ଓଡିଆ ଫାଉଣ୍ଡେସନ ପକ୍ଷରୁ ଯୁବ ପ୍ରତିଭା ଚୟନ ପ୍ରତିଯୋଗିତା, ୨୦୦ ଜଣ ଛାତ୍ରଛାତ୍ରୀଙ୍କୁ ମୋବାଇଲ ବାଣ୍ଟିଲେ ସାଂସଦ ଅମର ପଟ୍ଟନାୟକ : Ommtv

ଓଡିଆ ଫାଉଣ୍ଡେସନ ପକ୍ଷରୁ ଯୁବ ପ୍ରତିଭା ଚୟନ ପ୍ରତିଯୋଗିତା, ୨୦୦ ଜଣ ଛାତ୍ରଛାତ୍ରୀଙ୍କୁ ମୋବାଇଲ ବାଣ୍ଟିଲେ ସାଂସଦ ଅମର ପଟ୍ଟନାୟକ : Ommtv

ଭୁବନେଶ୍ୱର, ୨୭ା୨ ଓଡିଶା ଫାଉଣ୍ଡେସନ ପକ୍ଷରୁ ଯୁବ ପ୍ରତିଭା ଚୟନ
ପ୍ରତିଯୋଗିତାର ଉଦଯାପନୀ ଉତ୍ସବ ନୀଳାଦ୍ରୀ ବିହାର ସ୍ଥିତ ପଣ୍ଡାପାର୍କ
ବସ୍ତିରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ରାଜ୍ୟସଭା ସାଂସଦ
ଅମର ପଟ୍ଟନାୟକ ଯୋଗଦେଇ ୨ ଶହ ଜଣ କୃତୀ ଯୁବ ପ୍ରତିଭାଙ୍କୁ ସମ୍ମାନିତ
କରିବା ସହିତ ମୋବାଇକ ବଣ୍ଟନ କରିଥିଲେ । ସମ୍ମାନିତ ଅତିଥି ଭାବେ ଫାଉଣ୍ଡେସନର
ପ୍ରତିନିଧି ରମେଶ ଜେନା ଯୋଗଦେଇ କହିଥିଲେ ସହରାଞ୍ଚଳ ବସ୍ତି ମାନଙ୍କରେ ବହୁ ଯୁବ
ପ୍ରତିଭା ଲୁକ୍କାୟିତ ଭାବରେ ରହିଛନ୍ତି । ସେମାନଙ୍କର ବିକାଶ କରିବା ଏବଂ
ସମାଜର ମୁଖ୍ୟ ସ୍ରୋତରେ ସାମିଲ କରିବା ପାଇଁ ଓଡିଆ ଫାଉଣ୍ଡେସନ ପକ୍ଷରୁ
ପ୍ରୟାସ ଜାରି ରହିଛି । ପିଲାମାନଙ୍କ ମଧ୍ୟରେ ନେତୃତ୍ୱ ଦକ୍ଷତା ପ୍ରତିପାଦନ କରିବା
ଏବଂ ଯୁବ ସମ୍ପ୍ରଦାୟର ସଦସ୍ୟ ମାନଙ୍କ ମଧ୍ୟରେ ସମାଲୋଚିତ ଚିନ୍ତାଧାରା ସୃଷ୍ଟି କରିବା
ଆମର ଉଦ୍ଦେଶ୍ୟ ରହିଛି । ଏହି ପ୍ରତିଯୋଗିତା ସେମାନଙ୍କୁ ନିଶ୍ଚୟ ସହାୟକ ହେବ
ବୋଲି କହିଥିଲେ । ଫାଉଣ୍ଡେସନ ପକ୍ଷରୁ ଏସଆଇଡିବିଆଇ ସହାୟତାରେ
ଭୁବନେଶ୍ୱରର ବିଭିନ୍ନ ବସ୍ତିରେ ସପ୍ତମ ଶ୍ରେଣୀ ଠାରୁ ଦଶମ ଶ୍ରେଣୀ ପର୍ଯ୍ୟନ୍ତ
ଛାତ୍ରଛାତ୍ରୀ ମାନଙ୍କ ମଧ୍ୟରେ ଚିତ୍ରଙ୍କନ, ବକ୍ତୁତା, ପ୍ରବନ୍ଧ ଲିଖନ ଇତ୍ୟାଦି
ପ୍ରତିଯୋବିତା ତିନୋଟି ପର୍ଯ୍ୟାୟରେ ଅନୁଷ୍ଠିତ ହୋଇଥିଲା । ଏଥିରେ
କୃତୀତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ସାର୍ଟିଫିକେଟ ଓ ସାଂସଦ
ପାଣ୍ଠିରୁ ବାଇଜୁ ଲର୍ଣ୍ଣିଙ୍ଗ ସ୍କିଲ ସବସକ୍ରିପସନ୍ ସହିତ ମୋବାଇଲ ପ୍ରଦାନ
କରାଯାଇଥିଲା । କାର୍ଯ୍ୟକ୍ରମକୁ ସଂଯୋଜିକା ଶ୍ରେଷ୍ଠା ପଟ୍ଟନାୟକ ଓ ଶିବାଶିଷ
ସ୍ୱାଇଁ ପରିଚାଳନା କରିଥିଲେ ।