ଚେକ୍ ବାଉନ୍ସ ମାମଲା: ଦୋଷୀଙ୍କୁ ୬ ମାସ ଜେଲ, ୩.୪୦ ଲକ୍ଷ ଜରିମାନା

Oct 29, 2026 - 21:58

0 11

ଚେକ୍ ବାଉନ୍ସ ମାମଲା: ଦୋଷୀଙ୍କୁ ୬ ମାସ ଜେଲ, ୩.୪୦ ଲକ୍ଷ ଜରିମାନା

ବାରିପଦା : ଏକ ଚେକ୍ ବାଉନ୍ସ ମାମଲାର ବିଚାର କରି ବାରିପଦା ବିଚାର ବିଭାଗୀୟ ପ୍ରଥମ ଶ୍ରେଣୀ ମାଜିଷ୍ଟ୍ରେଟ ଶୁଭ୍ରାଂଶୁ ଠାକୁର ଦୋଷୀଙ୍କୁ ୬ ମାସ କାରାଦଣ୍ଡରେ ଦଣ୍ଡିତ କରିଛନ୍ତି। ଏହା ସହ ୩ ଲକ୍ଷ ୪୦ ହଜାର ଟଙ୍କା ଜରିମାନା ଆଦେଶ ଦେଇଛନ୍ତି । ଅଭିଯୁକ୍ତ ହେଲେ ବାଲେଶ୍ୱର ଜିଲ୍ଲା ରେମୁଣା ଥାନା ଜାନୁଗଞ୍ଜ ଅଞ୍ଚଳର ଚିତ୍ତରଞ୍ଜନ l ଅଭିଯୋଗ ଅନୁଯାୟୀ, ଚିତ୍ତରଞ୍ଜନ ଏକ ନିଲାମ ଗାଡ଼ି ବିକ୍ରି କରିବାର ପ୍ରତିଶ୍ରୁତି ଦେଇ ବାଙ୍ଗିରିପୋଷି ଥାନା ଜଗନ୍ନାଥଖୁଣ୍ଟାର ଶରତ ଚନ୍ଦ୍ର ପାଣିଙ୍କଠାରୁ ୨ ଲକ୍ଷ ଟଙ୍କା ଅଗ୍ରୀମ ନେଇଥିଲେ। ଗାଡ଼ି ଯୋଗାଇ ନ ପାରିବାରୁ ଶରତଙ୍କୁ ସେ ୨ ଲକ୍ଷ ଟଙ୍କାର ଏକ ଚେକ୍ ପ୍ରଦାନ କରିଥିଲେ। ମାତ୍ର ଚେକ୍‌ଟି ବାଉନ୍ସ ହୋଇଯାଇଥିଲା। ଏନେଇ ଶରତ ଜେଏସ୍ଏଫସି-୧ଙ୍କ କୋର୍ଟରେ ମାମଲା ଦାୟର କରିଥିଲେ । ସାକ୍ଷ୍ୟ ପ୍ରମାଣକୁ ଆଧାର କରି ଉକ୍ତ ମାମଲା ନଂ.୧୬୮/୨୦୧୨ରେ ମାଜିଷ୍ଟ୍ରେଟ ଉପରୋକ୍ତ ରାୟ ପ୍ରକାଶ କରିଛନ୍ତି।