Skip to content
Monday, 16 November 2026
Breaking News
Video
Programme

କିସ୍‍ କାର୍ଯ୍ୟକୁ ପ୍ରଶଂସା: ଜାତିସଂଘ ରେକର୍ଡରେ ସ୍ଥାନୀତ:Ommtv Kalingavikas

କିସ୍‍ କାର୍ଯ୍ୟକୁ ପ୍ରଶଂସା: ଜାତିସଂଘ ରେକର୍ଡରେ ସ୍ଥାନୀତ:Ommtv Kalingavikas

କିସ୍‍ କାର୍ଯ୍ୟକୁ ପ୍ରଶଂସା: ଜାତିସଂଘ ରେକର୍ଡରେ ସ୍ଥାନୀତ:Ommtv Kalingavikas

Key Points

  • ଭୁବନେଶ୍ୱର, ୧୭ ।୭: ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ପ୍ରମାଣ-ଆଧାରିତ ଶିକ୍ଷା ମାଧ୍ୟମରେ ଜନଜାତି ଭବିଷ୍ୟତକୁ ସଶକ୍ତ କରିବାରେ ଅଗ୍ରଣୀ କାର୍ଯ୍ୟ ପାଇଁ କିସ ଜାତିସଂଘର ଅର୍ଥନୈତିକ ଓ ସାମାଜିକ ପରିଷଦ(ଇକୋସକ୍‍) ଉଚ୍ଚସ୍ତରୀୟ…
  • ଚଳିତମାସ ଇକୋସକ୍‍ ର ସାଧାରଣ ଅଧିବେଶନରେ ଜନଜାତି ବିଷୟରେ ଆଲୋଚନା କାଳରେ କିସ୍‍ କାର୍ଯ୍ୟାବଳୀର ଭୂୟସୀ ପ୍ରଶଂସା ସହ ଏହା ଜାତିସଂଘ ରେକର୍ଡରେ ସ୍ଥାନୀତ ହୋଇଛି।
  • ବିଶ୍ୱର ସବର୍ବୃହତ ଜନଜାତି ଅନୁଷ୍ଠାନ ଭାବରେ ସ୍ୱୀକୃତି ପାଇଥିବା କିସ୍‍ର ଜାତିସଂଘ ସ୍ଥାୟୀ ବିକାଶ ଲକ୍ଷ୍ୟ (ଏସଡିଜି) ହାସଲ ଦିଗରେ ଉଲ୍ଲେଖନୀୟ ଯୋଗଦାନ ସହ କିସ୍‍ ଏକ ସୃଜନଶୀଳ ଶୈକ୍ଷିକ ମଡ଼େଲର ବ୍ଲୁ ପ୍ରିଣ୍ଟ ପ୍ରସ୍ତୁତ…

କିସ୍‍ କାର୍ଯ୍ୟକୁ ପ୍ରଶଂସା: ଜାତିସଂଘ ରେକର୍ଡରେ ସ୍ଥାନୀତ:Ommtv Kalingavikas

ଭୁବନେଶ୍ୱର, ୧୭ ।୭: ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ପ୍ରମାଣ-ଆଧାରିତ ଶିକ୍ଷା ମାଧ୍ୟମରେ ଜନଜାତି ଭବିଷ୍ୟତକୁ ସଶକ୍ତ କରିବାରେ ଅଗ୍ରଣୀ କାର୍ଯ୍ୟ ପାଇଁ କିସ ଜାତିସଂଘର ଅର୍ଥନୈତିକ ଓ ସାମାଜିକ ପରିଷଦ(ଇକୋସକ୍‍) ଉଚ୍ଚସ୍ତରୀୟ ସେଗମେଣ୍ଟ ଦ୍ୱାରା ରେକର୍ଡରେ ସ୍ଥାନିତ ହୋଇଛି। ଚଳିତମାସ ଇକୋସକ୍‍ ର ସାଧାରଣ ଅଧିବେଶନରେ ଜନଜାତି ବିଷୟରେ ଆଲୋଚନା କାଳରେ କିସ୍‍ କାର୍ଯ୍ୟାବଳୀର ଭୂୟସୀ ପ୍ରଶଂସା ସହ ଏହା ଜାତିସଂଘ ରେକର୍ଡରେ ସ୍ଥାନୀତ ହୋଇଛି।

ବିଶ୍ୱର ସବର୍ବୃହତ ଜନଜାତି ଅନୁଷ୍ଠାନ ଭାବରେ ସ୍ୱୀକୃତି ପାଇଥିବା କିସ୍‍ର ଜାତିସଂଘ ସ୍ଥାୟୀ ବିକାଶ ଲକ୍ଷ୍ୟ (ଏସଡିଜି) ହାସଲ ଦିଗରେ ଉଲ୍ଲେଖନୀୟ ଯୋଗଦାନ ସହ କିସ୍‍ ଏକ ସୃଜନଶୀଳ ଶୈକ୍ଷିକ ମଡ଼େଲର ବ୍ଲୁ ପ୍ରିଣ୍ଟ ପ୍ରସ୍ତୁତ କରିପାରିଛି। କିସ୍‍ ଜନଜାତି ଛାତ୍ରଛାତ୍ରୀଙ୍କୁ ଆଧୁନିକ ଶିକ୍ଷା ସହ ଡିଜିଟାଲ୍ ସଶକ୍ତିକରଣ ଏବଂ ଜଳବାୟୁ ସ୍ଥିରତା ଉପରେ ଶିକ୍ଷା ପ୍ରଦାନ କରୁଛି। ଜନଜାତି ପିଲାମାନଙ୍କୁ ସେମାନଙ୍କ ସ୍ଥାନୀୟ ଚାଲେଞ୍ଜର ମୁକାବିଲା ନିମନ୍ତେ କୃତ୍ରିମ ବୁଦ୍ଧିମତ୍ତା (ଏଆଇ)ଠାରୁ ଆରମ୍ଭ କରି ବିଶ୍ୱସ୍ତରୀୟ ପ୍ରଯୁକ୍ତି ବିଦ୍ୟାର ଉପଯୋଗ କରାଯାଉଛି। ୟୁନେସ୍କୋ ପୁରସ୍କୃତ ମାତୃଭାଷା ପର୍ଯ୍ୟବେସିତ ବହୁ-ଭାଷୀ ଶିକ୍ଷା ମାଧ୍ୟମରେ ପ୍ରାଥମିକସ୍ତରରେ ପିଲାମାନଙ୍କୁ ସେମାନଙ୍କ ମାତୃଭାଷାରେ ଶିକ୍ଷାଦାନ ସେମାନଙ୍କ ମଧ୍ୟରେ ଶିକ୍ଷା ପ୍ରତି ଆଗ୍ରହ ବୃଦ୍ଧି କରିପାରୁଛି ବୋଲି ଜାତିସଂଘର ରେକର୍ଡରେ ଉଲ୍ଲେଖ କରାଯାଇଛି।

ଜନଜାତି ସଂପ୍ରଦାୟ ମଧ୍ୟରେ ପରିବର୍ତ୍ତନ ଆଣିବା, ଅନ୍ତର୍ଭୁକ୍ତିମୂଳକ ଶିକ୍ଷା ପ୍ରଦାନ କରିବାରେ କିସ୍‍ ବିଶ୍ୱର ଅନ୍ୟତମ ଅଗ୍ରଣୀ ଅନୁଷ୍ଠାନ। କିସ୍‍ ୧୩ଟି ବିଶେଷ ଭାବରେ ର୍ଦୁବଳ ଜନଜାତି ସମ୍ପ୍ରଦାୟ ସମେତ ୬୪ଟି ଜନଜାତିର ପ୍ରାୟ ୮୦ ହଜାର ଜନଜାତି ଛାତ୍ରଛାତ୍ରୀଙ୍କୁ ଆନୁଷ୍ଠାନିକ ଶିକ୍ଷା ସହ ଜୀବନ କୌଶଳ, ଦକ୍ଷତା ବିକାଶ,କ୍ରୀଡ଼ାରେ ଉତ୍କଷର୍ତା ପ୍ରତିପାଦନ ଏବଂ ଜଳବାୟୁ ସ୍ଥିରତା ଉପରେ ତାଲିମ ପ୍ରଦାନ କରିଆସୁଛି। ଫଳରେ ଜନଜାତି ଛାତ୍ରଛାତ୍ରୀଙ୍କ ମଧ୍ୟରେ ଉଲ୍ଲେଖନୀୟ ପରିବର୍ତ୍ତନ ଆଣିବା ସହ ସେମାନଙ୍କୁ ସଶକ୍ତ କରାଯାଇପାରୁଛି। କିସ ଏକ ଅଭିନବ ଶିକ୍ଷା ମଡେଲ ଭାବରେ ଜାତିସଂଘର ଏସଡିଜି ୧, ୨, ୩, ୪, ୫, ୧୦, ୧୩, ୧୬ ଓ ୧୭ରେ ଗୁରୁତ୍ୱପୂର୍ଣ୍ଣ ଅବଦାନ ରଖି ଆସିଛି ବୋଲି ଜାତିସଂଘ ରେକର୍ଡରେ ଉଲ୍ଲେଖ କରାଯାଇଛି। ସେହିପରି ସ୍ଥାୟୀ, ଅନ୍ତର୍ଭୁକ୍ତ ଏବଂ ପ୍ରମାଣ-ଭିତ୍ତିକ ସମାଧାନକୁ ଆଗକୁ ବଢ଼ାଇବା କ୍ଷେତ୍ରରେ କିସ୍‍ କାର୍ଯ୍ୟ କରୁଛି ବୋଲି ଜାତିସଂଘ ରେକର୍ଡରେ ସ୍ଥାନିତ ହୋଇଛି।

ଏଥିରେ ଖୁସି ବ୍ୟକ୍ତ କରି କିଟ୍‍ ଓ କିସ୍‍ ପ୍ରତିଷ୍ଠାତା ଅଚ୍ୟୁତ ସାମନ୍ତ କହିଛନ୍ତି, କିସ୍‍ ବିଷୟରେ ଜାତିସଂଘରେ ସର୍ବଦା ଆଲୋଚନା ହେବା ସହ ଏହାର ରେକର୍ଡ ରହୁଛି। ଏହା ଜନଜାତି ତଥା ଓଡ଼ିଶା ପାଇଁ ଗର୍ବ ଓ ଗୌରବ ବୋଲି ସେ କହିଛନ୍ତି। ସୂଚନାଯୋଗ୍ୟ କିସ୍‍କୁ ୨୦୧୫ରେ ଜାତିସଂଘର ଇକୋସକ୍‍ ଷ୍ଟାଟସ୍‍ ମିଳିଛି ଏବଂ ବର୍ତ୍ତମାନ ଏହା ଚାଲୁ ରହିଛି। ଏହା ବ୍ୟତୀତ ୨୦୨୨ରେ କିସ୍‍କୁ ଜାତିସଂଘର ସର୍ବୋଚ୍ଚ ପୁରସ୍କାର ୟୁନେସ୍କୋ ଲିଟେରାରୀ ସମ୍ମାନ ପ୍ରଦାନ କରାଯାଇଛି। ଚଳିତବର୍ଷ କିସ ଟାଇମ୍ସ ହାୟର ଏଜୁକେସନ ଇଂପାକ୍ଟ ଗ୍ଲୋବାଲ ରାଙ୍କିଙ୍ଗରେ ପ୍ରଥମ ଥର ପାଇଁ ଅଂଶଗ୍ରହଣ କରି ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛି। ଜନଜାତି ଜୀବନଶୈଳୀ, ଜନଜାତି ଆଇନଗତ ଅଧ୍ୟୟନ, ଜନଜାତି ସମ୍ବଳ ପରିଚାଳନା ଆଦି ୭ଟି ଅଭିନବ ବିଦ୍ୟାଳୟରେ ଛାତ୍ରଛାତ୍ରୀଙ୍କ ମଧ୍ୟରେ ସୃଜନଶୀଳତା ଓ ଐତିହ୍ୟର ମୌଳିକତାକୁ ବଜାୟ ରଖାଯାଉଛି। ଏହା ବ୍ୟତୀତ କୌଣସି ଆନୁଷ୍ଠାନିକ ଶିକ୍ଷା ନଥିବା ଜନଜାତି ବିଶେଷଜ୍ଞ ପ୍ରଫେସର ଅଫ୍‍ ପ୍ରାକ୍ଟିସ୍‍ ଭାବେ ନିଯୁକ୍ତି ଦିଆଯାଇ ଛାତ୍ରଛାତ୍ରୀଙ୍କୁ ସେମାନଙ୍କ ପାରମ୍ପରିକ ଶିକ୍ଷା ପ୍ରଦାନ କରାଯାଇଥାଏ।

Click Here To See More

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments