ନାବାଳକ ସୁନା ଲୁଟେରାକୁ କାବୁ କରି ପୁଲିସରେ ଜିମା ଦେଲେ, ଅନ୍ୟ ୨ ଖସି ପଳାଇଲେ
ବାଲିଅନ୍ତା : ଭୁବନେଶ୍ବର ଉପକଣ୍ଠ ବାକକାଟି ଫାଣ୍ଡି ଅଧୀନ ଶିଶିଲୋ ବଜାରରେ ରବିନାଥ ସାଠୁଆଙ୍କ ଗହଣା ଦୋକାନ ପଛପଟ କାନ୍ଥ ତାଡୁଥିବା ସମୟରେ ଶିଶିଲୋ ବ୍ୟବସାୟୀ କମିଟି ଜଣେ ଲୁଟେରାକୁ କାବୁ କରି ପୁଲିସ ଜିମା ଦେଇଛନ୍ତିl ବାଲିଅନ୍ତା ଥାନା ପୁଲିସ ୧୬ ବର୍ଷୀୟ ଏହି ନାବାଳକକୁ ଥାନାରେ ଅଟକ ରଖି ସମ୍ପୃକ୍ତ ଅନ୍ୟ ୨ ଯୁବକକୁ ଧରିବା ପାଇଁ ଚେଷ୍ଟା କରୁଛିl ତେବେ ଘଟଣାସ୍ଥଳରୁ ଅନ୍ୟ ୨ ଦୁର୍ବୁତ୍ତ ଧାନ ବିଲରେ ପଶି ଦୌଡି ପଳାଇଥିଲେl ବ୍ୟବସାୟୀ କମିଟି ସଦସ୍ୟ ଘଟଣାସ୍ଥଳରେ ପହଞ୍ଚି ଯିବାରୁ ସୁନା ଦୋକାନ ଲୁଟ ଉଦ୍ୟମ ବିଫଳ ହୋଇଯାଇଥିଲାl ରବିନାଥ ସାଠୁଆ ଏନେଇ ବାଲିଅନ୍ତା ଥାନାରେ ଅଭିଯୋଗ କରିଛନ୍ତି l ଅଭିଯୋଗ ପାଇ ବାଲିଅନ୍ତା ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲାl ସୂଚନା ଅନୁସାରେ ସବୁଦିନ ଭଳି ଗତକାଲି ରାତି ୯ ଟା ବେଳେ ଦୋକାନ ବନ୍ଦ କରି ରବି ନାଥ ଘରକୁ ପଳାଇ ଥିଲେl ହେଲେ ରାତି ୨ଟା ପାଖାପାଖି ୩ ଜଣ ଯୁବକ ରବିନାଥଙ୍କ କାନ୍ଥ ୨ ଫୁଟ ଚଉଡାରେ କଟର ମେସିନ ସାହାଯ୍ୟରେ ତାଡି ଭିତରକୁ ପଶିବା ବେଳେ ରବି ନାଥ ଦୋକାନରେ ଲଗାଇଥିବା ସିସି କ୍ୟାମେରା ଯୋଗେ ଫୋନରେ ଜାଣି ପାରିଥିଲେl ରବି ନାଥ ଏସମ୍ପର୍କରେ ତୁରନ୍ତ ବ୍ୟବସାୟୀ କମିଟିକୁ ଫୋନ କରି ଜଣାଇଥିଲେl ବ୍ୟବସାୟୀମାନେ ପହଞ୍ଚି ଘେରି ଯାଇ ଜଣକୁ କାବୁ କରି ନେଇଥିବା ବେଳେ ଅନ୍ୟ ୨ ଜଣ ଖସି ପଳାଇ ଥିଲେl ସୂଚନାଯୋଗ୍ୟ ରବିନାଥଙ୍କ ପୂର୍ବରୁ ଅନୁରୂପ ଭାବେ ଦୋକାନ କାନ୍ଥ ତାଡି ଲକ୍ଷ ଲକ୍ଷ ଟଙ୍କାର ସୁନାରୂପା ଗହଣା ଲୁଟି ନେଇଥିଲେl ପୁଲିସ ପାଟ୍ରୋଲିଂ ଢିଲା ଯୋଗୁ ଶିଶିଲୋ ବଜାରରୁ ବାରମ୍ବାର ଲୁଟ ହେଉଥିବା ବ୍ୟବସାୟୀ କମିଟି ଅଭିଯୋଗ କରିଛିl









Comments