ଟ୍ରାକ୍ଟରରୁ ଖସି ଯୁବକ ମୃତ
ରାଇରଙ୍ଗପୁର: ରାଇରଙ୍ଗପୁର ଅଞ୍ଚଳ ଅଧୀନ ହାଟବାଦଡ଼ା ଗାଁରେ ଟ୍ରାକ୍ଟରରୁ ଖସି ଯୁବକଙ୍କ ମୃତ୍ୟୁ ଘଟିଥିବା ଜଣାପଡ଼ିଛି । ସୂଚନା ଅନୁଯାୟୀ, ସୁଲେଇପାଟ ଫାଣ୍ଡି ତଥା ବାଦାମପାହାଡ ଥାନା ଅନ୍ତର୍ଗତ ଗଦାଧରପୁର ଗ୍ରାମର ଦଶରଥ ଟୁଡୁଙ୍କ ପୁଅ ସଂଜିତ କୁମାର ଟୁଡୁ (୨୪) ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ହାଟବାଦଡା ନିକଟରେ ଏକ ଟ୍ରାକ୍ଟରର ସାମଗ୍ରୀ ଓହ୍ଲାଇବା କାର୍ଯ୍ୟ କରୁଥିଲେ। ଏହି ସମୟରେ ଭାରସାମ୍ୟ ହରାଇ ଟ୍ରାକ୍ଟର ଉପରୁ ତଳକୁ ଖସିପଡ଼ିଥିଲେ। ଗୁରୁତର ଅବସ୍ଥାରେ ତାଙ୍କୁ ଏକ ସ୍କୁଟିରେ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ରିପୋର୍ଟ ଲେଖା ହେବା ବେଳକୁ ପୁଲିସ ନିକଟରେ କୌଣସି ଲିଖିତ ଅଭିଯୋଗ ହୋଇନଥିବା ଜଣାଯାଇଛି।









Comments