ନୀଳାଦ୍ରି ବିହାର ସରସ୍ୱତୀ ଶିଶୁ ମନ୍ଦିରରେ ୮୦ ତମ ସ୍ୱାଧୀନତା ଦିବସ ପାଳିତ

Aug 21, 2026 - 21:09

0 6

ନୀଳାଦ୍ରି ବିହାର ସରସ୍ୱତୀ ଶିଶୁ ମନ୍ଦିରରେ ୮୦ ତମ ସ୍ୱାଧୀନତା

ଦିବସ ପାଳିତ

ଭୁବନେଶ୍ୱର,୧୭ା୮ ନୀଳାଦ୍ରି ବିହାର ସେକ୍ଟର ୩ ସ୍ଥିତ ସରସ୍ୱତୀ ଶିଶୁ ବିଦ୍ୟା
ମନ୍ଦିରରେ ୮୦ ତମ ସ୍ୱାଧୀନତା ଦିବସ ମହା ସମାରୋହରେ ପାଳିତ ହୋଇଯାଇଛି । ମୁଖ୍ୟ
ଅତିଥି ଭାବେ ଶିକ୍ଷାବିତ ଡ. ମନୋଜ କୁମାର ଦାସ ଯୋଗଦେଇ ପତାକା
ଉତ୍ତୋଳନ କରିଥିଲେ । ପ୍ରଧାନ ଆଚାର୍ଯ୍ୟ ଦୀନବନ୍ଧୁ ସିଂହଙ୍କ ସଭାପତିତ୍ୱରେ
ଅନୁଷ୍ଠିତ ସଭାରେ ପରିଚାଳନା ସମିତିର ସଭାପତି ସାମ୍ବାଦିକ ସୁକାନ୍ତ କୁମାର
ରାଉତ, ସମ୍ପାଦକ ରମାକାନ୍ତ ସ୍ୱାଇଁ ଯୋଗଦେଇ ସ୍ୱାଧୀନତା ଦିବସର ମହତ୍ତ୍ୱ ଉପରେ
ଆଲୋକପାତ କରିଥିଲେ । କାର୍ଯ୍ୟକ୍ରମକୁ ବରିଷ୍ଠ ଗୁରୁମା ଦମୟନ୍ତୀ ସିଂହ
ପରିଚାଳନା କରିଥିଲାବେଳେ ସମସ୍ର ଗୁରୁଜୀ ଗୁରୁମା ସହଯୋଗ କରିଥିଲେ ।
ଛାତ୍ରଛାତ୍ରୀ ମାନଙ୍କର ସ୍କାଉଟ ଓ ଗାଇଡ, ରେଡକ୍ରସ ବାହିନୀ, ଘୋଷ ବାହିନୀ
ଅତିଥି ମାନଙ୍କୁ ଅଭିବାଦନ ଜଣାଇଥିଲେ । ଝାଙ୍କି ଓ ଶିଶୁ ଭାଇଭଉଣୀ ମାନଙ୍କର
ବୀର ଓ ବୀରଙ୍ଗନା ବେଶ ସମସ୍ତଙ୍କୁ ଆକର୍ଷିତ କରିଥିଲା । ବନ୍ଦେ ମାତରଂ ପରେ ପଥ
ସଂଚଳନ କରାଯାଇ ଶିଶୁ ମାନଙ୍କୁ ମିଷ୍ଠାନ୍ନ ବଣ୍ଟନ କରାଯାଇଥିଲା ।