ଆଦିବାସୀ କେବେ ବି ଗୋଲାମଗିରି କରେନାହିଁ ସତରେ ଯଦି ବିର୍ସା ମୁଣ୍ଡା, ରେଣ୍ଡୋ ମାଝୀ ତିଲକା ମାଝୀଙ୍କର ରକ୍ତ ଥାଏ !!!...

ଆଦିବାସୀ କେବେ ବି ଗୋଲାମଗିରି କରେନାହିଁ ସତରେ ଯଦି ବିର୍ସା ମୁଣ୍ଡା, ରେଣ୍ଡୋ ମାଝୀ ତିଲକା ମାଝୀଙ୍କର ରକ୍ତ ଥାଏ !!!...

ଆଦିବାସୀ ଆଜି ନୁହେଁ ଭାରତ ସ୍ୱାଧୀନ ନହେବା ପୂର୍ବରୁ ସେ ତାର ସ୍ୱାଭିମାନ ( Self Dignity Movement), ଆତ୍ମ ସମ୍ମାନ ଆନ୍ଦୋଳନ କରିଆସୁଛି | ବିର୍ସା ମୁଣ୍ଡାଙ୍କର ଉଲଗୁଲାନ ଆନ୍ଦୋଳନ କୁ ଭଣ୍ଡୁର କରିବା ପାଇଁ ଅନେକ ଷଡଯନ୍ତ୍ର ରଚାଯାଇଥିଲା କିନ୍ତ ବ୍ରିଟିଶ ସରକାର ସଫଳ ହେଲେ ନାହିଁ | ଯଦି ସେହି ସମୟରେ ବିର୍ସା ମୁଣ୍ଡା ସାହୁକାର, ଜମିନଦାର,ଇଂରେଜ ସରକାରର ଚାପୁଲସି, ଚମଚାଗିରି, ଓ ଗୋଲାମଗିରି କରିଥାନ୍ତା ତାହେଲେ ଆଜି ବିର୍ସା ମୁଣ୍ଡା ଙ୍କୁ ଭାରତ ରତ୍ନ ଉପାଧି ମିଳିସାରିଥାନ୍ତା | କାରଣ ଆମର ପୂର୍ବଜ ମାନେ ଗୋଲାମୀ କୁ ପସନ୍ଦ କରୁନଥିଲେ ବରଂ ଲଢେଇ କରି ପଛେ ନିଜର ଜୀବନ କୁ ଉତ୍ସର୍ଗୀକୃତ କରିଦେଉଥିଲେ|
ଧୀରେ ଧୀରେ ଆଧୁନିକ ସଭ୍ୟତା ର ପୂର୍ବଦୟ ଫଳରେ ଆଦିବାସୀ ମାନଙ୍କର ସବୁକିଛି ପରିବର୍ତ୍ତନ ସହ ଉଚ୍ଚ ଜାତି ମାନଙ୍କର ପ୍ରଭାବ ଫଳରେ ଆଦିବାସୀ ନିଜ ସଂସ୍କୃତି, ପରମ୍ପରା କୁ ଭୁଲି ପଦବୀର ଲାଳଜରେ ନିଜର ପେନପୁରଖା, ଡୁମାଡେନ କୁ ପୂଜା ପାଠ ସ୍ମରଣ କରିବା ପରିବର୍ତ୍ତେ ଆର୍ଯ୍ୟ ମାନଙ୍କର ମନ୍ଦିର କୁ ଯାଇ ନିଜର ଅସ୍ମିତା ଆତ୍ମସମ୍ମାନ କୁ ଜଳାଞ୍ଜଳି ଦେଉଛନ୍ତି | (ଉଦାହରଣ ଦ୍ରୁପତି ମୁର୍ମୁ ମାଡାମ ରାଷ୍ଟ୍ରପତି ପ୍ରାଥୀ) ଆଦିବାସୀ କେବେବି ମନ୍ଦିର କୁ ଯାଏ ନାହିଁ କି ମନ୍ଦିର ଶବ୍ଦ ହିଁ ଆଦିବାସୀ ସମାଜରେ ନାହିଁ | ଆଦିବାସୀ ହେଉଛି ପ୍ରକୃତିବାଦୀ, ପ୍ରକୃତିପୂଜକ ସେ ଜଙ୍ଗଲ, ଡ଼ଙ୍ଗର ଝରନ ପାହାଡ଼ ପର୍ବତ ଗଛଲତା, ତାର ଆଦିମ ସଂସ୍କୃତିରେ ନିଜର ପୂର୍ବଜ ମାନଙ୍କୁ ଗୁଡ଼ି, ଖଲା ପିଦର ରେ ରଖି ପୂଜା କରିଥାନ୍ତି | ଓଡ଼ିଶାରେ 62 ପ୍ରକାର ଆଦିବାସୀ ମାନଙ୍କର ଭିନ୍ନ ଭିନ୍ନ ଦେବୀଦେବତା ରହିଛି କିନ୍ତୁ କେଉଁ ଦେବାଦେବୀ ମନ୍ଦିର ଭିତରେ ତାଲା ଠୁଙ୍କି ଏସି କୋଠରିରେ ରହନ୍ତି ନାହିଁ | ସେମାନଙ୍କର ମୂଳ ପୂଜାପାଠ ହୁଏ ଜଙ୍ଗଲରେ, ଖେତଖଳାରେ ପ୍ରକୃତିର ଧରାପୃଷ୍ଠରେ ମନ୍ଦିରରେ ନୁହେଁ ସେଥିପାଇଁ ତ' ଆଦିବାସୀ ହିନ୍ଦୁ ନୁହଁନ୍ତି କି ଖ୍ରୀଷ୍ଟିଆନ ନୁହଁନ୍ତି କି ମୁସଲମାନ ନୁହଁନ୍ତି ସେମାନେ ମାନ୍ୟବର ଉଚ୍ଚ ନ୍ୟାୟଳୟ ଙ୍କ ମତରେ UNO ୟୁନାଇଟେଡ଼ ନେସନ ଙ୍କ  ଘୋଷଣା ଅନୁସାରେ ମଧ୍ୟ ଆଦିବାସୀ ହିନ୍ଦୁ ନୁହଁନ୍ତି ବରଂ ଆଦିବାସୀ ମୂଳନୀବାସୀ ବୋଲି UNO ତାଙ୍କର ଘୋଷଣା ପତ୍ରରେ ଉଲ୍ଲେଖ କରିଛନ୍ତି| ଆଦିବାସୀ ସମ୍ପ୍ରଦାୟ ଏକ ବିରଳ ଲଢୁଆ ସ୍ୱାଭିମାନୀ ସମ୍ପ୍ରଦାୟ ଅଟେ | ସେ ସବୁବେଳେ ପ୍ରକୃତି କୁ ଭଲପାଏ ପ୍ରକୃତିକୁ ସୁରକ୍ଷା ଦିଏ ବିଶ୍ୱର ମଙ୍ଗଳ ପାଇଁ ସେ ବିଶ୍ୱଶାନ୍ତି ମହାଯଜ୍ଞ କରେ ନାହିଁ ବରଂ ଜଳ, ଜଙ୍ଗଲ ଓ ଜମିନ ସହ ଜଙ୍ଗଲରେ ଅଧିକ ରୁ ଅଧିକ ବନଲତା,  ଔଷଧୀୟ ବୃକ୍ଷ ରୋପଣ କରିବା ସହ ମୁକ୍ତ ଅମ୍ଳଜାନ କିପରି ବିଶ୍ୱର ସମସ୍ତ ନାଗରିକ ପାଇବେ ସେ ଉପରେ ଆଦିବାସୀ ଚିନ୍ତିତ ହୋଇ ପ୍ରକୃତିକୁ ସୁରକ୍ଷା ଦେଇଆସୁଛି | ଆଦିବାସୀ ମାନଙ୍କୁ ବର୍ତମାନର ସରକାର ମାନେ ବିଭିନ୍ନ ପଦବୀର ପ୍ରଲୋଭନ ଦେଖେଇ ପ୍ରାଥୀ କରୁଛନ୍ତି | ସେମାନେ ବି ପ୍ରାଥୀ ହେବାରେ ପଛଘୁଞ୍ଚା ଦେଉନାହାନ୍ତି | କାରଣ ରାଜନୀତି ପାୱାର ଏକ ଏମିତି ପାୱାର ଥରେ ଆସିଗଲେ ଦୁନିଆ ଓଲଟି ଯାଏ କିନ୍ତୁ ଆଦିବାସୀ ମାନେ ରାଜନୀତି ପାୱାର ପୋଜିସନ, ପଦବୀ ପାଇଗଲେ ସଖି କଣ୍ଢେଇ, ରବର ଷ୍ଟାମ୍ପ ପାଲଟିଯାନ୍ତି |  (ଉଦାହରଣ ରୂପେ ଦଳିତ ରାଷ୍ଟ୍ରପତି ରାମନାଥ କୋବିନ୍ଦ) ଯେଉଁ ଦଳିତ ରାଷ୍ଟ୍ରପତି ଙ୍କୁ ମନ୍ଦିର ପ୍ରବେଶ କରିବାକୁ ବାରଣ କରାଯାଇଥିଲା ଅସ୍ପଶ୍ୟତା ନାଁରେ ସେହି ମାନ୍ୟବର  ରାମନାଥ କୋବିନ୍ଦ ଗୋଲାମଗିରି କରି ତାଙ୍କର ରାଷ୍ଟ୍ରପତି ପଦବୀର ଶେଷ ପର୍ଯ୍ୟନ୍ତ ଏକ ସ୍ବର୍ଣ୍ଣମ ଅକ୍ଷରରେ  ରବର ଷ୍ଟାମ୍ପ ହୋଇ ରହିଗଲେ | ବିର୍ସା ମୁଣ୍ଡା, ରେଣ୍ଡୋ ମାଝୀ, ଜ୍ୟୋତିବା ଫୁଲେ, ସାହୁଜୀ ମହାରାଜ ଆମର ପୂର୍ବଜ ମାନେ ଆତ୍ମ ସମ୍ମାନର ଲଢେଇ କରୁଥିଲେ| ସେଥିପାଇଁ ସମାଜରେ ଚାମଚା, ଗୋଲାମୀ ବଢ଼ିଯାଇଥିବାରୁ ମହାତ୍ମା ଜ୍ୟୋତିରାଓ ଫୁଲେ "ଗୋଲାମଗିରି ପୁସ୍ତକ" ପରେ ପରେ ମାନ୍ୟବର କାନଶୀରାମ ସାହେବ"ଚାମଚା ଯୁଗ"ପୁସ୍ତକ ଲେଖି ମୂଳନୀବାସୀ ସମାଜ କୁ ଏକ ନୂତନ ଦିଗଦର୍ଶନ ଦେଲେ | ଆଦିବାସୀ ମାନଙ୍କୁ ବିଭିନ୍ନ ମନୁବାଦୀ  ରାଜନୀତିକ ଦଳ ଗୁଡ଼ିକ ବ୍ୟବହାର କରୁଛନ୍ତି | ବିଶେଷ କରି ଆଦିବାସୀ ସଂସ୍କୃତି, ଧର୍ମ କୁ ବର୍ବାଦ କରି ଆଦିବାସୀ ମାନଙ୍କୁ କପାଳେ ଚନ୍ଦନ ଟୀକା, ଶରୀରରେ ଲମ୍ବା ପଇତା ତା'ସହ ଗେରୁଆ ବସ୍ତ୍ର ପିନ୍ଧେଇବାକୁ ଗେରୁଆଧାରୀ ମାନେ ଆଦିବାସୀ ମାନଙ୍କୁ ପ୍ରବର୍ତ୍ତାଉଛନ୍ତି ଓ ଆଦିବାସୀ ମାନଙ୍କୁ ବିଭିନ୍ନ ପଦପଦବୀ ଦେଉଛନ୍ତି କାଳେ ସେମାନେ ଆଦିବାସୀ ସମାଜ କୁ ହିନ୍ଦୁତ୍ୱର ବିଷବଳୟରେ ରଖି ଆଦିବାସୀ  ସଂସ୍କୃତିର ଚିହ୍ନ ବର୍ଣ୍ଣ କୁ ମାଟିରେ ମିଶେଇବାକୁ ଆହୁରି ଅନେକ ଏମିତି ଦ୍ରୁପତି ମୁର୍ମୁ ଭଳିଆ ଆଦିବାସୀ ନେତ୍ରୀ ଙ୍କୁ ରାଷ୍ଟ୍ରପତି କରେଇବେ | ଯିଏ ଦାରୁ ବ୍ରହ୍ମ ମାନଙ୍କର କଥା ମାନିବ କଣ୍ଢେଇ ଭଳିଆ ଆ..... କହିଲେ ଆସିବ... ଯା.... କହିଲେ ଯିବ.. ଉଠ କହିଲେ ଉଠିବ..... ବସ କହିଲେ ବସିବ ସେମିତି ଲୋକମାନଙ୍କୁ ହିଁ ରାଜ୍ୟପାଳ, ରାଷ୍ଟ୍ରପତି କରେଇବେ | କେବଳ ଆଦିବାସୀ ଦଳିତ ଲୋକ ମାନେ ଜାତି ଦେଖିକି ଖାଲି ଖୁସି ହେଉଛନ୍ତି ଯେ, ଆମର ଆଦିବାସୀ ଲୋକ ରାଷ୍ଟ୍ରପତି ହେଲେ  ଗର୍ବ ଓ ଗୌରବ କଥା ଖୁସି ହେବାର ବି କଥା କିନ୍ତୁ ଆମର ଜାତିର ଲୋକ ସିନା ରାଷ୍ଟ୍ରପତି ହେଲେ କାମ ଟା ଉଚ୍ଚ ଜାତିର କରାହେବ, ଧନୀ ପୁଞ୍ଜିପତି, କମ୍ପାନୀ ମାନଙ୍କର କାମ ହେବ | ଆଦିବାସୀ ଲୋକ ଆମର ଆମେ ଭାବୁଛୁ କିନ୍ତୁ ବିଚାରଧାରା ଟି ସେହି ଶାସକ ଜାତି ମାନଙ୍କର ରହିଛି |  ଆଦିବାସୀ ରାଷ୍ଟ୍ରପତି ହେଲେ କେବଳ ଖୁସି ହେବା ଛଡା ଅନ୍ୟ କିଛି ନୁହେଁ ବରଂ ଆଦିବାସୀ ମାନଙ୍କର ଜଳ, ଜଙ୍ଗଲ ଜମିନ କୁ ବହୁରାଷ୍ଟ୍ରୀୟ କମ୍ପାନୀ ମାନଙ୍କ ହାତରେ ଟେକି ଦେବା ପରମ୍ପରାଟା ଯେଉଁ ଭାରତ ବର୍ଷରେ ରହିଛି ସେହି ଅମାନବୀୟ ବିସ୍ଥାପନ ପରମ୍ପରା କୁ କେତେ ଦୂର ବିରୋଧ କରୁଛନ୍ତି ଓ ଆଦିବାସୀ ମାନଙ୍କୁ ବିସ୍ଥାପନ ଭଳିଆ ସମସ୍ୟାର ସମାଧାନ କରି ଆଦିବାସୀ ମାନଙ୍କୁ ନ୍ୟାୟ ଦେବାରେ କେତେ ସକ୍ଷମ ହେଉଛନ୍ତି ଦ୍ରୁପତି ମୁର୍ମୁ ନା ରାଷ୍ଟ୍ରପତି ରାମନାଥ କୋବିନ୍ଦ ଭଳିଆ ଲୋକସଭା ଓ ରାଜ୍ୟସଭା ରେ ପାରିତ ହେଉଥିବା ବିଲ ରେ ଅନ୍ଧାଧୁନିଆ ଦସ୍ତଖତ କରିବେ | ଏହା ଆମେ କହୁନାହୁଁ ଇତିହାସ ମୁକ ସାକ୍ଷୀ ରହିଛି ଯେ, ଭାରତର ଆଦିମ ଆଦିବାସୀ  ପୂର୍ବପୁରୁଷ ମାନେ କେବେ ବି ଗୋଲମଗିରି କରିନାହଁ | ସବୁବେଳେ ସେ କ୍ରାନ୍ତିର ମଶାଲ ଧରିଛି ଏବଂ ଶତ୍ରୁ ଙ୍କ ସହିତ ଲଢ଼ିଛି ଆଗକୁ ମଧ୍ୟ ନିଜର ଭିଟାମାଟି, ଜଳ, ଜଙ୍ଗଲ, ଜମିନ ସଂସ୍କୃତି ପାଇଁ ଲଢ଼ିବ ଏଥିରେ କେହି ରୋକଲଗେଇ ପାରିବେ ନାହିଁ | ପୁଣି ଥରେ ମୁର୍ମୁ ମାଡାମ ଙ୍କୁ ଶୁଭେଚ୍ଛା ଓ ଅଭିନନ୍ଦନ ଆଦିବାସୀ ମାନଙ୍କର ହିତ ପାଇଁ ବିକାଶ ପାଇଁ କାର୍ଯ୍ୟ କରନ୍ତୁ ଆପଣଂକୁ ଆଦିବାସୀ ସମାଜ ଚିର ଦିନ ପାଇଁ ମନେ ରଖିବ ଯଦି ରାମନାଥ ମହୋଦୟ ଙ୍କ ଭଳିଆ ସିଗ୍ନେଚର (Signature)କରିବେ ତାହେଲେ ଆଦିବାସୀ ମାଫ ଦେବେ ନାହିଁ | 
ଆଦିବାସୀ ଏକତା ଜିନ୍ଦାବାଦ
ଦେଶର ମହାନ ସମ୍ବିଧାନ ଜିନ୍ଦାବାଦ (Journalist : Bidyadhar Barik (Madhu)