କାର୍-ବାଇକ୍ ମୁହାଁମୁହିଁ ଧକ୍କା, ବାଇକ ଚାଳକ ଓ ଆରୋହୀ ମୃତ
ନୀଳଗିରି: ୧୯ ନମ୍ବର ଜାତୀୟ ରାଜପଥର ବାଉଁଶନାଳ ଛକ ନିକଟରେ କାର-ବାଇକ୍ ମୁହାଁମୁହିଁ ଧକ୍କା ହୋଇଛି। ଏଥିରେ ମୋଟରସାଇକଲ ଚାଳକ ଓ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। କାର୍ରେ ବସିଥିବା ଦୁଇ ଜଣ ମଧ୍ୟ ଆହତ ହୋଇଛନ୍ତି। ସୂଚନା ମୁତାବକ, ଆଜି (ଶୁକ୍ରବାର) ଅପରାହ୍ନ ପ୍ରାୟ ୩ଟା ସମୟରେ ନୀଳଗିରି ଏନଏସି ୬ନମ୍ବର ୱାଡ଼ ମଙ୍ଗଳାସହି ଗ୍ରାମର ପପୁ ଓରଫ ତ୍ରିଲୋଚନ ମଲ୍ଲିକ ଏବଂ ସିଂଲା ଥାନା ଅଞ୍ଚଳର ତାଙ୍କର ଜଣେ ବନ୍ଧୁ ନିଜର ହୁଣ୍ଡାଇ କାର୍ (ଓଡି ଠ୧ୱାଇ ୫୨୮୨)ରେ ନୀଳଗିରିରୁ ସଜନାଗଡ଼ ଅଭିମୁଖେ ଯାଉଥିଲେ। ଏହି ସମୟେରେ, ନୀଳଗିରି ଥାନା ଜଡିଦା ଗ୍ରାମ ପଞ୍ଚାୟତ ଡେଙ୍ଗାସାହି ଗ୍ରାମର ମାନସ ସିରେନ (୩୨) ଓ କୁଶ ସିଂ (୪୨) ଏକ ପଲସର ମୋଟରସାଇକଲ (ଓଡି ୦୧ ବିଜେ ୫୭୮୧)ରେ ବିପରୀତ ଦିଗରୁ ଆସୁଥିଲେ। ୧୯ନମ୍ବର ରାଜ୍ୟ ରାଜପଥ ବାଉଁଶନାଳ ଛକ ନିକଟବର୍ତ୍ତୀ ଜେଡି ଇଟା ଭାଟି ସମ୍ମୁଖରେ ଉଭୟ କାର ଓ ବାଇକ ମୁହାଁ ମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ମାନସ ଓ କୁଶଙ୍କର ଘଟଣା ସ୍ଥଳରେ ମୃତ୍ୟୁ ଘଟିଥିଲା। କାର୍ରେ ବସିଥିବା ତ୍ରିଲୋଚନ ମଲ୍ଲିକ୍ ଙ୍କ ମୁହଁ, ମୁଣ୍ଡ ଓ ଆଖିରେ ଗଭୀର ଆଘାତ ଲାଗିଛି। ତାଙ୍କୁ ବାଲେଶ୍ଵର ମେଡ଼ିକାଲ୍ କୁ ସ୍ଥାନାନ୍ତର କରାଯାଇଛି। ତେବେ ଏହି ଦୁର୍ଘଟଣାରେ କାର ରେ ଥିବା ଆଉ ଜଣ ଅଳ୍ପ ଆହତ ହୋଇଥିବା ବେଳେ ଘଟଣା ସ୍ଥଳରୁ ଫେରାର ହୋଇଯାଇଥିଲେ । ଘଟଣା ସ୍ଥଳରେ ନୀଳଗିରି ପୋଲିସ ପହଞ୍ଚି ଦୁଇ ମୃତକ ଙ୍କ ଶବ ଉଦ୍ଧାର କରି ନୀଳଗିରି ମେଡିକାଲ କୁ ଆଣିଥିବା ବେଳେ ବାଇକ ଓ କାର କୁ ଜବତ କରି ଥାନାକୁ ଆଣି ଏକ ଅପମୃତ୍ୟୁ ମାମଲା ରୁଜ୍ଜୁ କରିଥିବା ଜଣାପଡ଼ିଛି। ଆସନ୍ତା ଶନିବାର ଶବ ବ୍ୟବଚ୍ଛେଦ ହେବ ବୋଲି ପୋଲିସ ସୂତ୍ରରୁ ପ୍ରକାଶ।









Comments