Skip to content
Friday, 20 November 2026
Breaking News
Video
Programme

ଝାରପଡ଼ା, ଲକ୍ଷ୍ମୀସାଗରରେ ହେବ ଐତିହ୍ୟ ତୋରଣ: ୭୪.୪୬ ଲକ୍ଷ ଖର୍ଚ୍ଚ, ୬ ମାସରେ ସରିବ  

ଝାରପଡ଼ା, ଲକ୍ଷ୍ମୀସାଗରରେ ହେବ ଐତିହ୍ୟ ତୋରଣ: ୭୪.୪୬ ଲକ୍ଷ ଖର୍ଚ୍ଚ, ୬ ମାସରେ ସରିବ  

ଝାରପଡ଼ା, ଲକ୍ଷ୍ମୀସାଗରରେ ହେବ ଐତିହ୍ୟ ତୋରଣ: ୭୪.୪୬ ଲକ୍ଷ ଖର୍ଚ୍ଚ, ୬ ମାସରେ ସରିବ   

Key Points

  • ଭୁବନେଶ୍ବର: ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀ ଅନ୍ତର୍ଗତ ଝାରପଡ଼ା ଓ ଲକ୍ଷ୍ମୀସାଗର ଗ୍ରାମର ପ୍ରବେଶପଥରେ ଦୁଇଟି ଐତିହ୍ୟ ତୋରଣ ନିର୍ମାଣ ହେବ।
  • ଝାରପଡ଼ା ତୋରଣ ନିର୍ମାଣରେ ୩୮.୮୪ଲକ୍ଷ ଟଙ୍କା ଓ ଲକ୍ଷ୍ମୀସାଗର ତୋରଣ ନିର୍ମାଣରେ ୩୫.୬୨ଲକ୍ଷ ଟଙ୍କା ଖର୍ଚ୍ଚ ହେବ।
  • ଓଟିଡିସି ଏହି ଅର୍ଥ ଖର୍ଚ୍ଚ କରିବ ଏବଂ ୬ ମାସ ଭିତରେ କାମ ଶେଷ କରିବାକୁ ଲକ୍ଷ୍ୟ ରଖାଯାଇଛି।

ଝାରପଡ଼ା, ଲକ୍ଷ୍ମୀସାଗରରେ ହେବ ଐତିହ୍ୟ ତୋରଣ: ୭୪.୪୬ ଲକ୍ଷ ଖର୍ଚ୍ଚ, ୬ ମାସରେ ସରିବ

 

ଭୁବନେଶ୍ବର: ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀ ଅନ୍ତର୍ଗତ ଝାରପଡ଼ା ଓ ଲକ୍ଷ୍ମୀସାଗର ଗ୍ରାମର ପ୍ରବେଶପଥରେ ଦୁଇଟି ଐତିହ୍ୟ ତୋରଣ ନିର୍ମାଣ ହେବ। ଝାରପଡ଼ା ତୋରଣ ନିର୍ମାଣରେ ୩୮.୮୪ଲକ୍ଷ ଟଙ୍କା ଓ ଲକ୍ଷ୍ମୀସାଗର ତୋରଣ ନିର୍ମାଣରେ ୩୫.୬୨ଲକ୍ଷ ଟଙ୍କା ଖର୍ଚ୍ଚ ହେବ। ଓଟିଡିସି ଏହି ଅର୍ଥ ଖର୍ଚ୍ଚ କରିବ ଏବଂ ୬ ମାସ ଭିତରେ କାମ ଶେଷ କରିବାକୁ ଲକ୍ଷ୍ୟ ରଖାଯାଇଛି। ଏହି ଦୁଇ ପ୍ରକଳ୍ପର ଆଜି ଭିତ୍ତିପ୍ରସ୍ତର ପଡ଼ିଛି। ଆଜି ସଂଧ୍ୟାରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ମୁଖ୍ୟଅତିଥି ଭାବେ ଯୋଗଦେଇଥିଲେ। କାର୍ଯ୍ୟକ୍ରମରେ ବିଜେପି ନେତା ଜଗନ୍ନାଥ ପ୍ରଧାନଙ୍କ ସମେତ ଝାରପଡ଼ା ଓ ଲକ୍ଷ୍ମୀସାଗର ଗ୍ରାମର ଲୋକେ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମ ପରେ ପାଣିଟାଙ୍କି ରୋଡ୍‌ ନିକଟରେ ମିସନ ଶକ୍ତି ପକ୍ଷରୁ ମହିଳା ସ୍ବୟଂ ସହାୟକ ଗୋଷ୍ଠୀର ମହିଳାମାନଙ୍କୁ ନେଇ ଆୟୋଜିତ କାର୍ଯ୍ୟକ୍ରମରେ ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା ଯୋଗ ଦେଇଥିଲେ।ଏଥରକୁ ମିଶାଇ ତିନି ଥର ଲକ୍ଷ୍ମୀସାଗର ଐତିହ୍ୟ ତୋରଣର ଭିତ୍ତିପ୍ରସ୍ତର ପଡ଼ିଲାଣି। ଏଣୁ ଏହାକୁ ନେଇ ଆଜି ରାଜଧାନୀ ରାଜନୀତି ସରଗରମ ହୋଇଛି। ଏହା କେବଳ ଫଳକ ରାଜନୀତି ବୋଲି ଚର୍ଚ୍ଚା ଚାଲିଛି। ବଡ଼ କଥା ହେଉଛି ଏହି କାର୍ଯ୍ୟକ୍ରମରେ ସାଂସଦ ଅପରାଜିତା ଷଡ଼ଙ୍ଗୀ, ବିଧାୟକ ଅନନ୍ତ ନାରାୟଣ ଜେନା ଓ ମେୟର ସୁଲୋଚନା ଦାସଙ୍କୁ ଦେଖିବାକୁ ମିଳିନି। ଫଳକରେ ବି ଏମାନଙ୍କ ନାମ ‌ଉଲ୍ଲେଖ କରାଯାଇନି। ଫଳକରେ କେବଳ ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା ଓ ସ୍ଥାନୀୟ କର୍ପୋରଟେରଙ୍କ ନାମ ଉଲ୍ଲେଖ କରାଯାଇଛି। ତେଣୁ ଏହାକୁ ନେଇ ରାଜନୈତିକ ଚର୍ଚ୍ଚା ଜୋର୍‌ ଧରିଛି। ୨୦୧୮ ମସିହାରେ ବଡ଼ଗଡ଼ ଓ ଲକ୍ଷ୍ମୀସାଗର ପ୍ରବେଶପଥରେ ଦୁଇଟି ଐତିହ୍ୟ ନିର୍ମାଣ କରିବାକୁ ଓଟିଡିସି ପକ୍ଷରୁ ଟେଣ୍ଡର ଆହ୍ବାନ କରାଯାଇଥିଲା। ଦୁଇ ପ୍ରକଳ୍ପ ପାଇଁ ପ୍ରାୟ ୪୭ ଲକ୍ଷ ଟଙ୍କାର ଟେଣ୍ଡର ଚୂଡ଼ାନ୍ତ ହୋଇଥିଲା। ୨୦୧୮ ନଭେମ୍ବର ୯ରେ ତତ୍କାଳୀନ ପର୍ଯ୍ୟଟନ ମନ୍ତ୍ରୀ ଅଶୋକ ପଣ୍ଡା, ସାଂସଦ ପ୍ରସନ୍ନ କୁମାର ପାଟ୍ଟଶାଣୀ, ମଧ୍ୟ ବିଧାୟକ ବିଜୟ ମହାନ୍ତି, ମେୟର ଅନନ୍ତ ନାରାୟଣ ଜେନା ପ୍ରମୁଖ ଉପସ୍ଥିତ ଥିଲେ। କିନ୍ତୁ ବଡ଼ଗଡ଼ ଐତିହ୍ୟ ତୋରଣ ୨୦୨୧ ମସିହାରେ ହୋଇ ସାରିଥିଲେ ହେଁ ଲକ୍ଷ୍ମୀସାଗର ଐତିହ୍ୟ ତୋରଣ କାମ ଆରମ୍ଭ ହେଲାନି। ପରେ ପୁରୁଣା ଟେଣ୍ଡରକୁ ବାତିଲ କରି ପୁଣି ଥରେ ୨୦୨୨ ନଭେମ୍ବର ୧ରେ ଠିକାସଂସ୍ଥା ଏସ୍‌ଏସ୍‌ ଟ୍ରେଡର୍ସ ଆଣ୍ଡ୍‌ କନ୍‌ଷ୍ଟ୍ରକ୍‌ସନ୍‌କୁ ୨୯ଲକ୍ଷ ଟଙ୍କା ଅନୁଦାନରେ କାର୍ଯ୍ୟାଦେଶ ମିଳିଲା। ୨୦୨୪ ମେ ମାସରେ ପୁଣିଥରେ ମଧ୍ୟ ବିଧାୟକ ଅନନ୍ତ ନାରାୟଣ ଜେନା, ମେୟର ସୁଲୋଚନା ଦାସ ପ୍ରମୁଖଙ୍କ ଉପସ୍ଥିତିରେ ଶିଳାନ୍ୟାସ ହୋଇଥିଲା।

What's Your Reaction?

like

dislike

love

funny

angry

sad

wow

BIDYADHAR BARIK MADHU
Written by

BIDYADHAR BARIK MADHU

FOUNDER OMMTV MEDIA PVT. LTD. & KALINGA CINE ARTS FOUNDATION

Related Posts

Comments