ଉଦଯାପିତ ହୋଇଗଲା ଖଣ୍ଡୁଆଳମାଳି ପର୍ବତର ଶିଖରରେ ପର୍ବ ୨୦୨୫ : Ommtv

ଉଦଯାପିତ ହୋଇଗଲା ଖଣ୍ଡୁଆଳମାଳି ପର୍ବତର ଶିଖରରେ ପର୍ବ ୨୦୨୫ : Ommtv 

କଳାହାଣ୍ଡି ଜିଲ୍ଲା, ୦୩/୦୪(କବି) ଜିଲ୍ଲା ପ୍ରତିନିଧି (ମହେଶ୍ୱର) କଳାହାଣ୍ଡି ଜିଲ୍ଲାର ଲାଞ୍ଜିଗଡ଼ ବ୍ଲକ ଓ ଥୁଆମୂଳ ରାମପୁର ବ୍ଳକ ସୀମାରେ ରହିଥିବା ଖଣ୍ଡୁଆଳ ମାଳି ଶିଖରରେ ଶୁକ୍ରବାର ରାତିରେ ପାଳିତ ହୋଇଯାଇଛି ଖଣ୍ଡୁଆଲ ମାଳି ପର୍ବ। ଏହି ପର୍ବଟି ପ୍ରତେକ ବର୍ଷ ମାର୍ଚ୍ଚ ୨୮ ଓ ୨୯ରେ ପାଳନ କରାଯାଉ ଥିବା ବେଳେ ଚଳିତ ବର୍ଷ ମଧ୍ୟ ଶାନ୍ତି ଶୃଙ୍ଖଳା ‌ସହିତ ତା - ୩୦/୦୩/୨୦୨୫ ରବିବାର ଦିନ ଉଦଯାପିତ ହୋଇଯାଇଅଛି ଜଳ,ଜମି, ଜଙ୍ଗଲ ସୁରକ୍ଷା ଉଦ୍ଦେଶ୍ୟରେ ଏହି ପର୍ବ ପାଳନ କରାଯାଇଥିବା ବେଳେ ପ୍ରକୃତିର ଆଦିମ ସନ୍ତାନ ମାନେ ମାଁ ମାଟିର ସୁରକ୍ଷା ପାଇଁ ଜାଗି ଉଠିଥିଲେ। ଆରାଧ୍ୟ ଦେବତା ଖଣ୍ଡୁଆଳ ବୁଡ଼ାରଜା ଦେବତାଙ୍କୁ ସାକ୍ଷୀ ରଖି ନିଜ ଜୀବନ ଜୀବିକା ଖଣ୍ଡୁଆଳମାଳିକୁ ସୁରକ୍ଷିତ ରଖିବାକୁ ପଣ କରି ବଜ୍ର ଶପଥ ନେଇ ଥିଲେ I ଖଣ୍ଡୁଆଳ ବୁଡ଼ାରଜା ଦେବତାଙ୍କୁ ବଳି ପୂଜା ଦ୍ୱାରା ସନ୍ତୋଷ୍ଟ କରି ବହୁରାଷ୍ଟ୍ରୀୟ କମ୍ପାନୀକୁ ଦେଇଥିଲେ ଚରମ ଚେତାବନୀ I ସେହି ଦେବତାଙ୍କ ପାଖରେ ରକ୍ତ ଚାଉଳ ଧରି ଶପଥ ନେଇଥିଲେ ଯେ ଜୀବନ ଥିବା ପର୍ଯ୍ୟନ୍ତ ଖଣ୍ଡୁଆଳ ମାଲି ସୁରକ୍ଷା ହିଁ ଏକ ମାତ୍ର ଆମର ନିଷ୍ପତି I ସରକାର ଓ ପ୍ରଶାସନ ଏବଂ ବହୁରାଷ୍ଟ୍ରୀୟ କମ୍ପାନୀ ଯେତେ ଭୂତେଇଲେବି ଖଣ୍ଡୁଆଳମାଳି ଛାଡ଼ିବୁନି ବୋଲି ସେମାନେ ମିଳିତ ଭାବରେ ଆହ୍ୱାନ ଦେଇଛନ୍ତି I ଖଣ୍ଡୁଆଳମାଳି ପାହାଡ଼ରେ ଖଣିଜପଦାର୍ଥ ଭରପୁର ରହିଥିବା ଯୋଗୁଁ ସରକାର ଓ ବହୁରାଷ୍ଟ୍ରୀୟ କମ୍ପାନୀ ମାନଙ୍କର ଲୋଳପ ଦୃଷ୍ଟି ରଖି ଖଣି ଖନନ କରିବା ପାଇଁ ସମସ୍ତଙ୍କ ନଜର ଏଠାରେ ରହିଛି। ତେବେ ଉଭୟ ସରକାର ଶିଳ୍ପ ପ୍ରତିଷ୍ଠା ଓ ଖଣି ଖନନ ପାଇଁ ସବୁ ପ୍ରକାର କୋହଳ ନୀତି ଜାରି କରିଥିବା ବେଳେ ଖଣ୍ଡୁଆଳମାଳିର ଖଣି ଖନନକୁ ତୀବ୍ର ବିରୋଧ ଜାରି ରହିବ ବୋଲି ଆଦିବାସୀ ମାନେ ଶପଥ ନେଇ ଥିଲେ I ଏହି ପର୍ବରେ ଆଦିବାସୀ ସମ୍ପ୍ରଦାୟ ବ୍ୟତୀତ ଜିଲ୍ଲା ତଥା ଜିଲ୍ଲା ବାହାରୁ ଶହଶହ ସଧାରଣ ଲୋକେ,ପରିବେଶବିତ ପର୍ବତ ଶିଖର ଉତ୍ସବରେ ସାମିଲ ହୋଇଥିଲେ I ଖଣ୍ଡୁଆଳମାଳି ସ୍ଥାୟୀ ସୁରକ୍ଷା ସମିତି ଆହ୍ୱାନରେ ଆୟୋଜିତ ଏହି ପର୍ବରେ ଉପସ୍ଥିତ ଥିବା ସାହାଯ୍ୟ ସହଯୋଗ ଓ ସମର୍ଥନ କରି ଆସୁଥିବା ବୁଦ୍ଧିଜୀବୀ, ପରିବେଶବିତ,ଦେଶପ୍ରେମୀ ତଥା ବିଭିନ୍ନ ଗଣ ସଂଘଠନକୁ ଖଣ୍ଡୁଆଳ ମାଳି ସ୍ଥାୟୀ ସୁରକ୍ଷା ସମିତି ସଂଗ୍ରାମୀ ଅଭିନନ୍ଦନ ଜଣାଇ ଥିଲେ I ଏଥିରେ ୭ଖଣ୍ଡ ପଞ୍ଚାୟତର ୪୫ ଗୋଟି ଗାଁର ଲୋକ ଉପସ୍ଥିତ ଥିବା ବେଳେ ଖଣ୍ଡୁଆଳମାଳି ସ୍ଥାୟୀ ସୁରକ୍ଷା ସମିତି ସଭାପତି କାର୍ତ୍ତିକ ମାଝୀ,ସମ୍ପାଦକ ବ୍ରିଟିଶ କୁମାର,ସଦସ୍ୟ ବୈଦ୍ୟନାଥ ନାଏକ,ଦାମୋଦର ବେହେରା,ବିର ବଜରଙ୍ଗ ନାଏକ,ଗାର୍ଗୀ ସତପଥୀ,ଧନେଶ୍ଵର ମାଝୀ,ଲେଲିନ କୁମାର ରାୟ,କୃଷ୍ଣ ହିକକା,ଲୋକନାଥ ମାଝୀ,ପୂର୍ଣ୍ଣ ମାଝୀ,ହୃଷିକେଶ ମାଝୀ,ମାନ ମାଝୀ ପ୍ରମୁଖ ସାମିଲ ହୋଇଥିଲେ। ଗତକାଲି ସକାଳେ ଏହି ଖଣ୍ଡୁଆଳ ମାଳି ପାର୍ବଟି ସମ୍ପୂର୍ଣ ହୋଇଥିଲା I