Skip to content
Monday, 16 November 2026
Breaking News
Video
Programme

ଓଲିଉଡ଼ ଚଳଚ୍ଚିତ୍ର ‘ଭୋକ’କୁ ଅନ୍ତର୍ଜାତୀୟସ୍ତରରେ ପୁରସ୍କାର ପ୍ରଦାନ :ଓମଟିଭି

କରୋନା ମହାମାରୀ ସମୟରେ ପ୍ରବାସୀ ଦାଦନଙ୍କ ଦୁର୍ଦ୍ଦଶାକୁ ନେଇ ନିର୍ମିତ ଓଡ଼ିଆ ଚଳଚ୍ଚିତ୍ର ‘ଭୋକ’ ଅନ୍ତର୍ଜାତୀୟ ସ୍ତରରେ ପୁରସ୍କୃତ ହୋଇଛି। ଏଥିରୁ ପ୍ରମାଣିତ ହୋଇଛି ଓଲିଉଡ଼ ନିଛକ କାହାଣୀକୁ ନେଇ ଦର୍ଶକ ଆବୃତି ହୋଇପାରିବ।

ଓଲିଉଡ଼ ଚଳଚ୍ଚିତ୍ର ‘ଭୋକ’କୁ ଅନ୍ତର୍ଜାତୀୟସ୍ତରରେ ପୁରସ୍କାର ପ୍ରଦାନ :ଓମଟିଭି

Key Points

  • (ସିନେ ସମିକ୍ଷକ:ବିଦ୍ୟାଧର ବାରିକ): କରୋନା ମହାମାରୀ ସମୟରେ ପ୍ରବାସୀ ଦାଦନଙ୍କ ଦୁର୍ଦ୍ଦଶାକୁ ନେଇ ନିର୍ମିତ ଓଡ଼ିଆ ଚଳଚ୍ଚିତ୍ର ‘ଭୋକ’ ଅନ୍ତର୍ଜାତୀୟ ସ୍ତରରେ ପୁରସ୍କୃତ ହୋଇଛି।
  • ଏଥିରୁ ପ୍ରମାଣିତ ହୋଇଛି ଓଲିଉଡ଼ ନିଛକ କାହାଣୀକୁ ନେଇ ଦର୍ଶକ ଆବୃତି ହୋଇପାରିବ।
  • ନିକଟରେ ଲଣ୍ଡନଠାରେ ଅନୁଷ୍ଠିତ ୨୩ତମ ଇନ୍ଦ୍ରଧନୁ ରେନ୍-ବୋ ଚଳଚ୍ଚିତ୍ର ମହୋତ୍ସବରେ ଏହି ଫିଲ୍ମ ପୁରସ୍କାର ଲାଭ କରିଛି।

ଓଲିଉଡ଼ ଚଳଚ୍ଚିତ୍ର ‘ଭୋକ’କୁ ଅନ୍ତର୍ଜାତୀୟସ୍ତରରେ ପୁରସ୍କାର ପ୍ରଦାନ :ଓମଟିଭି

(ସିନେ ସମିକ୍ଷକ:ବିଦ୍ୟାଧର ବାରିକ): କରୋନା ମହାମାରୀ ସମୟରେ ପ୍ରବାସୀ ଦାଦନଙ୍କ ଦୁର୍ଦ୍ଦଶାକୁ ନେଇ ନିର୍ମିତ ଓଡ଼ିଆ ଚଳଚ୍ଚିତ୍ର ‘ଭୋକ’ ଅନ୍ତର୍ଜାତୀୟ ସ୍ତରରେ ପୁରସ୍କୃତ ହୋଇଛି। ଏଥିରୁ ପ୍ରମାଣିତ ହୋଇଛି ଓଲିଉଡ଼ ନିଛକ କାହାଣୀକୁ ନେଇ ଦର୍ଶକ ଆବୃତି ହୋଇପାରିବ। ନିକଟରେ ଲଣ୍ଡନଠାରେ ଅନୁଷ୍ଠିତ ୨୩ତମ ଇନ୍ଦ୍ରଧନୁ ରେନ୍-ବୋ ଚଳଚ୍ଚିତ୍ର ମହୋତ୍ସବରେ ଏହି ଫିଲ୍ମ ପୁରସ୍କାର ଲାଭ କରିଛି। ଗତ ମେ ୨୯ରୁ ଜୁନ୍‌ ୫ ତାରିଖ ଯାଏ ଲଣ୍ଡନଠାରେ ଏହି ମହୋତ୍ସବ ଅନୁଷ୍ଠିତ ହୋଇଥିଲା। ଯେଉଁଥିରେ ଶତାଧିକ କଳା ଦର୍ଶକ ଏହାକୁ ଦେଖିଥିଲେ। ଏବଂ ପ୍ରଶଂସାମଧ୍ୟ କରିଥିଲେ। ରାଜୀବ ମହାନ୍ତିଙ୍କ ନିର୍ଦ୍ଦେଶିତ ଏହି ଫିଲ୍ମଟି ଲକ୍‌ଡାଉନ୍‌ ସମୟରେ ଏକ ଦମ୍ପତି ସାମ୍ନା କରିଥିବା ଦୁଃଖଦ ସ୍ଥିତି ଓ ସଂଘର୍ଷ ଉପରେ ଆଧାରିତ। ଏଥିରେ ସୁରତରେ ରହୁଥିବା ଗୋଟିଏ ପରିବାର ଲକ୍‌ଡାଉନ୍ ସମୟରେ କିଭଳି ଓଡ଼ିଶା ଫେରୁଛନ୍ତି ଏବଂ ରାସ୍ତାରେ କେଉଁସବୁ ସମସ୍ୟାର ସାମ୍ନା କରୁଛନ୍ତି ତାହାର ବାସ୍ତବ ଚିତ୍ରାୟନ ହୋଇଛି। ବିଶେଷକରି ଜଣେ ମହିଳାଙ୍କ ଭିଟାମାଟି ଫେରିବାର ଦୁଃଖ କାହାଣୀ ଏଥିରେ ପ୍ରତିଫଳିତ ହୋଇଛି।ଯେଉଁଥିରେ ଗରିବି, ଅସହାୟତା ଓ ପେଟର ଭୋକକଥାକୁ ପ୍ରତିପାଦନ କରାଯାଇଛି। ‘ଭୋକ’ ଚଳଚ୍ଚିତ୍ର ମାଧ୍ୟମରେ କରୋନା ମହାମାରୀ ସାରା ବିଶ୍ବବାସୀଙ୍କ ଉପରେ ପକାଇଥିବା କୁପ୍ରଭାବ ଓ ଭୟାବହତାକୁ ସାମ୍ନାକୁ ଆଣିବାର ପ୍ରୟାସ କରାଯାଇଛି। ଲକ୍‌ଡାଉନ୍ ଓ ସଟ୍‌ଡାଉନ୍ ସମୟରେ କରୋନା ଭାଇରସ୍ ଦ୍ବାରା ସଂକ୍ରମିତ ହୋଇ ଅନେକ ପ୍ରାଣ ହରାଇଲେ ଏବଂ ଅନେକଙ୍କର ମଧ୍ୟ ଜୀବିକା ବୁଡ଼ିଗଲା। କୋଭିଡ୍ ୧୯ର ଏଭଳି ବାସ୍ତବ ସ୍ଥିତିର ଚିତ୍ରଣ କରିଛି ଜ୍ୟୋତି ପ୍ରଡକ୍ସନ୍‌। ‘ଭୋକ’ ଚଳଚ୍ଚିତ୍ରର ଚିତ୍ରନାଟ୍ୟ ଓ ନିର୍ଦ୍ଦେଶନା ରାଜୀବ ମହାନ୍ତି ଦେଇଥିବାବେଳେ ଏହାର କାହାଣୀ ଓ ସଂଳାପ ଲେଖିଛନ୍ତି ରଞ୍ଜନ ଦାସ। ସଂପାଦନା କରିଛନ୍ତି ମାନସ ସାହୁ ଓ ଚିତ୍ରୋତ୍ତୋଳନ କରିଛନ୍ତି ବିଶ୍ବଜିତ କୁଲାଡ। ଏଥିରେ ଦୁଇ ଅଣ ପ୍ରତିଷ୍ଠିତ କଳାକାର ଅଙ୍କିତ କୁମାର, କାବ୍ୟାକିରଣ ମୁଖ୍ୟ ଭୂମିକାରେ ଅଛନ୍ତି। ଯେଉଁମାନେ ପ୍ରମାଣ କରିଦେଖାଇଛନ୍ତି। ପ୍ରତିଷ୍ଠା କଳାର ମୋହତାଜ ନୁହେଁ। ନବାଗତ ମଧ୍ୟ ଭଲ ଅଭିନୟ କରିପାରିଲେ ଦର୍ଶକ ପସନ୍ଦ କରିବେ। ଅଭିନେତା କୁନା ତ୍ରିପାଠୀ, ପୁଷ୍ପା ପଣ୍ଡା, ପ୍ରତିଭା ପଣ୍ଡା, ଚିରଜୀବୀ, ଦୀପା, ପ୍ରତୀମ୍ ପ୍ରମୁଖ ଗୁରୁତ୍ବପୂର୍ଣ୍ଣ ଭୂମିକାରେ ଅବତୀର୍ଣ୍ଣ ହେଇଛନ୍ତି। ଏଥିରେ ସଂଗୀତ ନିର୍ଦ୍ଦେଶନା ଦେଇଛନ୍ତି ବିକାଶ ଦାସ। ଆଗାମି ଦିନରେ ଆଉ କିଛି ଭଳ ଚଳଚ୍ଚିତ୍ର ‌କରିଦେଖାଇବା ପାଇଁ ଓଲିଉଡ଼କୁ ଅପେକ୍ଷା ରହିଲା। 

Click Here To See More

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments