ପୁରୀ-ନୁଆଗାଁ ରୋଡ୍-ପୁରୀ ପାସେଞ୍ଜର ସ୍ପେଶାଲ ପ୍ରଚଳନ : ଓମଟିଭି
● ଗତ ଓଡିଶା ଗସ୍ତ ସମୟରେ ରେଳମନ୍ତ୍ରୀ ଏହାର ଚଳାଚଳକୁ ଘୋଷଣା କରିଥିଲେ | ● ଜୁଲାଇ ମାସ ୨୦ ତାରିଖରୁ ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ ଚଳାଚଳ କରିବ | ● ଭୁବନେଶ୍ୱର-ନୁଆଗାଁ ରୋଡ୍ ପାସେଞ୍ଜର ସ୍ପେଶାଲ୍ 21 ଜୁଲାଇ, 2022 ଠାରୁ ଭୁବନେଶ୍ୱରରୁ ସଂଶୋଧିତ ସମୟ ସହିତ ଚଳାଚଳ କରିବ |
BIDYADHAR BARIK MADHU
ପୁରୀ-ନୁଆଗାଁ ରୋଡ୍-ପୁରୀ ପାସେଞ୍ଜର ସ୍ପେଶାଲ ପ୍ରଚଳନ : ଓମଟିଭି
● ଗତ ଓଡିଶା ଗସ୍ତ ସମୟରେ ରେଳମନ୍ତ୍ରୀ ଏହାର ଚଳାଚଳକୁ ଘୋଷଣା କରିଥିଲେ |
● ଜୁଲାଇ ମାସ ୨୦ ତାରିଖରୁ ପରବର୍ତ୍ତୀ ପରାମର୍ଶ ପର୍ଯ୍ୟନ୍ତ ଚଳାଚଳ କରିବ |
● ଭୁବନେଶ୍ୱର-ନୁଆଗାଁ ରୋଡ୍ ପାସେଞ୍ଜର ସ୍ପେଶାଲ୍ 21 ଜୁଲାଇ, 2022 ଠାରୁ ଭୁବନେଶ୍ୱରରୁ ସଂଶୋଧିତ ସମୟ ସହିତ ଚଳାଚଳ କରିବ |
ଭୁବନେଶ୍ୱର, (ଓମ): ମାନ୍ୟବର ରେଳମନ୍ତ୍ରୀଙ୍କ ଘୋଷଣା ଅନୁଯାୟୀ ପୂର୍ବତଟ ରେଳପଥ ପୁରୀ-ନୁଆଗାଁ ରୋଡ୍ ମଧ୍ୟରେ ପାସେଞ୍ଜର ସ୍ପେଶାଲ ଟ୍ରେନ ଚଳାଚଳ ପାଇଁ ନିଷ୍ପତ୍ତି ନେଇଛି |
08423/08424 ପୁରୀ-ନୁଆଗାଁ ରୋଡ୍-ପୁରୀ ପାସେଞ୍ଜର ସ୍ପେଶାଲ୍ 20 ଜୁଲାଇ, 2022 ଠାରୁ ପୁରୀରୁ ସନ୍ଧ୍ୟା ୭ଘ.୫୦ମି.ରେ ଛାଡିବାକୁ ଥିବାବେଳେ ଫେରିବା ମାର୍ଗରେ 21 ଜୁଲାଇ, 2022 ଠାରୁ ନୁଆଗାଁ ରୋଡରୁ ପୂର୍ବାହ୍ନ ୮ଘ.୧୦ମି.ରେ ପୁରୀ ଯାତ୍ରା କରିବ |
ଏହି ଟ୍ରେନ ରେ ପାଞ୍ଚଟି ଦ୍ୱିତୀୟ ଶ୍ରେଣୀ ସିଟିଙ୍ଗ ଏବଂ ଦୁଇଟି ଗାର୍ଡ ତଥା ଲଗେଜ୍ ଭ୍ୟାନ୍ ଉପଲବ୍ଧ ଥିବାବେଳେ ଏହା ପୁରୀ ଏବଂ ନୁଆଗାଁ ରୋଡ୍ ମଧ୍ୟରେ ମାଳତୀପାଟପୁର, ଜାନକିଦେଇପୁର, ସାକ୍ଷୀଗୋପାଳ, ବୀରପୁରୁଷୋତ୍ତମପୁର, ଜେନାପୁର ପିଏଚ, ଡେଲାଙ୍ଗ, କଣାସ ରୋଡ, ମୋଟରୀ, ହରିପୁର ଗ୍ରାମ, ଖୋର୍ଦ୍ଧା ରୋଡ, ଖୋର୍ଦ୍ଧା ଟାଉନ, ବେଗୁନିଆ, ରାଜସୁନାଖଳା, ବୋଲଗଡ ଟାଉନ୍, ବୋଲଗଡ ରୋଡ୍, ନୟାଗଡ଼ ଟାଉନ୍ ଏବଂ ମହିପୁର ଷ୍ଟେସନ ମାନଙ୍କରେ ରହଣି କରିବ |
ପୁରୀ-ନୁଆଗାଁ ରୋଡ୍ ପାସେଞ୍ଜର ସ୍ପେଶାଲ୍ ପ୍ରଚଳନ ପରେ ଟ୍ରେନ ଚଳାଚଳର ସୁବିଧାକୁ ଦେଖି 08429 ଭୁବନେଶ୍ୱର-ନୁଆଗାଁ ରୋଡ୍ ପାସେଞ୍ଜର ସ୍ପେଶାଲ୍ ସମୟ ସାରଣୀକୁ ସଂଶୋଧନ କରିବାକୁ ମଧ୍ୟ ନିଷ୍ପତ୍ତି ନିଆଯାଇଛି | 21 ଜୁଲାଇ 2022 ଠାରୁ ସ୍ଥିରୀକୃତ ଷ୍ଟେସନ ମାନଙ୍କ ଠାରେ ଏହି ଟ୍ରେନ୍ ପାଇଁ ସମୟ ମଧ୍ୟ ସଂଶୋଧିତ ହୋଇଛି | ଏହି ଟ୍ରେନ ଭୁବନେଶ୍ୱର ଠାରୁ ଏହାର ନିର୍ଧାରିତ ସମୟ ପୂର୍ବାହ୍ନ ୯ଘ.୨୫ମି. ପରିବର୍ତ୍ତେ ପୂର୍ବାହ୍ନ ୧୦ଘ.୨୦ମି. ରେ ଛାଡି ନୁଆଗାଁ ରୋଡ଼ ଠାରେ ଅପରାହ୍ନ ୧୨ଘ.୧୫ମି. ପରିବର୍ତ୍ତେ ୧ ଘଟିକାରେ ପହଞ୍ଚିବ |
ଅବଶ୍ୟ, 08430 ନୁଆଗାଁ ରୋଡ୍-ଭୁବନେଶ୍ୱର ପାସେଞ୍ଜର ସ୍ପେସିଆଲ୍ ନୁଆଗାଁ ରୋଡ୍ ଠାରୁ ଭୁବନେଶ୍ୱର ଫେରିବା ମାର୍ଗରେ ଏହାର ସମୟ ସାରଣୀ ଅପରିବର୍ତ୍ତିତ ରହିବ |
