ଗ୍ୟାରେଜରେ ଅଗ୍ନିକାଣ୍ଡ ଘଟି ଜଳିଗଲା ୩ ବାଇକ
ବାଂଶପାଳ: ଅଗ୍ନିକାଣ୍ଡ ଘଟି ଜଳିଗଲା ବାଇକ, ବିଳମ୍ବିତ ରାତିରେ ଗ୍ୟାରେଜରେ ନିଆଁ ଲାଗି ୩ ବାଇକ ଜଳି ପୋଡି ପାଉଁଶ ହୋଇ ଯାଇଛି | କେନ୍ଦୁଝରଜିଲ୍ଲା ବାଂଶପାଳ ବ୍ଲକ ନୟାକୋଟ ଥାନା କୁଶକଳା ବଜାରରେ ଥିବା ଏସକେ ମୋଟର ବାଇକ ଗ୍ୟାରେଜରେ ହଠାତ ନିଆଁ ଲାଗି ଯାଇଥିଲା | ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବାବେଳେ ଖବର ପାଇ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲେ ହେଁ ୩ଟି ବାଇକ ସମ୍ପୂର୍ଣ୍ଣ ଜଳି ନଷ୍ଟ ହୋଇଯାଇଛି | ସୂଚନା ଅନୁସାରେ କୁଶକଳା ବଜାରରେ ଥିବା ଗ୍ୟାରେଜ ମାଲିକ କାହ୍ନା ମହାନ୍ତ ଗତକାଲି ସନ୍ଧ୍ୟାରେ ଦୋକାନ ବନ୍ଦ କରି ଘରକୁ ପଳାଇଥିଲେ | ତେବେ ବିଳମ୍ବିତ ରାତିରେ ଗ୍ୟାରେଜ ବାହାରେ ଥିବା ବାଇକରେ ହଠାତ ନିଆଁ ଲାଗିଯାଇଥିଲା | ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ୩ଟି ବାଇକ ସମ୍ପୂର୍ଣ୍ଣ ଜଳି ପୋଡି ପାଉଁଶ ହୋଇଯାଇଥିବାବେଳେ ପାଖରେ ଥିବା ଅନ୍ୟ ଯନ୍ତ୍ରାଂଶ, ଆସବାବପତ୍ର ବି ଜଳିଯାଇଛି | ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ବାଇକ ଓ ଯନ୍ତ୍ରାଂଶ ନଷ୍ଟ ହୋଇଛି |ସ୍ଥାନୀୟ ଲୋକଙ୍କଠାରୁ ଖବର ପାଇ ବାଂଶପାଳ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲେ ହେଁ ୩ ବାଇକ ଜଳିପୋଡି ପାଉଁଶ ହୋଇଯାଇଛି |









Comments