Skip to content
Saturday, 21 November 2026
Breaking News
Video
Programme

୩ଟି ରୁଟ୍‌ରେ ଗଡ଼ୁଛି ଇ-ରାଇଡ୍‌: ୫୦ରୁ ୪୩ ଗାଡ଼ି ଖରାପ

୩ଟି ରୁଟ୍‌ରେ ଗଡ଼ୁଛି ଇ-ରାଇଡ୍‌: ୫୦ରୁ ୪୩ ଗାଡ଼ି ଖରାପ

୩ଟି ରୁଟ୍‌ରେ ଗଡ଼ୁଛି ଇ-ରାଇଡ୍‌: ୫୦ରୁ ୪୩ ଗାଡ଼ି ଖରାପ

Key Points

  • ଭୁବନେଶ୍ୱର: ରାଜଧାନୀ ସମେତ ରାଜ୍ୟର ବିଭିନ୍ନ ଅଞ୍ଚଳରେ ସ୍ମାର୍ଟ ପରିବହନ ବ୍ୟବସ୍ଥା କରିବା ପାଇଁ ପ୍ରଶାସନ ସ୍ୱପ୍ନ ଦେଖାଉଛି।
  • ଏଥିପାଇଁ ବର୍ଷକୁ ବର୍ଷ ବିଭିନ୍ନ ଜିଲ୍ଲାରେ ‘ଆମ ବସ୍‌’ ସେବାର ସମ୍ପ୍ରସାରଣ ସହ ବସ୍‌ ସଂଖ୍ୟା ମଧ୍ୟ ବୃଦ୍ଧି ପାଉଛି।
  • ଏହା ସହ ଯାତ୍ରୀଙ୍କ ସୁବିଧା ପାଇଁ ଇ-ରାଇଡ୍‌ ଭଳି ବିକଳ୍ପ ପରିବହନ ବ୍ୟବସ୍ଥା ଆରମ୍ଭ ହୋଇଛି।

୩ଟି ରୁଟ୍‌ରେ ଗଡ଼ୁଛି ଇ-ରାଇଡ୍‌: ୫୦ରୁ ୪୩ ଗାଡ଼ି ଖରାପ

 

ଭୁବନେଶ୍ୱର: ରାଜଧାନୀ ସମେତ ରାଜ୍ୟର ବିଭିନ୍ନ ଅଞ୍ଚଳରେ ସ୍ମାର୍ଟ ପରିବହନ ବ୍ୟବସ୍ଥା କରିବା ପାଇଁ  ପ୍ରଶାସନ ସ୍ୱପ୍ନ ଦେଖାଉଛି। ଏଥିପାଇଁ ବର୍ଷକୁ ବର୍ଷ ବିଭିନ୍ନ ଜିଲ୍ଲାରେ ‘ଆମ ବସ୍‌’ ସେବାର ସମ୍ପ୍ରସାରଣ ସହ ବସ୍‌ ସଂଖ୍ୟା ମଧ୍ୟ ବୃଦ୍ଧି ପାଉଛି। ଏହା ସହ ଯାତ୍ରୀଙ୍କ ସୁବିଧା ପାଇଁ ଇ-ରାଇଡ୍‌ ଭଳି ବିକଳ୍ପ ପରିବହନ ବ୍ୟବସ୍ଥା ଆରମ୍ଭ ହୋଇଛି। ମାତ୍ର ଏହାର ସୁଫଳ ସବୁ ଅଞ୍ଚଳରେ ପହଞ୍ଚି ପାରିନାହିଁ। ଲୋକଙ୍କ ଚାହିଦା ବଢ଼ୁଥିବା ସତ୍ତ୍ୱେ ପ୍ରଶାସନ ଗତ ସାଢ଼େ ତିନି ବର୍ଷ ମଧ୍ୟରେ ମାତ୍ର ୧୩ଟି ରୁଟ୍‌ରେ ଇ-ରାଇଡ୍‌ ସେବା ଆରମ୍ଭ କରିପାରିଛି। ଏଥିପାଇଁ ୫୦ଟି ଅଟୋ କିଣାଯାଇଥିଲା। ସେଥିମଧ୍ୟରୁ ୪୩ଟି ଅଟୋ ଅଚଳଯୋଗୁ ଗତ ତିନି ମାସ ହେବ ଏହି ସେବା ମାତ୍ର ୩ଟି ରୁଟ୍‌ରେ ସୀମିତ ରହିଛି। ବର୍ତ୍ତମାନ ସହରର କିଟ୍‌ କ୍ୟାମ୍ପସ-ପ୍ରଶାନ୍ତିବିହାର, କିଟ୍‌ ଛକ- ପଟିଆ ଷ୍ଟେସନ, ଶିଖରଚଣ୍ଡୀ-ଇନଫୋସିସ୍‌ ଯାଏ ଏହା ଚାଲୁଛି। ବାକି ୧୦ରୁଟ୍‌ ଯଥା ଆଇଟିଇଆର୍‌, ଆଇଗିଣିଆ, ଉଦୟଗିରିବିହାର, ଏମ୍‌ସ୍‌, ଆଲୁଗଦି, କେ୯, ଡିଏନ୍‌ ସ୍କୋୟାର, କଳିଙ୍ଗନଗର, ସମ୍‌ ହସ୍ପିଟାଲ ଆଦି ରୁଟ୍‌ରେ ଏହି ସେବା ବନ୍ଦ ଥିବାରୁ  ବହୁ ଯାତ୍ରୀ ହଇରାଣରେ ପଡ଼ୁଛନ୍ତି। ଘରୋଇ ଅଟୋ କିମ୍ୱା ଟ୍ୟାକ୍ସିରେ  ଅଧିକ ପଇସା ଖର୍ଚ୍ଚ କରି ମୁଖ୍ୟରାସ୍ତାକୁ ଆସୁଛନ୍ତି। ଇ-ଅଟୋରେ ଯେଉଁଠି ୧୦ ଟଙ୍କା ପଡ଼ୁଛି, ସେଠି ଘରୋଇ ଅଟୋ ୩୦ ଟଙ୍କା ଦାବି କରୁଛନ୍ତି ବୋଲି ଅଭିଯୋଗ ହେଉଛି। ଗୋଟେ ପଟେ କ୍ରୁଟ୍‌ ପକ୍ଷରୁ ଇ-ରାଇଡ୍‌ ସଂଖ୍ୟା ବଢ଼ାଇବାକୁ ଯୋଜନା ହେଉଥିଲେ ମଧ୍ୟ ବର୍ତ୍ତମାନ ସୁଦ୍ଧା ଏହି ସେବା ୫୦ଟି ଗାଡି ସୀମିତ ହୋଇରହିଛି। ସେଥିରୁ ୪୩ଟି ମରାମତି ଚାଲିଛି।ବର୍ତ୍ତମାନ ଏହି ୩ଟି ରୁଟ୍‌ରେ ହିଁ ମହିଳାମାନେ ବଦଳି ହୋଇ ଗାଡ଼ି ଚଳାଉଛନ୍ତି। ସେହିପରି ସାଢ଼େ ତିନି ବର୍ଷରେ ରୁଟ୍‌ ସଂଖ୍ୟା ମାତ୍ର ୧୩ରେ ସୀମିତ ହୋଇରହିଛି। ‘ଆମ ବସ୍‌’ ଷ୍ଟପ୍‌ଠାରୁ ଦୂରରେ ଥିବା ବହୁ ଅଞ୍ଚଳ ଯେପରିକି ଆଇଆର୍‌ସି ଭିଲେଜ୍‌, ନୂଆପଲ୍ଲୀ, ଜଗନ୍ନାଥନଗର, ମହାଦେବନଗର, ଜିଜିପି କଲୋନି, ପାଣ୍ଡରା ପରି ଅଞ୍ଚଳର ଯାତ୍ରୀମାନଙ୍କୁ ବସ୍‌ ଷ୍ଟପ୍‌ ନିକଟରେ ପହଞ୍ଚିବା ପାଇଁ ଘରୋଇ ଅଟୋ ଅଥବା ଅନ୍‌ଲାଇନ ବୁକିଂ ଉପରେ ନିର୍ଭର କରିବାକୁ ପଡ଼ୁଛି। ମାସକ ମଧ୍ୟରେ ଇ-ରାଇଡ୍‌ କାର୍ଯ୍ୟକ୍ଷମ ହେବ ବୋଲି କ୍ରୁଟ୍‌ ପକ୍ଷରୁ ସୂଚନା ମିଳିଛି। ବର୍ତ୍ତମାନ ମହିଳା ଡ୍ରାଇଭରମାନେ ବସ୍‌ ଚଲାଇବା ପାଇଁ ପ୍ରଶିକ୍ଷଣ ନେଉଛନ୍ତି। ସେମାନଙ୍କ ମଧ୍ୟରୁ ୫ଜଣକୁ ପ୍ରଶିକ୍ଷଣ ପାଇଁ ନିଆଳି ମଧ୍ୟ ପଠାଯାଇଛି। ତେବେ ରୁଟ୍‌ ସଂଖ୍ୟା ବଢ଼ିବା ନେଇ କ୍ରୁଟ୍‌ର ମ୍ୟାନେଜର (ଅପରେସନ୍‌) ଜୟନ୍ତ କୁମାର କହିଛନ୍ତି ଯେ ଇ-ରାଇଡ୍‌ ସେକ୍ରେଟାରିଏଟ୍ , ଆଇଆର୍‌ସି ଭିଲେଜ୍‌ ଆଦି ଅଞ୍ଚଳରେ ଚଲେଇବାକୁ ଯୋଜନା ରହିଛି। ଏନେଇ ଆଲୋଚନା ମଧ୍ୟ ଚାଲିଲାଣି।

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments