିବା ଅଭିଯୋଗରେ ନୂଆପଲ୍ଲୀ ଥାନା ପୁଲିସ ରିଅଲ୍ ଇଷ୍ଟେଟ୍ ସଂସ୍ଥା ଦ୍ବାରିକା କ୍ରିଏସନ୍‌ର ୨ଜଣ ପରିଚାଳନା ନିର୍ଦ୍ଦେଶକଙ୍କୁ ଗିରଫ କରିଛି। ସେମାନେ ହେଲେ, ମଞ୍ଚେଶ୍ବର ଭୋଟପଡ଼ାର ଦିବ୍ୟରଂଜନ ରାଉତ ଓ ଶୈଳଶ୍ରୀବିହାରର ରାଜୀବ କୁମାର ଦାଶ। ପୁଲିସ ଉଭୟଙ୍କଠାରୁ ଜମି ବିକ୍ରୟର ଦଳିଲ ଓ ଚୁକ୍ତିପତ୍ର ଜବତ କରିଛି। ପ୍ରାୟ ୫୦ରୁ ୬୦ଜଣ ଜମି ମାଲିକଙ୍କୁ ଲକ୍ଷ ଲକ୍ଷ ଟଙ୍କା ଠକେଇ କରିଥିବା ନୂଆପଲ୍ଲୀ ଥାନା ପୁଲିସ ତଦନ୍ତରୁ ଜାଣିବାକୁ ପାଇଛି।ପୁଲିସ ସୂତ୍ରରୁ ମିଳିଥିବା ସୂଚନା ଅନୁସାରେ, ପ୍ରଦୀପ୍ତ କୁମାର ଶତପଥୀ ୨୦୧୯ ନଭେମ୍ବରରେ ମଞ୍ଚେଶ୍ୱର ଥାନା ଅନ୍ତର୍ଗତ ଟାଙ୍ଗିବନ୍ତ ମୌଜାରେ ଥିବା ୩୭୩/୨୩୧୩ ନମ୍ବର ପ୍ଲଟ୍‌କୁ ଦ୍ୱାରିକା କ୍ରିଏସନ୍‌ର ‘ଦ୍ୱାରିକା ସିଟି’ ପ୍ରକଳ୍ପରେ କିଣିଥିଲେ। ୧୫୦୦ ବର୍ଗଫୁଟ୍‌ର ଏହି ପ୍ଲଟ୍‌ ପାଇଁ ୬ ଲକ୍ଷ ୭୫ ହଜାର ଟଙ୍କା ଧାର୍ଯ୍ୟ ହୋଇଥିଲା। ଚୁକ୍ତି ଅନୁସାରେ, ଶ୍ରୀ ଶତପଥୀ ୪ ଲକ୍ଷ ୨୦ ହଜାର ଟଙ୍କା ଅଗ୍ରିମ ଦେଇଥିଲେ ଏବଂ ପରବର୍ତ୍ତୀ ସମୟରେ ମାସିକ କିସ୍ତି ଆକାରରେ ଟଙ୍କା ପୈଠ କରିଥିଲେ। ସେହିଭଳି ବିଲ୍ଡର ସଂସ୍ଥା ମଧ୍ୟ ଚୁକ୍ତି ଅନୁସାରେ, ପ୍ଲଟ୍‌କୁ ଯିବା ପାଇଁ ସାଧାରଣ ରାସ୍ତା ଏବଂ ଅନ୍ୟାନ୍ୟ ଭିତ୍ତିଭୂମି ସୁବିଧା ଯୋଗାଇବ ବୋଲି ଚୁକ୍ତି ହୋଇଥିଲା। ଏଥିପାଇଁ ଗ୍ରାହକଙ୍କୁ ପ୍ରକଳ୍ପର ରାସ୍ତା ଦର୍ଶାଉଥିବା ମ୍ୟାପ୍‌ ମଧ୍ୟ ଦିଆଯାଇଥିଲା। ମାତ୍ର ବାରମ୍ବାର କହିବା ସତ୍ତ୍ବେ ଦ୍ବାରିକା ସିଟି ପକ୍ଷରୁ ନିର୍ଦ୍ଧାରିତ ରାସ୍ତା ଯୋଗାଇ ଦିଆଯାଇନଥିଲା।ଏନେଇ କମ୍ପାନିର ନିର୍ଦ୍ଦେଶକ ରାଜୀବଙ୍କୁ ପଚାରିବାରୁ ସେ ଅସଦାଚରଣ କରିବା ସହ ପୁଲିସର ଦ୍ୱାରସ୍ଥ ହେଲେ ମଧ୍ୟ ରାସ୍ତା ମିଳିବ ନାହିଁ ବୋଲି ଧମକ ଦେଇଥିଲେ। ପରେ ପୁଲିସ ତଦନ୍ତରୁ ଜାଣିବାକୁ ପାଇଛି ଯେ ୨୦୧୦ରେ ରାଜୀବ ଓ ଦିବ୍ୟରଞ୍ଜନ ମିଳିତ ଭାବେ ଏହି ସଂସ୍ଥା ଗଠନ କରି ‘ଦ୍ୱାରିକା ସିଟି’ ନାମରେ ପ୍ଲଟିଂ ସ୍କିମ୍‌ ଆରମ୍ଭ କରିଥିଲେ। ଏଥିପାଇଁ ଟାଙ୍ଗିବନ୍ତ ଓ ଓସ୍ତପଡ଼ା ଅଞ୍ଚଳରେ ଜମି ସଂଗ୍ରହ କରି ପ୍ଲଟିଂ କରି ବିକ୍ରି କରାଯାଇଥିଲା। ପ୍ରାୟ ୫୦ରୁ ୬୦ ଜଣ ଗ୍ରାହକ ଏହି ଯୋଜନାରେ ପ୍ଲଟ୍‌ କିଣିଥିବା ବେଳେ ସେମାନଙ୍କୁ ରାସ୍ତା, ବୃକ୍ଷରୋପଣ ଓ ଅନ୍ୟାନ୍ୟ ମୌଳିକ ଭିତ୍ତିଭୂମି ସୁବିଧା ଯୋଗାଇବାର ପ୍ରତିଶ୍ରୁତି ଦିଆଯାଇଥିଲା। କିନ୍ତୁ ଟଙ୍କା ଆଦାୟ ପରେ ଚୁକ୍ତି ଅନୁଯାୟୀ ସୁବିଧା ଯୋଗାଇ ଦିଆଯାଇନଥିଲା କି ପ୍ଲଟ୍‌କୁ ଯିବା ପାଇଁ ଅଭିଯୋଗକାରୀଙ୍କୁ ରାସ୍ତା ମଧ୍ୟ ଦିଆଯାଇନଥିଲା। ତେଣୁ ବାଧ୍ୟ ହୋଇ ଏନେଇ ସେମାନେ ନୂଆପଲ୍ଲୀ ଥାନାରେ ଅଭିଯୋଗ କରିଥିଲେ।

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments