ଟ୍ରକ୍ ଓ ବାଇକ୍ ମୁହାଁମୁହିଁ ଧକ୍କା, ବାଇକ୍ ଚାଳକଙ୍କ ମୃତ୍ୟୁ
ରାଇରଙ୍ଗପୁର/ଗମ୍ଭାରିଆ: ରାଞ୍ଚି- ବିଜୟୱାଡା ୨୨୦ ନଂ ଜାତୀୟ ରାଜପଥରେ ଟ୍ରକ୍ ଓ ବାଇକ୍ ମଧ୍ୟରେ ଧକ୍କା ଘଟି ବାଇକ୍ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ସୂଚନା ଅନୁଯାୟୀ ରାଇରଙ୍ଗପୁର ପୁଲିସ ଜିଲ୍ଲାର ୨୨୦ ନଂ ଜାତୀୟ ରାଜପଥର ବହଳଦା ଥାନା ଅନ୍ତର୍ଗତ କାଦୁଆଣୀ ନିକଟରେ ଏକ ଟ୍ରକ୍ (ଓଡ଼ି -୦୯- ଏଏ- ୭୨୧୧) ପୋଡଶୀ ଝାଡଖଣ୍ଡ ରାଜ୍ୟକୁ ଲୁହା ପଥର ନେଇ ଫେରିବା ସମୟରେ ବାଇକ୍ (ଓଡ଼ି ୧୧ -ଏଏଚ -୬୭୧୬) ସହିତ ମୁହାମୁହିଁ ଧକ୍କା ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ବାଇକ୍ ଆରୋହୀଙ୍କ ପକେଟରେ ଥିବା ମୋବାଇଲ ମଧ୍ୟ ଜଳିଯାଇଥିଲା । ବାଇକ୍ ଚାଳକ ଜଣକ ଅନେକ ଦୂର ଛିଟିକି ପଡ଼ିଥିଲେ। ମୁଣ୍ଡରେ ଗଭୀର ଆଘାତ ଲାଗି ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ମୃତକ ଜଣକ ହେଉଛନ୍ତି ଖୁଣ୍ଟା ଥାନା ଅନ୍ତର୍ଗତ ଅଙ୍ଗାରକୁଣ୍ଡିଆ ଗ୍ରାମର ସିନିଗୋ ଟୁଡୁଙ୍କ ପୁଅ ଦୁଲାରାମ ଟୁଡୁ (୨୭) ବୋଲି ଜଣାପଡ଼ିଛି । ବହଳଦା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରି ବ୍ୟବଛେଦ ପାଇଁ ରାଇରଙ୍ଗପୁରକୁ ପଠାଇଛି । ଦୂର୍ଘଟଣା ଗ୍ରସ୍ତ ବାଇକ୍ ଓ ଟ୍ରକ୍ କୁ ପୁଲିସ ଜବତ କରି ଘଟଣାର ତଦନ୍ତ ଜାରି ରଖିଛି ।









Comments